Yochué 1:9 - Tupanaarü Ore

⁹ Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Yochué 1:9 Referans Kwoze

Naanearü ügüchiga 28:15

Rü choma rü cumaxã changexma. Rü ngextá ícuxũxü̃wa tá cuxna chadau. Rü ñaa naaneca̱x tá wena cuxü̃ chataeguxẽxẽ. Rü tagutáma cuxna chixũgachi, rü aixcüma tá chayanguxẽxẽ i guxü̃ma i ngẽma cumaxã chaxueguxü̃ —ñanagürü.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ichaía 43:5

¡Rü taxṹ i pemuü̃exü̃! Erü choma rü chapetanügu. Rü yíxema ésteguama woonexe rü yíxema oésteguama woonexe rü tá pexü̃ chanutaque̱xe nax wenaxarü ñaa pechixü̃aneca̱x pewoeguxü̃ca̱x nax nua wüxiwa pengẽxmagüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 6:14

Rü nüma ga Cori ya Tupana rü Yedeóü̃xü̃ nadawenü rü ñanagürü: —Choma tá cuxü̃ chaporaxẽxẽ nax ngẽma Madiáü̃tanüxü̃me̱xẽwa ícunguxü̃xẽẽxü̃ca̱x i ngẽma Iraétanüxü̃. Rü choma nixĩ i cuxü̃ chamuxü̃ —ñanagürü.

2 Chamué 13:28

Rü nüma ga Acharóü̃ rü marü norü duü̃xü̃güxü̃ naxuxcu̱xẽ rü ñanagürü nüxü̃: —¡Peyangugü i Anóü̃, rü ngẽxguma marü bínumaxã nangãxü̱̃xgu, rü choma rü tá pemaxã nüxü̃ chixu nax peyamáxü̃ca̱x, rü peyamá! ¡Rü taxṹ i pemuü̃exü̃! Erü choma nixĩ i pexü̃ chamuxü̃. ¡Rü pegü peporaexẽxẽ rü taxṹ i pemuü̃exü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 4:19

Natürü ga Pedru rü Cuáü̃ rü nanangãxü̃gü, rü ñanagürügü: —¡Nagu perüxĩnüe i pematama! ¿Rü namexü̃ i Tupanape̱xewa nax pega taxĩnüexü̃ rü ẽ̱xna Tupanaga taxĩnüexü̃?

Wenaxarü naxümatü ga Tupanaarü mugü 31:28

¡Rü ñu̱xma rü nua penagagü i guxü̃ma i perü ãẽ̱xgacügü i yaxguã̱xgü rü petücumüarü ãẽ̱xgacügü nax namaxã nüxü̃ chixuxü̃ca̱x nachiga i ñaa Cori ya Tupanaarü mugü! Rü daxũguxü̃ i naane rü ñoma i naane rü nüxü̃ nacua̱xgü nax aixcüma yixĩxü̃ i ngẽma tá nüxü̃ chixuxü̃.

Wenaxarü naxümatü ga Tupanaarü mugü 1:21

Rü nüma ya Cori ya tórü Tupana ixĩcü, rü marü pexna nanaxã i ñaa naane. ¡Rü ẽcü nawa pexĩ rü nagu pexãchiü̃gü ngẽma Cori ya perü o̱xigüarü Tupana nüxü̃ ixuxü̃rüxü̃! ¡Rü taxṹ i pemuü̃exü̃, rü bai tá iperümaãchitanüxü̃!” ñacharügü.

Yochué 1:10

Rü yexguma ga nüma ga Yochué rü nanamu ga yema Iraétanüxü̃arü ãẽ̱xgacügü, rü ñanagürü nüxü̃:

Yochué 1:17

Rü guxü̃gutáma cuga taxĩnüe yema Moichéga taxĩnüexü̃rüxü̃. Rü wüxixicatama nixĩ i Cori ya Tupanana naxca̱x taca̱xaxü̃ rü ngẽma nixĩ nax cuxü̃ íyaxümücüxü̃ yema Moichéxü̃ íyaxümücüxü̃rüxü̃.

Yochué 8:1

Rü nüma ga Cori ya Tupana rü Yochuéxü̃ ñanagürü: —¡Taxuca̱xma cumuü̃ rü icurümaãchi! ¡Rü inaxũãchi naxca̱x ya yimá ĩane ya Ái, namaxã i guxü̃ma i curü churaragü! Erü choma rü tá pora cuxna chaxã nax yimá ĩane ya Áiarü ãẽ̱xgacüxü̃ rü norü duü̃xü̃güxü̃ curüporamaexü̃ca̱x. Rü yimá norü ĩane rü norü naane rü cuxrü tá nixĩ.

Yochué 10:8

Rü nüma ga Cori ya Tupana rü ñanagürü nüxü̃: —¡Taxṹ i nüxü̃ cumuü̃xü̃! Erü choma rü tá cuxme̱xgu chanayixẽxẽ i ngẽma Amoréutanüxü̃. Rü bai tá i wüxi i cuxü̃ rüporamaexü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 15:7

¡Natürü i pema rü peporaeama̱x, rü taxṹ i perümaãchitanüxü̃! Erü ngẽma mexü̃ i perü puracü i pexüxü̃ rü tá pexü̃́ naxãtanü —ñanagürü ga Acharía.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Naanearü ügüchiga 39:2

Natürü ga Cori ya Tupana rü Yúchemaxã nayexma. Rü yemaca̱x meama nüxü̃ nangupetü ga norü cori ga Potifáchiü̃wa.

Naanearü ügüchiga 39:3

Rü yema norü cori rü nüxü̃ nicua̱xãchi nax Yúchexü̃tawa nayexmaxü̃ ga Tupana, yerü guxü̃ma ga yema naxüxü̃, rü meama inixũ.

Wenaxarü naxümatü ga Tupanaarü mugü 31:23

Rü nüma ya Cori ya Tupana rü Yochué ga Núü̃ nanemaxã nüxü̃ nixu i ñaa ucu̱xẽ rü ñanagürü nüxü̃: —¡Napora rü taxṹ i cumuü̃xü̃! Erü cuma tá nixĩ i cuyachocuxẽẽxü̃ i ngẽma Iraétanüxü̃ nawa i ngẽma naane i nüxü̃ chixuxü̃ nax noxrügü tá yixĩxü̃. Rü choma rü tá cuxü̃ chaxümücü —ñanagürü.

Yochué 1:18

Rü guxãma ya yíxema tama cuga ĩnüxe i ngẽxguma toxü̃ cumu̱xgu rü tá tayu. Rü ngẽma cuxna naxca̱x taca̱xaxü̃xicatama nixĩ nax cuporaxü̃ rü taguma curümaãchixü̃ —ñanagürügü.

Yochué 3:7

Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.

Yochué 6:27

Rü nüma ga Cori ya Tupana rü Yochuéxü̃ narüngü̃xẽxẽ, rü yemaca̱x guxü̃ma ga yema nachixü̃anecüã̱xgüwa nanguchiga.

Yochué 10:25

Rü nüma ga Yochué rü ñanagürü nüxü̃ ga norü churaragüerugü: —¡Taxṹ i pemuü̃exü̃ rü peyarümaxãchitanüxü̃! ¡Rü pegü peporaexẽxẽ! Erü ngẽma ñu̱xma ñaa ãẽ̱xgacügümaxã pexü̃xü̃, rü ngẽma tátama nixĩ i guxü̃ma i togü i perü uanügümaxã naxüxü̃ ya Tupana —ñanagürü.

1 Chamué 10:7

Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

Ichaía 8:12

—¡Taxṹ i nagu perüxĩnüexü̃ i ngẽma duü̃xü̃gü nüxü̃ ixugüexü̃ nax ngẽma perü uanügü rü nügümaxã ínamexẽẽgüãxü̃ nax pexca̱x íyaxüãchichaü̃xü̃! ¡Rü taxṹ i naxca̱x pemuü̃exü̃ rü namaxã peba̱i̱xãchiexü̃ i ngẽma duü̃xü̃gü nüxü̃ muü̃exü̃!

Aguéu 2:4

¡Natürü nataãxẽ, Pa Chorobabé! ¡Rü nataãxẽ, Pa Yochué ya Chacherdótegüarü Ãẽ̱xgacüx! ¡Rü petaãẽgü Pa Guxü̃ma i Duü̃xü̃güx! ¡Rü pora pexüe rü pepuracüe! Erü choma ya perü Cori ya Tupana rü pexü̃tawa changexma.

Aguéu 2:5

Rü yexguma Equítuanewa ínachoxü̃gu ga perü o̱xigü rü ichaxuneta rü ngẽma Chauãxẽ rü guxü̃gutáma pexü̃ naxümücü. Rü ngẽmaca̱x taxuca̱xma pemuü̃e i ñu̱xmax.