Yochué 10:4 - Tupanaarü Ore

⁴ Rü ñanagürü: —¡Nua pexĩ nax choxü̃ peyarüngü̃xẽxẽgüxü̃ca̱x nax Gabaóü̃cüã̱xgümaxã yigü ida̱i̱xü̃ca̱x! Yerü Yochuémaxã rü guxü̃ma i Iraétanüxü̃arü ãẽ̱xgacügümaxã mexü̃ i ĩnüwa nangugüe nax tama nügü nada̱i̱xü̃ca̱x —ñanagürü.

Yochué 10:4 Referans Kwoze

Yochué 9:15

Rü yexguma ga Yochué rü yema Gabaóü̃cüã̱xmaxã mexü̃ ga ĩnüwa nangu, rü namaxã nüxü̃ nixu nax taxũtáma nadaiaxü̃. Rü yema togü ga Iraétanüxü̃arü ãẽ̱xgacügü rü Tupanaégagu Yochuérüü̃tama mexü̃gu yema Gabaóü̃cüã̱xmaxã narüxĩnüe.

Yochué 10:1

Rü Adonichéde ga Yerucharéü̃arü ãẽ̱xgacü nüxü̃ naxĩnü nax ñuxãcü Yochué rü Áixü̃ yapu̱xü̃ rü yamáaxü̃ ga norü ãẽ̱xgacü rü yanaxoxẽẽãxü̃ ga norü ĩane. Rü yexgumarüxü̃ ta nüxü̃ naxĩnü nax ñuxãcü Yericúxü̃ yapu̱xü̃ rü yamáaxü̃ ga norü ãẽ̱xgacü. Rü ñu̱xũchi nüxü̃ nacuáchiga ga Gabaóü̃cüã̱xgü nax Iraétanüxü̃maxã mexü̃ ga ĩnüwa nangugüxü̃ nax tama namaxã nügü nada̱i̱xü̃ca̱x. Rü yemaca̱x ga nüma ga Yerucharéü̃arü ãẽ̱xgacü rü poraãcü namuü̃ yerü Gabaóü̃ rü wüxi ga ĩane ga taxü̃ne rü porane ga Áiarü yexera ixĩxü̃ne nixĩ, rü norü duü̃xü̃gü rü nipora rü tama namuü̃ewa̱xe.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:14

Rü yema ngo̱xoãxẽgü nixĩ ga naxügüxü̃ ga taxü̃ ga cua̱xruü̃gü. Rü ínachoxü̃ nax nangutaque̱xexẽẽgüãxü̃ca̱x i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü nax Tupana ya Guxü̃étüwa Ngẽxmacümaxã nügü nada̱i̱xü̃ca̱x nagu i ngẽma ngunexü̃ ya Tupana nüxü̃ unetaxü̃.

Nüxíraxü̃xü̃ ga popera ga Pedru ümatüxü̃ 4:4

Rü ñu̱xma nax tama namaxã pexãmücügüxü̃ i ngẽma duü̃xü̃gü i ngẽxguma norü chixexü̃ naxügügu, rü nagu narüxĩnüe nax ta̱xacüca̱x tama natanügu pexãgüxü̃. Rü ngẽmaca̱x chixri pechiga nidexagü.

Popera ga Chantiágu ümatüxü̃ 4:4

Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.

Norü taxre ga popera ga Timutéuca̱x naxümatüxü̃ ga Pauru 3:12

Rü aixcüma cumaxã nüxü̃ chixu rü guxãma ya yíxema naxwa̱xegüxe nax Ngechuchu ya Cristuca̱x tamaxẽxü̃, rü duü̃xü̃gü rü tá tümawe ningẽxü̃tanü rü guxchaxü̃ tá tümaca̱x ínangugü.

Ngechuchuarü ngúexü̃gü ga yamugüxü̃arü puracüchiga 21:28

Rü tagaãcü aita naxüe ñaxü̃maxã: —Pa Tomücügü Pa Iraétanüxü̃güx, ¡Paxa toxü̃ perüngü̃xẽxẽx! Ñaa nixĩ i ngẽma yatü i guxü̃wama yangúexẽẽchigüxü̃ i duü̃xü̃gü nax taxchi naxaiexü̃ca̱x i yixema i Iraétanüxü̃, rü naxchi nax naxaiexü̃ca̱x i ngẽma mugü ga Moiché ümatüxü̃ rü naxchi naxaiexü̃ca̱x ya daa Tupanapata ya taxü̃ne. Rü naétü i ñu̱xmax rü nuxã daa Tupanapata ya taxü̃negu nanamucu i ñuxre i duü̃xü̃gü i tama tacümagu ĩxü̃, rü ngẽmaãcü nanaxüxaxẽxẽ i ñaa nachica i üünexü̃ —ñanagürügü.

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Ore i mexü̃ ga Matéu ümatüxü̃ 16:24

Rü yexguma ga Ngechuchu rü norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!

Yochué 10:5

Rü yemaca̱x ga yema 5 ga ãẽ̱xgacügü ga Amoréutanüxü̃ rü wüxigu naxĩtaque̱xe. Rü yemagü nixĩ ga Yerucharéü̃arü ãẽ̱xgacü, rü Ebróü̃arü ãẽ̱xgacü, rü Yamúxarü ãẽ̱xgacü, rü Láquiarü ãẽ̱xgacü, rü Egróü̃arü ãẽ̱xgacü. Rü norü churaragümaxã Gabaóü̃arü ĩaneca̱x inaxĩãchi. Rü yexma nangugü nax namaxã nügü nada̱i̱xü̃ca̱x.