Yochué 10:1 - Tupanaarü Ore

^1-2 Rü Adonichéde ga Yerucharéü̃arü ãẽ̱xgacü nüxü̃ naxĩnü nax ñuxãcü Yochué rü Áixü̃ yapu̱xü̃ rü yamáaxü̃ ga norü ãẽ̱xgacü rü yanaxoxẽẽãxü̃ ga norü ĩane. Rü yexgumarüxü̃ ta nüxü̃ naxĩnü nax ñuxãcü Yericúxü̃ yapu̱xü̃ rü yamáaxü̃ ga norü ãẽ̱xgacü. Rü ñu̱xũchi nüxü̃ nacuáchiga ga Gabaóü̃cüã̱xgü nax Iraétanüxü̃maxã mexü̃ ga ĩnüwa nangugüxü̃ nax tama namaxã nügü nada̱i̱xü̃ca̱x. Rü yemaca̱x ga nüma ga Yerucharéü̃arü ãẽ̱xgacü rü poraãcü namuü̃ yerü Gabaóü̃ rü wüxi ga ĩane ga taxü̃ne rü porane ga Áiarü yexera ixĩxü̃ne nixĩ, rü norü duü̃xü̃gü rü nipora rü tama namuü̃ewa̱xe.

Yochué 10:1 Referans Kwoze

Popera ga Yudíugü ga yaxõgüxü̃ca̱x ümatüxü̃ 7:1

Rü gumá Melquichedéx rü ĩane ga Charéü̃arü ãẽ̱xgacü nixĩ. Rü naétü Tupana ya Guxü̃étüwa Ngẽxmacüpe̱xewa duü̃xü̃güarü chacherdóte nixĩ. Rü yexguma Abraáü̃ napataca̱x taeguxgu nawena nax to ga nachixü̃anearü ãẽ̱xgacügümaxã nügü nada̱i̱xü̃ rü nüxü̃ naporamaexü̃, rü Melquichedéx rü namawa Abraáü̃pe̱xegu nayangu. Rü nüma ga Melquichedéx rü Tupanaégagu Abraáü̃maxã mexü̃ naxuegu.

Yochué 8:2

Rü guma Yericúmaxã rü norü ãẽ̱xgacümaxã cuxüxü̃rüxü̃ tátama cunaxü namaxã ya yima ĩane ya Ái rü norü ãẽ̱xgacü. Natürü i ñu̱xmagu rü marü name i pegüxü̃́ penade i norü ngẽmaxü̃gü rü naxü̃nagü. Rü tá ípenabaixgü, rü norü ĩaneca̱xwenaama tá pixĩĩchi —ñanagürü.

Yochué 6:21

Rü taramaxã nanadai ga guxü̃ma ga iyatüxe, rü ngexü̃gü, rü buxü̃gü, rü yaxguã̱xgü. Rü yexgumarüxü̃ ta nanadai ga guxü̃ma ga wocagü, rü carnérugü, rü búrugü.

Naanearü ügüchiga 14:18

Rü yexgumarüxü̃ ta ga Melquichedéx ga ĩane ga Charéü̃arü ãẽ̱xgacü ga Tupana ya Guxü̃étüwa Ngẽxmacüarü chacherdóte, rü yematama namawa Abráü̃na nanaxã ga paũ rü bínu.

Yochué 8:21

Rü yexguma Yochué nüxü̃ da̱u̱xgux ga yema Iraétanüxü̃ ga icu̱xgüxü̃ rü marü guma ĩanegu nax nachocuxü̃ rü nawa nax nangixichigüãxü̃, rü nügü nawoegu rü Áicüã̱xmaxã nügü nadai.

Yochué 10:3

Rü yemaca̱x ga nüma ga Adonichéde rü yéma namuga naxca̱x ga Yoáü̃ ga ĩane ga Ebróü̃arü ãẽ̱xgacü, rü Piráü̃ ga ĩane ga Yamúxarü ãẽ̱xgacü, rü Yapía ga ĩane ga Láquiarü ãẽ̱xgacü, rü Debíx ga ĩane ga Egróü̃arü ãẽ̱xgacü.

Yochué 9:3

Natürü nüma ga Ebéutanüxü̃ ga ĩane ga Gabaóü̃gu ãchiü̃güxü̃ rü ta nüxü̃ nacuáchigagü ga yema Yochué üxü̃ namaxã ga gumá ĩanegü ga Yericú rü Ái.