Yochué 10:13 - Tupanaarü Ore

¹³ Rü gumá üa̱xcü rü gumá tauemacü rü yéma nayachaxãchigü ñu̱xmata ga Iraétanüxü̃ norü uanügüxü̃ nadai. Rü ngẽmaca̱x ngẽma popera i Yachéx ümatüxü̃wa rü ñanagürü: —Yimá üa̱xcü rü wixgutaa̱x 24 ora ninge ga nax tama yanaxücuxü̃ —ñanagürü.

Yochué 10:13 Referans Kwoze

Abacú 3:11

Rü yima üa̱xcü rü yima tauemacü rü ínayachaxãchigü i ngẽxguma nüxü̃ nadaugügu ya yima cuxnegü ya iyauracüügüne rü curü wocae ya iyauracüücü.

Ichaía 38:8

Rü ngẽma üa̱xcüpechita rü 10 i wüye tá nataegu —ñanagürü. Rü yexguma ga nüma ga Cori ya Tupana rü 10 ga wüye nataeguxẽxẽ ga üa̱xcüpechita nawa ga yema Acháxarü üa̱xcüarü ngugüruxü̃ ga ãẽ̱xgacüpatawa yexmaxü̃.

Yochué 10:14

Rü yemaacü Tupana ínayachaxãchixẽxẽ ga üa̱xcü rü tauemacü nagagu ga wüxi ga yatüarü yumüxẽ. Rü ü̃paacü rü taguma yemaacü nangupetü, rü woo yemawena rü taguma yemaacü nangupetü, yerü woetama Iraétanüxü̃étüwa naxü ga Tupana.

Ãẽ̱xgacügü ga guxchaxü̃güarü mexẽxẽruü̃gü 16:28

Rü yexguma ga nüma ga Chanchóü̃ rü Cori ya Tupanana naca rü ñanagürü: —¡Cuxü̃ chaca̱a̱xü̃, Pa Corix, rü ñu̱xmarica choxna nacua̱xãchi rü pora choxna naxã nax chaugü chaxütanüxü̃ca̱x naxca̱x ga guma taxre ga chauxetü ga Firitéugü choxü̃́ caxü̃ne! —ñanagürü.

Ore i mexü̃ ga Luca ümatüxü̃ 18:7

¿Taux ẽ̱xna ya Tupana rü paxa tüxü̃ ínapoxü̃xü̃ ya yíxema duü̃xẽ ya tüxü̃ nayaxúxe i ngẽxguma chütacü rü ngunecü rü norü ngü̃xẽẽca̱x nüxna tacaxgu i tümaarü yumüxẽwa?

Joel 3:15

Rü tá nixogü ya üa̱xcü rü tauemacü. Rü taxũtáma marü ninaigü i ẽxtagü.

Joel 2:10

Rü ngẽma munügüpe̱xewa rü naxĩã̱xãchi i ñoma i naane rü caixanexü̃gü. Rü üa̱xcü rü tauemacü rü tá nixogü. Rü woramacurigü rü ẽxtagü rü taxũtáma ninaigü.

Wiyaegü 148:3

Rü cumax, Pa Üa̱xcüx, rü cumax, Pa Tauemacüx, rü pemax, Pa Ẽxtagüx, rü name nixĩ i nüxü̃ picua̱xüü̃gü.

Ester 8:13

Rü yema muwa rü nüxü̃ nixu ta nax guxü̃anewa naxunagüxü̃ca̱x nax guxü̃ma ga duü̃xü̃gü nüxü̃ nacua̱xgüxü̃ca̱x rü nümagü ga Yudíugü rü ínamemaregüxü̃ca̱x nax norü uanügümaxã nügü nada̱i̱xü̃ca̱x rü nüxü̃ naporamaegüxü̃ca̱x.

2 Chamué 1:18

Rü ñu̱xũchi nanaxunagü nax yema wiyae ga ngechaü̃gu ixuxü̃maxã nangu̱xẽẽtaegüxü̃ ga Yudáanearü duü̃xü̃gü. Rü yema wiyae rü Yachéxarü poperagu naxümatü rü ñanagürü:

Ichaía 24:23

Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.

Ãẽ̱xgacügü ga guxchaxü̃güarü mexẽxẽruü̃gü 5:2

—¡Nüxü̃ picua̱xüü̃gü ya Tupana, Pa Iraétanüxü̃arü Ãẽ̱xgacügüx! ¡Tupanana moxẽ pexãgü ya guxãma i pemax! Erü perü ngúchaü̃maxã Tupanaca̱x pegü ipexãgü nawa i ngẽma dai.

Yochué 10:11

Rü yexguma Iraétanüxü̃cha̱xwa nabuxmügu ga yema Amoréutanüxü̃ nagu ga yema Bex-oróü̃arü tuãchixü̃, rü nüma ga Cori ya Tupana rü gáuxü̃ ga itapütaxü̃ naétügu nayixẽxẽ. Rü Iraétanüxü̃ daixü̃arü yexera yema gáuxü̃maxã nayue ga Amoréutanüxü̃.

Iraétanüxü̃arü muxchiga 31:2

—¡Ẽcü naxütanü rü nadai i ngẽma Madiáü̃tanüxü̃ erü chixexü̃gu Iraétanüxü̃xü̃ nayixẽxẽ! Rü ngẽmawena, Pa Moichéx, rü tá cuyu —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:12

Rü yema norü ãgümücü ga Tupanaarü orearü ngeruxü̃ rü nayacue ga norü cornéta. Rü wüxi ga yema norü tomaepü̱xarü üye ga üa̱xcü rü nixo. Rü yexgumarüxü̃ ta wüxi ga yema norü tomaepü̱xarü üye ga tauemacü rü woramacurigü rü ẽxtagü rü nixo. Rü yemaacü wüxi ga yema norü tomaepü̱xarü üye ga guxü̃ma ga yema rü naxẽane. Rü ga ngunecü rü ãgümücü ga ora naxẽane. Rü ga chütacü rü ãgümücü ga ora nixo ga tauemacü rü woramacurigü rü ẽxtagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:12

Rü yexguma gumá Carnéruxacü yagáuyegu ga yema norü 6 ga yema poperaarü ñaxtachipe̱xexü̃, rü poraãcü naxĩã̱xãchiane. Rü üa̱xcü rü ñoma ngechaü̃chiru ga waxü̃rüxü̃ nawamare. Rü tauemacü rü ñoma nagürüxü̃ naduema.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.

Ngechuchuarü ngúexü̃gü ga yamugüxü̃arü puracüchiga 2:20

Rü üa̱xcü rü tá nixoema rü tauemacü rü tá nagürüxü̃ naduema naxü̃pa nax wenaxarü núma naxũxü̃ ya Cori. Rü ngẽma ngunexü̃ i nagu núma naxũxü̃, rü wüxi i ngunexü̃ i poraãcü ãũcümaxü̃ tá nixĩ.

Ore i mexü̃ ga Matéu ümatüxü̃ 5:45

Rü ngẽxguma ngẽmaãcü pemaxẽgu rü aixcüma tá Penatü ya daxũgucü nanegü pixĩgü. Erü nüma rü inanabáixẽxẽ ya üa̱xcü naxca̱x i mexü̃ i duü̃xü̃gü rü chixexü̃ i duü̃xü̃gü. Rü nanapuxẽxẽ naxca̱x i duü̃xü̃gü i mea maxẽxü̃ rü duü̃xü̃gü i chixri maxẽxü̃.

Iraétanüxü̃arü muxchiga 21:14

Rü ngẽmachigaxü̃ nixĩ i yaxuxü̃ i ngẽma popera i Tupanaarü Daipanewa ngóxü̃ i ñaxü̃: —Baxéwa tachopetü ga Chufáarü naanewa, rü natü ga Arnóü̃wa tichoü̃.

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Norü taxre ga popera ga ãẽ̱xgacügüchiga 20:10

Rü nüma ga Echequía nanangãxü̃ rü ñanagürü: —Ngẽma üa̱xcüpechita nax naxĩnagüxü̃ rü natauxcha, natürü ngẽma nügü nax nataeguxü̃ nixĩ i guxchaxü̃ —ñanagürü.

Yox 9:7

Rü nüma nixĩ i namuaxü̃ ya üa̱xcü nax tama inabaxixü̃ca̱x rü ñu̱xũchi ẽxtagü nax tama yana̱i̱xgüxü̃ca̱x.