Yochué 10:21 - Tupanaarü Ore

²¹ Natürü nüma ga Iraétanüxü̃ rü taxuxü̃ma nüxü̃ nangupetü, rü mea nawoegu naxca̱x ga Machedá ga ínapegüxü̃wa ga Yochué íyexmaxü̃wa. Rü taxúema tügü taporaxẽxẽ nax chixri nachiga tidexaxü̃ ga Iraétanüxü̃.

Yochué 10:21 Referans Kwoze

Ínachoxü̃xü̃chiga 11:7

Natürü ngẽma Iraétanüxü̃ nawa ngẽxmagüxü̃ i naane rü taxũtáma ngẽma poxcu nawa nangu. Rü natanüwa rü tá nachianemare, rü woo i airugü rü taxuxü̃táma narüngúxtanüxü̃. Rü ngẽmaãcü, Pa Faraóü̃x, rü tá nüxü̃ pecua̱x nax yimá Cori ya Tupana nüxü̃ naxunetaxü̃ i ngẽma Iraétanüxü̃ rü tama i pexü̃.

Ichaía 57:4

¿Rü texéxü̃ yixĩxü̃ i pecugüexü̃ i pemax? ¿Rü texécha̱xwa yixĩxü̃ i pidaugachigüxü̃? ¿Rü texéna yixĩxü̃ i pede̱xgüexü̃? Pema rü pecadu nanegü pixĩgü, rü duü̃xü̃ i dorata̱xgüxü̃ pixĩgü.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Yochué 10:20

Rü nüma ga Yochué rü Iraétanüxü̃arü churaragümaxã Amoréutanüxü̃xü̃ narüporamae rü nanadai ga muxũchixü̃ma. Rü yemawena rü yema Amoréutanüxü̃ ga ibuxmüxü̃ rü norü ĩanegu narücu̱xgü.

Yochué 10:22

Rü nüma ga Yochué rü Iraétanüxü̃xü̃ namu rü ñanagürü: —¡Ípenanugü ya yimá nutagü i ngẽma ãxmaxü̃ namaxã rüngũxtagücü! ¡Rü ípenamuxü̱̃x i ngẽma 5 i ãẽ̱xgacügü! —ñanagürü.