Yochué 1:17 - Tupanaarü Ore

¹⁷ Rü guxü̃gutáma cuga taxĩnüe yema Moichéga taxĩnüexü̃rüxü̃. Rü wüxixicatama nixĩ i Cori ya Tupanana naxca̱x taca̱xaxü̃ rü ngẽma nixĩ nax cuxü̃ íyaxümücüxü̃ yema Moichéxü̃ íyaxümücüxü̃rüxü̃.

Yochué 1:17 Referans Kwoze

Yochué 1:5

Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

Nüxíraxü̃xü̃ ga popera ga ãẽ̱xgacügüchiga 1:37

Rü yexgumarüxü̃ nax Cori ya Tupana cuxü̃tawa nayexmaxü̃, Pa Ãẽ̱xgacüx, rü ñu̱xma rü ngẽxgumarüxü̃ tá nixĩ nax Charomóü̃xü̃tawa nangẽxmaxü̃ rü nüxü̃ nangü̃xẽẽxü̃ nax curü yexera mea Iraéanecüã̱xgümaxã inacuáxü̃, Pa Ãẽ̱xgacüx, Pa Dabíx —ñanagürü ga Benaía.

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Ore i mexü̃ ga Matéu ümatüxü̃ 21:9

Rü yema duü̃xü̃gü ga nape̱xegu ĩxü̃, rü yema wixweama ãgüxü̃, rü tagaãcü ñanagürügü: —¡Namaxü̃ ya daa Dabítaxa! ¡Rü namecümaxüchi ya daa Tupanaégagu núma ũcü! ¡Rü pema rü ta, Pa Dauxü̃cüã̱x, rü nüxü̃ picua̱xüü̃gü ya Tupana! —ñanagürügü.

Wiyaegü 20:9

Pa Cori Pa Tupanax ¡naporamaexẽxẽ ya yimá ãẽ̱xgacü rü toxü̃́ nüxü̃ naxĩnü i torü yumüxẽ!

Wiyaegü 20:4

¡Rü Cori ya Tupana cuxna nanaxã i ngẽma cuma cunaxwa̱xexü̃, rü nüma cuxü̃ nangüxẽxẽ nax yanguxü̃ca̱x i guxü̃ma i ngẽma nagu curüxĩnüxü̃!

Wiyaegü 20:1

¡Cori ya Tupana cuxü̃ ĩnü, Pa Ãẽ̱xgacüx, ngẽxguma guxchaxü̃wa cungexmagu! ¡Rü yimá Acóbuarü Tupana cuxü̃ ípoxü̃ nüxna i curü uanü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

1 Chamué 20:13

Natürü ngẽxguma chaunatü cuxü̃ imáxchaü̃gu, ¡rü Tupana poraãcü choxü̃ poxcu ega tama cumaxã nüxü̃ chixuxgu rü tama cuxü̃ charüngü̃xẽẽgu nax quiñaxü̃ca̱x! ¡Rü Cori ya Tupana cuxü̃ rüngü̃xẽxẽ yema chaunatüxü̃ nangü̃xẽẽxü̃rüxü̃!

Yochué 1:16

Rü nümagü rü Yochuéxü̃ nangãxü̃gü rü ñanagürügü: —Tomax rü tá tanaxü i guxü̃ma i ngẽma toxü̃ cumuxü̃ rü ngéma tá taxĩ i ngẽma toxü̃ ícumugüxü̃wa.

Yochué 1:18

Rü guxãma ya yíxema tama cuga ĩnüxe i ngẽxguma toxü̃ cumu̱xgu rü tá tayu. Rü ngẽma cuxna naxca̱x taca̱xaxü̃xicatama nixĩ nax cuporaxü̃ rü taguma curümaãchixü̃ —ñanagürügü.

Iraétanüxü̃arü muxchiga 27:18

Rü nüma ga Cori ya Tupana rü Moichéxü̃ nangãxü̃ rü ñanagürü: —Yochué i Núü̃ nane rü wüxi i yatü i chauãxẽ nawa ngẽxmaxü̃. ¡Rü naerugu naxǘxme̱x!

Wenaxarü naxümatü ga Tupanaarü mugü 34:9

Rü nüma ga Yochué ga Núü̃ nane rü marü Moichéxü̃tawa nanayaxu ga cua̱x yerü nüma ga Moiché rü naétügu naxǘxme̱x. Rü yemaca̱x ga Iraétanüxü̃ rü Yochuéga naxĩnüe rü nayanguxẽẽgü ga yema Cori ya Tupana Moichémaxã nüxü̃ ixuxü̃.

Yochué 4:14

Rü yema ngunexü̃gu rü nüma ga Cori ya Tupana rü guxü̃ma ga yema Iraétanüxü̃pe̱xewa Yochuéxü̃ nataxẽxẽ nax naga naxĩnüexü̃ca̱x rü nüxü̃ nangechaü̃güxü̃ca̱x yema Moichéxü̃ nangechaü̃güxü̃rüxü̃ ga yexguma namaxü̱̃xgu.

1 Chamué 17:37

Rü gumá Cori ya Tupana ga leóü̃na rü osu i düraxü̃na choxü̃ ípoxü̃cü, rü yimátátama nixĩ i ñaa Firitéume̱xẽwa choxü̃ ípoxü̃cü —ñanagürü. Rü yexguma ga Chaú nanangãxü̃ rü ñanagürü: —¡Ẽcü ngéma naxũ rü Cori ya Tupana cuxü̃ íxümücü! —ñanagürü.

2 Chamué 14:17

Rü chomax nax curü duü̃xü̃ chixĩxü̃ rü íchayanguxẽxẽ i ngẽma curü ngãxü̃, Pa Ãẽ̱xgacüx, nax choxü̃ nataãẽxẽẽxü̃ca̱x, erü cumax, Pa Ãẽ̱xgacüx, rü ñoma wüxi i daxũcüã̱x i Tupanaarü orearü ngeruxü̃rüxü̃ nüxü̃ cucua̱x nax ngexü̃rüüxü̃ yixĩxü̃ i mexü̃ rü chixexü̃. ¡Rü Cori ya Tupana cuxü̃tawa ngexma̱x, Pa Ãẽ̱xgacü! —ngĩgürügü.