Yochué 1:11 - Tupanaarü Ore

¹¹ —¡Guxü̃ma i duü̃xü̃gütanügu pixĩãgütanü, rü namaxã nüxü̃ pixu nax nanutaque̱xegüãxü̃ca̱x i õna! Erü tomaepü̱x i ngunexü̃wa nanguxgu rü tá tichoü̃ i natü i Yudáü̃ nax nayaxuxü̃ca̱x i ngẽma naane i tórü Cori ya Tupana tá tüxna ãxü̃ —ñanagürü ga Yochué.

Yochué 1:11 Referans Kwoze

Wenaxarü naxümatü ga Tupanaarü mugü 9:1

Moiché rü Iraétanüxü̃xü̃ ñanagürü: —¡Iperüxĩnüe, Pa Iraétanüxü̃x! Marü nawa nangu nax pichoü̃xü̃ i ngẽma natü i Yudáü̃ rü nagu pichocuxü̃ i ngẽma naane rü ípenawoxü̃xü̃ i ngẽma duü̃xü̃gütücumügü i pexü̃ rümumaegüxü̃ rü pexü̃ rüporamaegüxü̃ i nawa maxẽxü̃ ya yima ĩanegü ya itaxü̃ne ya ima̱xtapü̱xarü poxeguã̱xgüne.

Norü taxre ga popera ga ãẽ̱xgacügüchiga 20:5

—¡Wena íyadau ya Echequía ya chorü duü̃xü̃güarü ãẽ̱xgacü ixĩcü! ¡Rü namaxã nüxü̃ ixu: “Choma ya nũxcümaü̃cü ga curü o̱xi ga Dabíarü Tupana rü marü cuxü̃́ nüxü̃ chaxĩnü i curü yumüxẽ, rü nüxü̃ chadau i cu̱xgüxü̃etü nax cuxaxuxü̃! Rü choma rü tá cuxca̱x chayataanexẽxẽ rü tomaepü̱x i ngunexü̃guwena rü tá marü ícurüda rü tá chopata ya taxü̃newa cuxũ.

Ochéa 6:2

Rü ngẽmaãcü paxa tá inayanaxoxẽxẽ i ngẽma ngúxü̃ i ingegüxü̃ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.

Yochué 3:2

Rü yexguma tomaepü̱x ga ngunexü̃ ngupetüguwena rü yema Iraétanüxü̃arü ãẽ̱xgacügü rü norü duü̃xü̃gütanü nixĩãgüetanü rü namaxã nüxü̃ nixu rü ñanagürügü: —Ngẽxguma nüxü̃ peda̱u̱xgu i chacherdótegü i Lebítanüxü̃ nax nua nachopetüxü̃ namaxã i ngẽma baú i Cori ya Tupanaarü mugüchixü̃ ¡rü ípechoxü̃ i ngextá ípengexmagüxü̃wa rü nawe perüxĩ!

Wenaxarü naxümatü ga Tupanaarü mugü 11:31

Pemax rü marü pichoü̃chaü̃ i ngẽma natü i Yudáü̃ nax nagu pichocuxü̃ca̱x i ngẽma naane i perü Cori ya Tupana tá pexna ãxü̃. Rü ngẽxguma tá marü peyapuxgu rü nawa pemaxẽgu i ngẽma naane, ¡rü nagu pexĩ i guxü̃ma i ngẽma mugü rü ucu̱xẽgü i ñu̱xma pexna chaxãxü̃!

Yochué 1:2

—Ñu̱xma nax marü nayuxü̃ ya yimá chorü duü̃ ya Moiché, rü cuma tá nixĩ i guxü̃ma i ngẽma Iraétanüxü̃maxã quixüexü̃ nawa i ngẽma natü i Yudáü̃, nax nagu pichocuxü̃ca̱x i ngẽma naane i pexna chaxãxü̃.

Yochué 1:10

Rü yexguma ga nüma ga Yochué rü nanamu ga yema Iraétanüxü̃arü ãẽ̱xgacügü, rü ñanagürü nüxü̃:

Wenaxarü naxümatü ga Tupanaarü mugü 3:18

Rü yexguma ga choma rü pemaxã nüxü̃ chixu rü ñachagürü pexü̃: “Pa Rubéü̃tanüxü̃, rü Pa Gáxtanüxü̃, rü Pa Ngãxü̃tücumü ga Manachétanüxü̃x, Cori ya perü Tupana rü marü pexna nanaxã ga ñaa naane. Rü ngẽmaca̱x pexü̃ chamu i ñu̱xma nax guxãma ya yíxema daixü̃ cuáxe rü penadexü̃ ya pexnegü rü naxpe̱xegu pexĩxü̃ i petanüxü̃ i Iraétanüxü̃ nax namaxã pichoü̃xü̃ca̱x i ngẽma natü i Yudáü̃.