Yochué 1:5 - Tupanaarü Ore

⁵ Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

Yochué 1:5 Referans Kwoze

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Wenaxarü naxümatü ga Tupanaarü mugü 20:4

Erü nüma ya perü Cori ya Tupana rü pexü̃tawa nangẽxma, rü nüma tá nixĩ i nadaiaxü̃ i ngẽma perü uanügü, rü tá nüxü̃ pexü̃ narüporamaegüxẽxẽ”, ñanagürü tá.

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Yochué 3:7

Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.

Ínachoxü̃xü̃chiga 3:12

Rü nüma ga Tupana rü nanangãxü̃, rü ñanagürü: —Choma rü tá chacuxü̃tagu. Rü ñaa tá nixĩ i cua̱xruxü̃ nax chomatama cuxü̃ ngéma chamuxü̃. Rü ngẽxguma tá Equítuanewa marü ícunanguxü̃ẽẽgu i chorü duü̃xü̃gü, rü guxãma i pema rü daa ma̱xpǘnewa tá choxü̃ peyarücua̱xüü̃gü —ñanagürü.

Romanos 8:37

Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.

Yochué 1:17

Rü guxü̃gutáma cuga taxĩnüe yema Moichéga taxĩnüexü̃rüxü̃. Rü wüxixicatama nixĩ i Cori ya Tupanana naxca̱x taca̱xaxü̃ rü ngẽma nixĩ nax cuxü̃ íyaxümücüxü̃ yema Moichéxü̃ íyaxümücüxü̃rüxü̃.

Wenaxarü naxümatü ga Tupanaarü mugü 7:24

Rü ngẽma norü ãẽ̱xgacügü rü Tupana rü tá pexme̱xgu nanayixẽxẽ. Rü pema rü tá ngẽxma peyanaxoxẽxẽ rü ñu̱xmatáta ñoma i naanewa taxúema wena nüxna cua̱xãchigü. Rü taxuxü̃táma i nümagü rü pexü̃ narüporamaegü, rü ngẽmaãcü i pema rü guxü̃xü̃táma ipeyarüxoxẽẽgü.

Yochué 6:27

Rü nüma ga Cori ya Tupana rü Yochuéxü̃ narüngü̃xẽxẽ, rü yemaca̱x guxü̃ma ga yema nachixü̃anecüã̱xgüwa nanguchiga.

Wenaxarü naxümatü ga Tupanaarü mugü 31:23

Rü nüma ya Cori ya Tupana rü Yochué ga Núü̃ nanemaxã nüxü̃ nixu i ñaa ucu̱xẽ rü ñanagürü nüxü̃: —¡Napora rü taxṹ i cumuü̃xü̃! Erü cuma tá nixĩ i cuyachocuxẽẽxü̃ i ngẽma Iraétanüxü̃ nawa i ngẽma naane i nüxü̃ chixuxü̃ nax noxrügü tá yixĩxü̃. Rü choma rü tá cuxü̃ chaxümücü —ñanagürü.

Yochué 10:8

Rü nüma ga Cori ya Tupana rü ñanagürü nüxü̃: —¡Taxṹ i nüxü̃ cumuü̃xü̃! Erü choma rü tá cuxme̱xgu chanayixẽxẽ i ngẽma Amoréutanüxü̃. Rü bai tá i wüxi i cuxü̃ rüporamaexü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 2:18

Rü yexguma Cori ya Tupana yamucuchixü̃gu ga ãẽ̱xgacü ga namaxã icuáxü̃, rü nüma ga Tupana rü nüxü̃ narüngü̃xẽxẽ ga yema ãẽ̱xgacü, rü yema Iraétanüxü̃xü̃ ínanguxü̃xẽxẽ naxme̱xwa ga norü uanügü. Yerü nüma ga Tupana rü yexguma nüxü̃ naxĩnügu ga nax naxauxexü̃ ga yema duü̃xü̃gü nagagu ga yema guxchaxü̃gü ga yangegüxü̃, rü nüxü̃́ nangechaü̃tümüxü̃gü.

Ãẽ̱xgacügü ga guxchaxü̃güarü mexẽxẽruü̃gü 6:16

Rü nüma ga Cori ya Tupana rü nanangãxü̃ rü ñanagürü: —Choma ya Tupana rü cuxü̃tawa tá changexma. Rü tauxchaãcü tá cunadai i ngẽma Madiáü̃tanüxü̃ ñoma wüxitama i yatü quimáxü̃rüxü̃ —ñanagürü.

1 Chamué 10:7

Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

Nüxíraxü̃xü̃ ga popera ga ãẽ̱xgacügüchiga 1:37

Rü yexgumarüxü̃ nax Cori ya Tupana cuxü̃tawa nayexmaxü̃, Pa Ãẽ̱xgacüx, rü ñu̱xma rü ngẽxgumarüxü̃ tá nixĩ nax Charomóü̃xü̃tawa nangẽxmaxü̃ rü nüxü̃ nangü̃xẽẽxü̃ nax curü yexera mea Iraéanecüã̱xgümaxã inacuáxü̃, Pa Ãẽ̱xgacüx, Pa Dabíx —ñanagürü ga Benaía.

Nüxíraxü̃xü̃ ga popera ga ãẽ̱xgacügüchiga 8:57

Rü ñu̱xma ya Cori ya Tupana rü nataxü̃tagu ga yexguma tórü o̱xigütanüwa nayexmagurüxü̃. Rü taxũtáma tüxna nixũgachi rü taxũtáma tüxü̃ ínawogü.

Nüxíraxü̃xü̃ ga popera ga ãẽ̱xgacügüchiga 11:38

Rü ngẽxguma tá chauga cuxĩnügu i ngẽma cuxü̃ chamuxü̃ rü cunaxü̱xgu i ngẽma cha̱u̱xca̱x mexü̃ rü cuyanguxẽẽgu i chorü mugü, naxrüxü̃ ga chorü duü̃ ga Dabí, rü choma rü cuxü̃tawa tá changexma rü cuxme̱xwa tá chanangexmaxẽxẽ i Iraéane rü ngẽma cutaagü rü Iraéarü ãẽ̱xgacügüwa tá nangugü naxrüxü̃ ga Dabítaagü yema choma namaxã chaxueguxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Yeremía 1:8

¡Rü taxṹ i texéxü̃ cumuü̃xü̃! Erü choma rü tá cuxü̃tawa changexma nax cuxna chadauxü̃ca̱x. Rü choma ya Cori ya Tupana nixĩ i cumaxã nüxü̃ chixuxü̃ i ñaa chorü ore —ñanagürü.

Danié 11:16

Rü ngẽma ãẽ̱xgacü i ngẽxma ücuxü̃ rü nüma nanaxwa̱xexü̃ tá namaxã naxü i ngẽma nüxü̃ naporamaexü̃. Rü taxúetama tapora nax ítayachaxãchixẽẽxü̃. Rü Iraétanüxü̃arü naane i mexẽchixü̃wa tá nangẽxma rü tá namaxã inacua̱x.

Naanearü ügüchiga 39:2

Natürü ga Cori ya Tupana rü Yúchemaxã nayexma. Rü yemaca̱x meama nüxü̃ nangupetü ga norü cori ga Potifáchiü̃wa.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Yochué 21:44

Cori ya Tupana rü nayanguxẽxẽ ga norü uneta, rü taãxẽwa nanayexmagüxẽxẽ ga guxü̃wama ga yema naanewa. Rü norü uanügü rü taxuxü̃ma ga ta̱xacürü chixexü̃ namaxã naxüe, yerü Cori ya Tupana rü Iraétanüxü̃me̱xẽgu nanayixẽxẽ ga guxü̃ma ga yema norü uanügü.