Yeremía 3:3 - Tupanaarü Ore

³ Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Yeremía 3:3 Referans Kwoze

Lebítanüxü̃arü puracüchiga 26:19

Rü ngẽxguma pegü picua̱xüü̃güamagu rü choma rü yexera tá guxchaxü̃ pexca̱x íchanguxẽxẽ. Rü tá chanamu nax tama napuxü̃ca̱x nax ngẽmaãcü tama naxoxü̃ca̱x i penetügü i peanewa ngẽxmagüxü̃.

Yeremía 14:4

Rü yíxema naanewa puracüexe rü taxoegaãẽgü rü ãnemaxã tügü tidüxchíwegü, erü taguma napu, rü ngẽmaca̱x nipagüane.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Yeremía 5:24

Rü tama nagu perüxĩnüe rü bai nax ñapegügüxü̃: ‘Ngĩxã Cori ya tórü Tupanaga taxĩnüe erü nüma nixĩ i taxca̱x napuxẽẽãxü̃ i otóñogu rü primaberagu, rü ñu̱xũchi nüma nixĩ i taxca̱x ínaxüxüchiãxü̃ i ngẽma ngunexü̃gü i nagu yabuxgǘxü̃ i torü nanetügü’, ñapegügüxü̃.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Wenaxarü naxümatü ga Tupanaarü mugü 28:23

Rü yea daxũguxü̃ i naane rü taxũtáma pexca̱x nanapuxẽxẽ i norü pucü. Rü ñoma i naanewa rü taxũtáma nixo i penetügü, erü tá nataianexüchi.

Aguéu 1:11

Rü choma nixĩ ga íchananguxẽẽxü̃ ga yema guxchaxü̃ nax yapagüanexü̃ ga peanegüwa rü ma̱xpǘnegüwa, rü trigunecüwa, rü úbanecüwa, rü oribunecüwa rü guxü̃ma ga ta̱xacü ga petogüxü̃necüwa. Rü yema nax yapagüanexü̃gagu rü pexca̱x ínangu ga taiya rü perü wocagüca̱x rü ta —ñanagürü ga Tupana.

Amúx 4:7

Rü nüma ya Cori ya Tupana rü ñanagürü: —Choma rü tomaepü̱x ga tauemacü pexcha̱xwa íchayachaxãchixẽxẽ ga pucü naxü̃pa nax peyabuxgüxü̃ ga penetügü. Rü wüxi ga ĩanewa rü chanapuxẽxẽ rü nai ya ĩanewa rü tama. Rü wüxi ga naanewa rü napu rü to ga naanewa rü nipamare yerü nataxuma ga dexá.

Yeremía 9:12

¿Texé tixĩ ya nüxü̃ cua̱xüchixe nax ngẽmaãcü nüxü̃ tacuáxü̃ca̱x i ngẽma tá ngupetüxü̃? ¿Rü texéxü̃ nixĩ i nüxü̃ nacua̱xẽxẽxü̃ ya Cori ya Tupana i guxü̃ma i ngẽma tá ngupetüxü̃ nax ngẽmaãcü togümaxã nüxü̃ tixuxü̃ca̱x? ¿Rü ta̱xacüca̱x yixĩxü̃ i chixexü̃wa nangẽxmaxü̃ i ñaa nachixü̃ane? ¿Rü ta̱xacüca̱x yixĩxü̃ i ñoma chianexü̃ i taxúema nawa üpetüxü̃rüxü̃ yixĩxü̃?

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 6:15

Rü name chi nax na̱xcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Echequié 3:7

Natürü ngẽma Iraétanüxü̃ rü taxũtáma cuga naxĩnüe, erü tama chauga naxĩnüechaü̃. Rü guxü̃ma i ngẽma Iraétanüxü̃ rü tama chauga naxĩnüe rü tama choxü̃ nacua̱xgüchaü̃.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Neemía 9:17

Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.

Yeremía 14:3

Rü ngẽma diẽruã̱xgüxü̃ rü norü puracütanüxü̃xü̃ dexáwa namugü. Rü nümagü i ngẽma norü puracütanüxü̃ rü puchugüwa dexáwa naxĩ. Natürü ngẽma puchugüwa rü taxuxü̃ma i dexáxü̃ inayangaugü. Rü ingeãcuxü̃ i norü tü̃xü̃gümaxã nawoegu. Rü ngẽmaca̱x naxoegaãẽgü rü norü ãnemaxã nügü nidüxchiwegü.

Yeremía 36:2

—¡Ẽcü nayaxu i wüxi i popera i dixpütaxü̃ rü ngẽmagu naxümatü i guxü̃ma i ngẽma ore i cumaxã nüxü̃ chixuxü̃ i Iraéanecüã̱xgüchiga, rü Yudáanecüã̱xgüchiga, rü ngẽma togü i nachixü̃anecüã̱xgüchiga! ¡Rü ngẽxma naxümatü ga yema ore ga cumaxã nüxü̃ chixuxü̃ ga yexguma Yochía ãẽ̱xgacü ixĩxgu rü ñu̱xmata nawa nangu i ngẽma ore i ñu̱xma cumaxã nüxü̃ chixuxü̃!

Chofonía 2:1

¡Pengutaque̱xegüx, Pa Duü̃xü̃gü i Tama Ãnexü̃ Cua̱xgüxü̃x!

Naanearü ügüchiga 19:34

Rü moxü̃ãcü pa̱xmama ga yema naxacü ga rüyamaecü rü ngĩeya̱x ga rübumaecümaxã ngĩgürügü: —Dücax, ngexwa̱xarü chütaxü̃gu i choma rü marü tanatümaxã ichape, rü ngẽmaca̱x ñaa chütaxü̃gu rü name nixĩ i wena tanatüxü̃ tangãxẽxẽ nax ngẽmaãcü cuxí tanatümaxã icupexü̃ca̱x nax ngẽmaãcü yixema i taxre rü wüxigu tanatüaxü̃́ ixãxacügüxü̃ca̱x —ngĩgürügü.

Ucu̱xẽgüchiga 21:29

Ngẽma chixexü̃gu maxü̃xü̃ rü nügünatama narüyoe. Natürü ngẽma mexü̃gu maxü̃xü̃, rü nüxü̃ nacua̱x nax aixcüma namexü̃ i ngẽma naxüxü̃.

Yeremía 5:25

Natürü perü chixexü̃gagu tama pexca̱x chanango̱xẽxẽ i ngẽma mexü̃gü. Rü perü pecadugagu tama pexü̃́ nangẽxma i ngẽma mexü̃gü.

Yeremía 14:1

Rü yema nax yapagüanexü̃gagu rü Cori ya Tupana rü Yeremíamaxã nidexa rü ñanagürü nüxü̃:

Amúx 4:8

Rü duü̃xü̃gü rü ĩanegügu nixĩgüetanü nax dexáca̱x nadaugüxü̃, natürü taxuxü̃ma ga taxü̃ ga dexáxü̃ inayangaugü nax yemaacü nüxü̃́ yanguxü̃ca̱x nax yata̱xawaexü̃. Natürü woo yema pexü̃ nax ngupetüxü̃ ga pemax rü tama cha̱u̱xca̱x pewoegu —ñanagürü ya Cori ya Tupana.