Yeremía 26:3 - Tupanaarü Ore3 Rü ngürüãchi tá cuga naxĩnüe rü nüxü̃ narüxoe i ngẽma chixexü̃ i nacümagü nax ngẽmaãcü i choma rü tama chapoxcuexü̃ca̱x naxca̱x i ngẽma chixexü̃ i naxügüxü̃, ngẽma noxri nagu charüxĩnüxü̃rüxü̃. Gade chapit la |
Rü yemaca̱x ñaãcü nayumüxẽ: —Dücax, Pa Cori Pa Tupanax, rü ngẽma ñu̱xma Nínibewa ngupetüxü̃ nixĩ ga yema nüxü̃ chixuxü̃ ga yexguma chauchixü̃anewatama chayexmagu. Rü yemaca̱x nixĩ ga cuxcha̱xwa chixũxü̃táa̱x nax Tárchixwa chaxũxü̃ca̱x, yerü nüxü̃ chacua̱x rü cuma rü wüxi ya Tupana ya mecümacü rü ngechaü̃wa̱xecü quixĩ rü tama paxa cunu. Rü ngẽma curü ngechaü̃ rü nataxüchi. Rü ngẽmaca̱x woo texémaxã poxcu cuxuegu̱xgu rü paxãma nagu curüxĩnü, rü tama tüxü̃ cupoxcu ega nüxü̃ tarüxoegu i tümacüma i chixexü̃.
Rü bexmana ngẽxguma ngẽmaxü̃ naxĩnüegu i ngẽma duü̃xü̃gü rü tá Cori ya Tupanana nacagüe nax nüxü̃́ nüxü̃ iyanangümaxü̃ca̱x i norü chixexü̃gü, rü tá nüxü̃ narüxoe i nacüma i chixexü̃, naxü̃pa nax napoxcuexü̃. Erü ngẽma Cori ya Tupanaarü poxcu i norü numaxã namaxã naxãxũneãxü̃ i ngẽma duü̃xü̃gü rü poraãcü naxãũcümaxü̃chi —ñanagürü ga Yeremía.
—¿Nüxü̃ cudauxü̃ yixĩxü̃ ya Acáx nax ñuxãcü chope̱xewa nügü ínaxíraxü̃? Rü ngẽma nax chope̱xegu nügü ínaxíxraxü̃gagu rü taxũtáma chixexü̃ naxacügütanüwa changuxẽxẽ i ñu̱xma nax namaxü̃xü̃gu i nüma ya Acáx. Natürü ngẽxguma marü nayuxguwena rü nane ãẽ̱xgacü ixĩxgu tá nixĩ i Acáxacügüca̱x íchananguxẽẽxü̃ i ngẽma chixexü̃ nax ngẽmaãcü yanaxoxü̃ca̱x i natanüxü̃ —ñanagürü.
Rü yexguma ga ãẽ̱xgacü ga Echequía, rü guxü̃ma ga yema Yudátanüxü̃ rü tama Miquéaxü̃ nima̱xgü. Rü nüma ga ãẽ̱xgacü rü Cori ya Tupanaxü̃ namuü̃. Rü naxca̱x ínaca nax Tupanaaxü̃́ nangechaü̃tümüxü̃güxü̃ca̱x. Rü yemaca̱x ga Cori ya Tupana rü tama naxca̱x ínanangu̱xẽxẽ ga yema guxchaxü̃ ga marü namaxã naxueguchiréxü̃. Rü yíxema i ngẽxguma tá Yeremíaxü̃ ima̱xgügu rü tá nitaguãchi i taxü̃ i chixexü̃ i ãũcümaxü̃ ixügüxü̃” —ñanagürügü ga yema ãẽ̱xgacügü.