Biblia Todo Logo
Bib sou entènèt

- Piblisite -




Yochué 10:12 - Tupanaarü Ore

12 Rü yexguma nüma ga Cori ya Tupana rü Iraétanüxü̃me̱xẽgu nayixẽẽãgu ga yema Amoréutanüxü̃. Rü nüma ga Yochué rü duü̃xü̃güpe̱xewa Cori ya Tupanamaxã nidexa rü ñanagürü: —Pa Tupanax, chanaxwa̱xe i ícuyachaxãchixẽẽxü̃ ya üa̱xcü Gabaóü̃étüwa. ¡Rü ngẽxgumarüxü̃ ta ya tauemacü rü íyachaxãchixẽxẽ naétüwa i Ayaróü̃arü doxonexü̃! —ñanagürü.

Gade chapit la Kopi




Yochué 10:12
29 Referans Kwoze  

Rü yima üa̱xcü rü yima tauemacü rü ínayachaxãchigü i ngẽxguma nüxü̃ nadaugügu ya yima cuxnegü ya iyauracüügüne rü curü wocae ya iyauracüücü.


Rü ngẽma üa̱xcüpechita rü 10 i wüye tá nataegu —ñanagürü. Rü yexguma ga nüma ga Cori ya Tupana rü 10 ga wüye nataeguxẽxẽ ga üa̱xcüpechita nawa ga yema Acháxarü üa̱xcüarü ngugüruxü̃ ga ãẽ̱xgacüpatawa yexmaxü̃.


Rü yimá perü üa̱xcü rü tagutáma narüxücu, rü perü tauemacü rü tagutáma nixo, erü choma ya perü Cori nixĩ i perü omü i guxü̃gutáma ichabáxixü̃. Rü ngẽmaãcü tá ichayanaxoxẽxẽ i perü ngechaü̃.


Rü nüma ya Cori ya Tupana rü tá inanawe̱x i norü pora yema ma̱xpǘne ga Perachíü̃wa nawéãgurüxü̃. Rü tá nanango̱xẽxẽ i norü nu yema Gabaóü̃arü doxonexü̃wa nango̱xẽẽãgurüxü̃. Rü ngẽmaãcü tá paxa nayanguxẽxẽ i norü puracü i nüxicatama nüxü̃ nacuáxü̃.


Rü gumá üa̱xcü rü gumá tauemacü rü yéma nayachaxãchigü ñu̱xmata ga Iraétanüxü̃ norü uanügüxü̃ nadai. Rü ngẽmaca̱x ngẽma popera i Yachéx ümatüxü̃wa rü ñanagürü: —Yimá üa̱xcü rü wixgutaa̱x 24 ora ninge ga nax tama yanaxücuxü̃ —ñanagürü.


Rü cumax, Pa Üa̱xcüx, rü cumax, Pa Tauemacüx, rü pemax, Pa Ẽxtagüx, rü name nixĩ i nüxü̃ picua̱xüü̃gü.


Rü nüma nixĩ i namuaxü̃ ya üa̱xcü nax tama inabaxixü̃ca̱x rü ñu̱xũchi ẽxtagü nax tama yana̱i̱xgüxü̃ca̱x.


Rü ngẽxguma daxũ pedaugügu rü nüxü̃ peda̱u̱xgu ya üa̱xcü, rü tauemacü, rü ẽxtagü, rü guxü̃ma i daxũwa naigüxü̃ rü ¡taxṹ i pexü̃́ nangúchaü̃xü̃ nax nüxü̃ picua̱xüü̃güxü̃ca̱x! Erü nüma ya Cori ya perü Tupana rü guxü̃ma i duü̃xü̃gü i ñoma i naanewa maxẽxü̃ca̱x nixĩ i nango̱xẽẽãxü̃ i ngẽma daxũwa naigüxü̃.


Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.


Natürü nüma ya Cori ya Tupana ya Maxü̃cü rü napata ya üünenewa nangẽxma. Rü guxãma i pema i ñoma i naanecüã̱x rü name nixĩ i nape̱xewa pechianegümare.


Rü cuma nixĩ ga cuxüxü̃ ga ngunexü̃ rü chütaxü̃. Rü yimá tauemacü rü üa̱xcü, rü cuma nixĩ ga namaxü̃gu cuyaxũxẽẽchigüxü̃ ga wüxichigü.


Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.


Rü yexguma nayu̱xgu ga Eróü̃ rü ĩane ga Ayaróü̃gu nanata̱xgü ga natanüxü̃arü naanegu.


Rü woo i woramacurigü i daxũwa ngẽxmagüxü̃ rü Chícharamaxã nanue. Rü ngẽma nũxcümaü̃xü̃ i natü i Quichóü̃arü poraxü̃chíüxü̃ nayachagüxẽxẽ ga guxü̃ma ga yema tórü uanügü ga yuexü̃. Rü choma i Débora rü yexera chapora rü ichixũama.


Yema ngunexü̃gu ga Iraétanüxü̃ rü poraãcü Firitéugüxü̃ nadai, rü Mixmáwa inanaxügüe rü ñu̱xmata ĩane ga Ayaróü̃wa nangugü. Natürü nüma ga Iraécüã̱xgüarü churaragü rü poraãcü nipae.


Rü nüma ga Abnéx ga Néx nane rü wüxi ga ngunexü̃gu Ibóchexarü churaragümaxã Maanaíü̃wa inaxĩãchi rü Gabaóü̃wa naxĩ.


Rü yexguma nüma ga orearü uruxü̃ ga Ichaía rü Cori ya Tupanana naca, rü nüma ga Cori ya Tupana rü 10 ga wüye nanatáeguxẽxẽ ga üa̱xcüpechita nawa ga yema Acháxarü üa̱xcüarü ngugüruxü̃ ga ãẽ̱xgacüpatawa yexmaxü̃.


Rü yexguma marü ãgümücü ga taunecü Yudáanewa ãẽ̱xgacü yixĩxgu ga Chedequía, rü gumátama taunecüarü wüxime̱e̱xpü̱x ga tauemacügu, rü yema orearü uruxü̃neta ga Ananía ga Achúx nane ga Gabaóü̃arü ĩanecüã̱x rü Yeremíamaxã nidexa ga Tupanapatawa, naxpe̱xewa ga chacherdótegü rü guxü̃ma ga duü̃xü̃güpe̱xewa, rü ñanagürü nüxü̃:


Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.


Rü yexguma ga nüma ga Chamué rü Tupanana naca. Rü yexgumatama nüma ga Cori ya Tupana rü ãẽmacü inanaxǘxẽxẽ rü nanapuxẽxẽ. Rü yexguma ga guxü̃ma ga yema duü̃xü̃gü rü poraãcü Cori ya Tupanaxü̃ rü Chamuéxü̃ namuü̃e.


Rü nüma ga Ichaía rü nanangãxü̃ rü ñanagürü: —Ñaa tá nixĩ i ngẽma cua̱xruxü̃ i nüma ya Cori ya Tupana tá cuxna ãxü̃ nax nawa nüxü̃ cucuáxü̃ca̱x rü aixcüma tá nayanguxẽxẽ i ngẽma cumaxã inaxunetaxü̃: ¿Cunaxwa̱xe i üa̱xcüpechita rü 10 i wüye nax naxĩnagüxü̃, rüe̱xna 10 i wüye nax nataeguxü̃? —ñanagürü.


Rü nüma ga Echequía nanangãxü̃ rü ñanagürü: —Ngẽma üa̱xcüpechita nax naxĩnagüxü̃ rü natauxcha, natürü ngẽma nügü nax nataeguxü̃ nixĩ i guxchaxü̃ —ñanagürü.


Rü yema to ga Epáa nanegü rü Beriá rü Chéma nixĩgü. Rü nümagü nixĩ ga natanüxü̃ ga Ayaróü̃wa maxẽxü̃maxã inacua̱xgüxü̃. Rü nüma ga Beriá rü Chéma nixĩ ga ínawoxü̃xü̃ ga yema Firitéugü ga nüxíra Gáxwa maxẽxü̃.


Swiv nou:

Piblisite


Piblisite