Biblia Todo Logo
Bib sou entènèt

- Piblisite -




Yochué 10:16 - Tupanaarü Ore

16 Rü yema 5 ga ãẽ̱xgacügü ga Amoréutanüxü̃ rü nibuxmü rü wüxi ga nutaarü ãxmaxü̃gu narücu̱xgü ga Machedáwa.

Gade chapit la Kopi




Yochué 10:16
17 Referans Kwoze  

Rü ñoma ga naanewa yexmagüxü̃ ga nachixü̃anegüarü ãẽ̱xgacügü, rü ma̱xpǘnemagu rü ma̱xpü̃́nearü nutatanügu nicu̱xgü. Rü wüxigu yexma namaxã nicu̱xgü ga yema togü ga ãẽ̱xgacügü ga taxü̃gü ga ñoma ga naanemaxã icua̱xgüxü̃, rü churaragüarü ãẽ̱xgacügü ga taxü̃gü, rü yema duü̃xü̃gü ga muarü diẽruã̱xgüxü̃, rü yema duü̃xü̃gü ga ñoma ga naanewa poraexü̃, rü guxü̃ma ga duü̃xü̃gü ga mugüruü̃gü ixĩgüxü̃, rü guxü̃ma ga duü̃xü̃gü ga ngearü coriã̱xgüxü̃.


Rü ngẽma duü̃xü̃gü rü ñoma ãxtaperüxü̃ waixü̃müte̱xe tá nadexgü, ngẽma togü i waixü̃mügu nügü itúgüxü̃rüxü̃. Rü ngẽma íyacu̱xgüxü̃wa tá ínachoxü̃ rü norü muü̃maxã tá cuxca̱x naxĩ, Pa Cori, Pa Torü Tupanax.


Rü woo waixü̃müarü ãxmaxü̃gu yacu̱xgügu rü ngéma tá íchanawoxü̃ama. Rü woo ma̱xpǘnetape̱xegu naxĩgügu rü ngéma rü tá íchanaxĩgüxẽxẽama.


Natürü nüma ga Dabí rü Chaúwetama inayago ga yema ãxmaxü̃wa rü nüxna nacagü rü ñanagürü: —Pa Ãẽ̱xgacüx, Pa Ãẽ̱xgacüx —ñanagürü. Rü nüma ga Chaú rü nügü nadauegu. Rü nüma ga Dabí rü ñaxtüanegu yangücuchiãcüma nüxü̃ narümoxẽ.


Rü yexguma yexma naxĩxgu ga Chaú, rü yexma nüxü̃ nangau ga ñuxre ga carnérutücumügü norü ngaicamagu ga wüxi ga ma̱xpǘnearü ãxmaxü̃ ga nagu yacúxü̃ ga Dabí norü churaragümaxã. Rü nüma ga Chaú rü yema ãxmaxü̃gu nangaxi nax yexma íyawo̱xéxü̃ca̱x.


Rü yexguma yema Iraéanecüã̱xgü ga churaragü nüxü̃ icua̱xãchitanügu ga taxü̃ ga guxchaxü̃wa nax nayexmagüxü̃ rü namuü̃e yerü namuxũchi ga yema norü uanügü. Rü yemaca̱x nutaarü ãxmaxü̃gügu, rü waixü̃müarü ãxmaxü̃gügu rü nutatanügu rü ngatexü̃gügu, rü puchugügu nicu̱xgü.


Rü nüma ga Madiáü̃tanüxü̃ rü niyexeragutanü nax chixri Iraétanüxü̃maxã inacua̱xgüxü̃. Rü yemaca̱x ga yema Iraétanüxü̃ rü Madiáü̃tanüxü̃xü̃ namuü̃e, rü ma̱xpǘnegü ga guxchaãcü nawa inguxü̃nearü ãxmaxü̃gu nicu̱xgü.


Rü yemaca̱x ga yema 5 ga ãẽ̱xgacügü ga Amoréutanüxü̃ rü wüxigu naxĩtaque̱xe. Rü yemagü nixĩ ga Yerucharéü̃arü ãẽ̱xgacü, rü Ebróü̃arü ãẽ̱xgacü, rü Yamúxarü ãẽ̱xgacü, rü Láquiarü ãẽ̱xgacü, rü Egróü̃arü ãẽ̱xgacü. Rü norü churaragümaxã Gabaóü̃arü ĩaneca̱x inaxĩãchi. Rü yexma nangugü nax namaxã nügü nada̱i̱xü̃ca̱x.


Rü yemawena nüma ga Yochué rü norü churaragü ga Iraétanüxü̃maxã naxca̱x nawoegu ga guma ĩane ga nagu napegüne ga Guirigá.


Natürü yixcamaxü̃ra rü nüxü̃ inayangaugüama nagu ga yema nutaarü ãxmaxü̃ rü Yochuémaxã nüxü̃ nixugüe.


—Yema uanügüarü ãẽ̱xgacügü rü norü churaragümaxã nibuxmü. Rü yema ngexü̃gü ga ĩpatawachigü yexmagüxü̃ rü nügümaxã nayatoye ga yema norü uanügüarü yemaxü̃gü ga nüxna yéma yabuxmüxü̃.


Rü ñoma muxtucu i naxã̱xmümaxã idüxüxü̃rüxü̃ nixĩ i ngẽma ngexü̃gü nax diẽrumümaxã rü úirumaxã yadügüxü̃. Rü cuma rü carnérutanügu cupe —ñanagürügü.


Swiv nou:

Piblisite


Piblisite