Yochué 1:14 - Tupanaarü Ore

¹⁴ ¡Rü ngẽmaca̱x i ñu̱xma i pema Pa Rubéü̃tanüxü̃x rü Gáxtanüxü̃ rü ngãxü̃tücumü i Manachétanüxü̃x rü nuxãtama tüxü̃ pemugü ya pexma̱xgü, rü pexacügü, rü pexü̃nagü nagu i ñaa naane ga Moiché pemaxã ueguxü̃ i ñaa Yudáü̃cutü i nawa pengẽxmagüxü̃wa ngẽxmaxü̃! ¡Natürü guxü̃ma i perü yatügü i marü imexü̃ nax daiwa naxĩxü̃ rü nadeãx ya naxnegü, rü naenexẽgü i togü i Iraétanüxü̃pe̱xegu naxĩ nax ngẽmaãcü nüxü̃ nangü̃xẽẽgüxü̃ca̱x!

Yochué 1:14 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 17:4

Rü yema nge rü wüxi ga naxchiru ga dauxracharaxü̃ rü dauxü̃maxã ixãxchiru. Rü úirumaxã rü nutaxacügü ga imexẽchicümaxã rü perlagümaxã ingã̱xãxẽ. Rü ngĩxme̱xwa ngĩxü̃́ nayexma ga wüxi ga copu ga úirunaxca̱x. Rü yema copu rü namaxã naxããcu ga naguxü̃raü̃xü̃ ga yema Tupanape̱xewa ãũãchixü̃ rü naguxü̃raü̃xü̃ ga chixexü̃gü ga yema nge ga ngĩxü̃nemaxã taxecü üxü̃.

Wenaxarü naxümatü ga Tupanaarü mugü 20:8

Rü ngẽmawena rü ngẽma churaragüerugü rü wena tá norü churaragüxü̃ ñanagürügü: “Rü ngẽxguma texé muü̃gu, rü name nax tümapataca̱x tataeguxü̃ nax ngẽmaãcü tama tanamuü̃xẽẽxü̃ca̱x i ngẽma togü i tümamücügü”, ñanagürügü tá.

Ínachoxü̃xü̃chiga 13:18

Rü yemaca̱x ga Tupana rü yema nama ga Már ga Dauchíüxü̃anacügu idaxü̃guama namaxã ínayaxüegu ñu̱xmata yema ínachianexü̃wa nachopetü. Rü nüma ga Iraétanüxü̃ rü ñoma churaragürüxü̃ meama nichima ga yexguma Equítuanewa ínachoxü̃xgu.

Iraétanüxü̃arü muxchiga 32:26

Rü yíxema toxma̱xgü rü toxocügü rü torü wocagümaxã rü guxü̃ma i toxü̃nagümaxã daa Garaáxanearü ĩanegüwa tátama tangexmagü.

Wenaxarü naxümatü ga Tupanaarü mugü 3:19

Rü yíxema pexma̱xgü, rü pexacügü, rü yíxexicatátama nixĩ ya yima perü ĩanegü ya pexna chaxãgünewa ngẽxmagüxe namaxã i pexü̃nagü i muxũchixü̃ i pexü̃́ ngẽxmaxü̃.

Yochué 1:13

—¡Nüxna pecua̱xãchie ga yema pemaxã nüxü̃ yaxuxü̃ ga Moiché ga Cori ya Tupanaarü duü̃ ga yexguma ñaxgu: “Yimá perü Cori ya Tupana tá pexna nanaxã i ngẽma naane nax ngẽxma taãẽãcüma pexãchiü̃güxü̃ca̱x”, ñaxgu!

Yochué 1:15

Rü ñu̱xmatáta nüma ya Cori ya Tupana peenexẽgüna naxã i norü naane i nagu tá taãẽãcüma naxãchiü̃güxü̃, yema pexna naxããgurüxü̃, rü ñu̱xmatáta nümagü rü norü yora yaxĩgüxü̃ i ngẽma naane i Cori ya Tupana tá nüxna ãxü̃, rü tá nüxü̃ perüngü̃xẽxẽ. Rü ngẽmawena i pemax rü tá naxca̱x pewoegu i ñaa perü naane i Yudáü̃cutüarü éstewaama üxü̃, nax ngẽmaãcü penayaxuchixü̃ca̱x i ñaa naane ga gumá Tupanaarü duü̃ ga Moiché pexna ãxü̃ —ñanagürü.

Wenaxarü naxümatü ga Tupanaarü mugü 33:21

Rü pema i Gáxtanüxü̃ rü penayaxu i ngẽma naane i rümemaexü̃ ñoma duü̃xü̃güarü ãẽ̱xgacüna ixãxü̃rüxü̃. Rü yexguma nangutaque̱xegügu ga Iraétanüxü̃arü ãẽ̱xgacügü rü pema rü Tupanaga pexĩnüe rü peyangu̱xẽxẽ ga norü mugü rü ucu̱xẽgü ga norü duü̃xü̃güna naxãxü̃ —ñanagürü.

Yochué 4:12

Rü yexgumarüxü̃ ta naxnemaxã Yudáü̃wa nichoü̃ ga yema daiwa ĩxü̃ ga Rubéü̃tanüxü̃, rü Gáxtanüxü̃, rü ngãxü̃tücumü ga Manachétanüxü̃. Rü nüma rü yema togü ga Iraétanüxü̃pe̱xe naxĩ, yema Moiché namaxã nüxü̃ ixuxü̃rüxü̃.