Yochué 1:2 - Tupanaarü Ore

² —Ñu̱xma nax marü nayuxü̃ ya yimá chorü duü̃ ya Moiché, rü cuma tá nixĩ i guxü̃ma i ngẽma Iraétanüxü̃maxã quixüexü̃ nawa i ngẽma natü i Yudáü̃, nax nagu pichocuxü̃ca̱x i ngẽma naane i pexna chaxãxü̃.

Yochué 1:2 Referans Kwoze

Wenaxarü naxümatü ga Tupanaarü mugü 3:28

¡Rü naxuxcu̱xẽ i Yochué, rü nüxü̃́ nangúchaü̃xẽxẽ rü naporaxẽxẽ! Erü nüma tá nixĩ i duü̃xü̃gümaxã naxũxpe̱xeãxü̃, rü namaxã tá yapugüãxü̃ i ngẽma naane i ñu̱xma tá nüxü̃ cudauxü̃”, ñanagürü choxü̃.

Wenaxarü naxümatü ga Tupanaarü mugü 31:7

Rü yemawena ga Moiché rü Yochuéca̱x naca, rü guxü̃ma ga yema Iraétanüxü̃pe̱xewa ñanagürü nüxü̃: —¡Ẽcü cugü írüpora! Erü cuma tá nixĩ i cuyagagüxü̃ i ñaa duü̃xü̃gü nawa i ngẽma naane ga Cori ya Tupana tórü o̱xigümaxã nüxü̃ ixuxü̃. Rü cuma tá nixĩ i namaxã cunapuxü̃ i ngẽma naane.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Yochué 1:11

—¡Guxü̃ma i duü̃xü̃gütanügu pixĩãgütanü, rü namaxã nüxü̃ pixu nax nanutaque̱xegüãxü̃ca̱x i õna! Erü tomaepü̱x i ngunexü̃wa nanguxgu rü tá tichoü̃ i natü i Yudáü̃ nax nayaxuxü̃ca̱x i ngẽma naane i tórü Cori ya Tupana tá tüxna ãxü̃ —ñanagürü ga Yochué.

Yochué 1:1

Rü yexguma nayuxguwena ga gumá Tupanaarü duü̃ ga Moiché, rü nüma ga Cori ya Tupana rü Moichéarü ngü̃xẽẽruxü̃ ga Yochué ga Núü̃ nanemaxã nidexa, rü ñanagürü nüxü̃:

Iraétanüxü̃arü muxchiga 12:7

Natürü chorü duü̃ ya Moichémaxã rü tama ngẽmaãcü chidexa. Erü guxü̃ma i chorü duü̃xü̃gütanüwa rü Moiché nixĩ ya chorü duü̃ ya yexera chauga ĩnücü.

Wenaxarü naxümatü ga Tupanaarü mugü 34:5

Rü yemawena ga Moiché ga Tupanaarü duü̃ rü nayu nagu ga yema Moáane, yema Cori ya Tupana namaxã naxueguxü̃rüxü̃.

Yox 1:8

Rü yexguma ga nüma ga Cori rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Erü nataxuma i ngẽma naanewa ya yimárüxü̃ aixcüma chauga ĩnücü rü mea cha̱u̱xca̱x maxü̃cü. Rü nataxuxü̃ma i chixexü̃ i nachiga rü mea nügüna nadau nax taxúemaxã chixexü̃ naxüxü̃ca̱x —ñanagürü.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Neemía 9:23

Rü ñu̱xũchi namaxã cunaxuegu nax yamuxacüxü̃ca̱x ñoma ẽxtagü ya daxũwa ngẽxmagücürüxü̃. Rü nawa cunagagü ga torü o̱xigü nax napugüãxü̃ca̱x ga yema naane ga noxri norü o̱xigümaxã cuxueguxü̃ nax norü yixĩgüxü̃ca̱x.