Yeremía 1:6 - Tupanaarü Ore

⁶ Rü yexguma ga chomax rü chanangãxü̃ rü ñachagürü: —Acha̱xa, Pa Corix, Pa Tupanax, choma rü changextüxüxüchi rü tama nüxü̃ chacua̱x nax mea chidexaxü̃ —ñachagürü.

Yeremía 1:6 Referans Kwoze

Ínachoxü̃xü̃chiga 6:12

Natürü ga Moiché rü Cori ya Tupanaxü̃ nangãxü̃, rü ñanagürü: —¿Ñu̱xma nax choxü̃́ naguxchaxü̃ nax mea chidexaxü̃ rü ñuxãcü tá chauga naxĩnü i Faraóü̃ ega woo chautanüxü̃ i Iraétanüxü̃ rü tama chauga naxĩnüegu? —ñanagürü.

Yeremía 32:17

—Cumax, Pa Corix, nixĩ ga curü pora ga taxü̃maxã cunango̱xẽẽxü̃ ga dauxü̃guxü̃ ga naane rü ñoma ga naane. Rü nataxuma i ta̱xacü i cuxü̃́ guxchaxü̃ nax cunaxüxü̃.

Ínachoxü̃xü̃chiga 6:30

Natürü nüma ga Moiché rü nanangãxü̃ rü ñanagürü: —Pa Corix, choma nax tama mea dexaxü̃ chacuáxü̃ ¿rü ñuxãcü tá i chauga naxĩnüxü̃ i Faraóü̃? —ñanagürü.

Yeremía 14:13

Rü choma chanangãxü̃ rü ñachagürü nüxü̃: —Natürü, Pa Corix, ngẽma duü̃xü̃güarü orearü uruü̃gü rü namaxã nüxü̃ nixugüe rü nataxutama i dai, rü taiya, rü cuma rü guxü̃gutáma nüxna cunaxã i taãxẽ i ñaa nachicawa —ñachagürü nüxü̃.

Ínachoxü̃xü̃chiga 4:1

Rü nüma ga Moiché rü Cori ya Tupanaxü̃ nangãxü̃, rü ñanagürü: —Natürü i ngẽma chautanüxü̃ rü taxũtáma choxü̃́ nayaxõgü, rü taxũtáma chauga naxĩnüe. Rü tá ñanagürügüama choxü̃: “Rü nüma ya Cori ya Tupana rü tama nixĩ i aixcüma cuxca̱x nangóxü̃”, ñanagürügüama tá choxü̃ —ñanagürü.

Yeremía 4:10

Rü choma rü nüxü̃ ñachagürü: —Pa Corix, poraãcü cuyawomüxẽxẽ i ngẽma Yerucharéü̃cüã̱xgü i duü̃xü̃gü. Rü marü namaxã nüxü̃ quixu nax namaxã icurüngüxmüxü̃, natürü i ñu̱xma rü marü ínamemare i curü tara nax nadaiaxü̃ca̱x —ñachagürü nüxü̃.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Echequié 4:14

Rü choma rü chanangãxü̃ rü ñacharügü nüxü̃: —Natürü, Pa Corix, choma rü taguma nüxü̃ chingõ̱gü i ta̱xacü i ãũãchixü̃, rü taguma chanangõ̱x i wüxi i naeü̃ i nüechama yuxü̃machi rüe̱xna aigü imaxgüxü̃machi, rü bai nax ñuxgu nüxü̃ changõ̱xnetaxü̃ i namachi i ãũãchixü̃ —ñachagürü nüxü̃.

Chacaría 2:4

Rü ñanagürü nüxü̃: —¡Namaxã nüxü̃ ixu i ngẽma ngextü̱xücü i nangexü̃ i ngẽma nguruxü̃, rü ñacurügü tá nüxü̃: “Yima ĩane ya Yerucharéü̃ rü taxũtáma ínapoxegu erü tá namuxũchi i norü duü̃xü̃gü rü wocagü. Rü ngẽmaca̱x taxucürüwama ínapoxegu.

Yeremía 34:6

Rü nüma ga Tupanaarü orearü uruxü̃ ga Yeremía rü Yerucharéü̃wa Yudáanearü ãẽ̱xgacü ga Chedequíamaxã nüxü̃ nixu ga guxü̃ma ga yema ore.