Yochué 10:10 - Tupanaarü Ore

¹⁰ Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.

Yochué 10:10 Referans Kwoze

Wiyaegü 18:14

Rü ínananguxẽxẽ ga norü chuxchigü rü ãẽmacügü. Rü yemacha̱xwa ga yema chorü uanügü rü nügü nawoone rü nibuxmü.

Yochué 16:5

Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Ichaía 28:21

Rü nüma ya Cori ya Tupana rü tá inanawe̱x i norü pora yema ma̱xpǘne ga Perachíü̃wa nawéãgurüxü̃. Rü tá nanango̱xẽxẽ i norü nu yema Gabaóü̃arü doxonexü̃wa nango̱xẽẽãgurüxü̃. Rü ngẽmaãcü tá paxa nayanguxẽxẽ i norü puracü i nüxicatama nüxü̃ nacuáxü̃.

Ãẽ̱xgacügü ga guxchaxü̃güarü mexẽxẽruü̃gü 4:15

Rü yexguma inaxügüãgu ga Chíchara nax Baráxmaxã nügü nada̱i̱xü̃, rü nüma ga Cori ya Tupana rü poraãcü muü̃ naxca̱x ínangu̱xẽxẽ ga Chícharaarü churaragü ga carugu ĩxü̃ rü yema nacutügu ĩxü̃, rü woo nüma ga Chíchara rü norü caruwa ínaxüe rü nacutügumare niña.

Yochué 10:11

Rü yexguma Iraétanüxü̃cha̱xwa nabuxmügu ga yema Amoréutanüxü̃ nagu ga yema Bex-oróü̃arü tuãchixü̃, rü nüma ga Cori ya Tupana rü gáuxü̃ ga itapütaxü̃ naétügu nayixẽxẽ. Rü Iraétanüxü̃ daixü̃arü yexera yema gáuxü̃maxã nayue ga Amoréutanüxü̃.

Yeremía 34:7

Rü yoxni ga Babiróniaanearü ãẽ̱xgacüarü churaragü rü naxca̱x ínayaxüãchi ga Yerucharéü̃, rü Láqui rü Achecá, yerü gumagüxicatama nixĩ ga Yudáanearü ĩanegü ga ípoxegugüne ga tauxta nagu nachocune.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Norü taxre ga to ga popera ga ãẽ̱xgacügüchiga ümatüxü̃ 14:12

Rü yexguma nüma ga Cori ya Tupana rü Acháxü̃ rü Yudáanearü churaragüxü̃ narüngü̃xẽxẽ nax yema Etiopíaanecüã̱xgüxü̃ naporamaegüxü̃ca̱x. Rü nüma ga Etiopíaanecüã̱xgü rü nibuxmü.

1 Chamué 13:18

Rü yema tochimü rü Bex-oróü̃waama naxĩ. Rü yema norü tomaepü̱xchimü rü nawa naxĩ ga guma ma̱xpǘne ga nawa nüxü̃ idauxü̃ne ga yema doxonexü̃ ga Cheboíü̃ ga ínachianexü̃waama.

Yochué 12:16

Machedáarü ãẽ̱xgacü, rü Betéarü ãẽ̱xgacü, rü

Yochué 11:8

Rü nüma ga Cori ya Tupana rü nanaporamaexẽxẽ ga Iraétanüxü̃. Rü yemaca̱x norü uanügüxü̃ nibuxmüxẽxẽ rü nawe nangẽgü ñu̱xmata guma ĩane ga taxü̃ne ga Chidóü̃wa rü Mirepóx-maíü̃wa nangugü rü ñu̱xmata Mispáarü éstewaama yexmaxü̃ ga doxonexü̃wa nangugü. Rü bai ga wüxi ga maxü̃xü̃ ga íyaxüxü̃, rü guxü̃xü̃ma nadai.

Yochué 10:28

Rü yematama ngunexü̃gu rü nüma ga Yochué rü norü churaragümaxã nayapu ga guma ĩane ga Machedá rü nagu napogüe rü guxü̃ma ga naãcu rü taramaxã nanadai. Rü yema Yericúarü ãẽ̱xgacüxü̃ yamáxü̃rüü̃ãcütama Machedáarü ãẽ̱xgacüxü̃ nima̱x.

Wenaxarü naxümatü ga Tupanaarü mugü 7:23

Natürü i nüma ya perü Cori ya Tupana rü pexme̱xgu tá nanayixẽxẽ i ngẽma duü̃xü̃gü rü tá nanaxĩ̱xãchiãẽgüxẽxẽ rü ngẽmaãcü tá peyagúetanüxẽxẽ.

Yochué 10:9

Rü Guirigáwa inaxũãchi ga Yochué namaxã ga norü churaragü, rü chütacü inixũ. Rü yemaacü Amoréutanüxü̃xü̃ ínayabaixgü rü nanadai.

1 Chamué 17:1

Rü nüma ga Firitéugü rü nananutaque̱xexẽẽgü ga norü churaragü nax Iraéanecüã̱xgüarü churaragümaxã nügü nada̱i̱xü̃ca̱x. Rü nachica ga Éfe-damíü̃gu nayangutaque̱xegü ga ĩanegü ga Chocó rü Achecáarü ngaxü̃wa ga Yudáanewa.

2 Chamué 22:15

Rü yéma inanacuxgü ga naxnegü rü nanayixẽxẽ ga ãẽmacügü. Rü yemacha̱xwa ga yema chorü uanügü rü nibuxmü rü nügü nawoone.

Nüxíraxü̃xü̃ ga popera ga ãẽ̱xgacügüchiga 9:17

Rü yemawena ga Charomóü̃ rü wenaxarü nanaxü ga guma ĩanegü ga Guéche, rü ñu̱xũchi Bex-oróü̃ ga doxonewa yexmane, rü Baará, rü Tamára ga Yudáanearü chianexü̃wa yexmagüne.

Wiyaegü 68:14

Rü yexguma Tupana ya Guxãétüwa Ngẽxmacü yabuxmüxẽẽgu ga tórü uanügü rü guma ma̱xpǘne ya Charmóü̃chitaeruwa rü ñoma gáuxü̃pütagürüxü̃ yéma narüyi.

Ãẽ̱xgacügü ga guxchaxü̃güarü mexẽxẽruü̃gü 4:16

Rü yexgumayane ga nüma ga Baráx rü yema Chícharaarü churaragüwe rü yema carugüwe nangẽ ñu̱xmata Aróche-goíü̃wa nangu. Rü yema ngunexü̃gu rü taxuxü̃ma ga Chícharaarü churaragü ínayaxü. Rü guxü̃ma nayue.

Ãẽ̱xgacügü ga guxchaxü̃güarü mexẽxẽruü̃gü 5:20

Rü woo i woramacurigü i daxũwa ngẽxmagüxü̃ rü Chícharamaxã nanue. Rü ngẽma nũxcümaü̃xü̃ i natü i Quichóü̃arü poraxü̃chíüxü̃ nayachagüxẽxẽ ga guxü̃ma ga yema tórü uanügü ga yuexü̃. Rü choma i Débora rü yexera chapora rü ichixũama.

Norü taxre ga to ga popera ga ãẽ̱xgacügüchiga ümatüxü̃ 25:13

Rü yema Iraéanearü churaragü ga Amachía napataca̱x woeguxẽẽxü̃ nax tama norü churaragütanügu naxãgüxü̃ca̱x ga daiwa, rü nümagü rü yoxni Yudáanearü ĩanegügu nachocu. Rü Chamáriawa inanaxügüe rü ñu̱xmata Bex-oróü̃wa nangugü, rü 3,000 ga duẽxẽgü tüxü̃ nadai. Rü ñu̱xũchi nayana ga muxü̃ma ga yemaxü̃gü ga naxca̱x nangĩ̱xgüxü̃.

Ichaía 30:30

Rü nüma ya Cori ya Tupana rü tá pexü̃ nüxü̃ naxĩnüxẽxẽ i naga i tagaxüchixü̃ rü tá pexü̃ nanawe̱x i norü pora. Rü perü uanümaxã tá poraãcü nanu. Rü üxüema i guxü̃xü̃ iguxü̃ tá naxca̱x nango̱xẽxẽ, rü ãẽmacügü tá naxca̱x nanaxüxẽxẽ rü taxüchicü ya pucü tá ínanguxẽxẽ rü gáuxü̃püta tá narüyixẽxẽ.

Chacaría 14:3

Natürü ngẽmawena i nüma ya Cori ya Tupana rü tá ngẽma nachixü̃anegümaxã nügü nadai ñoma churaragü norü uanügümaxã nügü daixgurüxü̃.