Yeremía 1:2 - Tupanaarü Ore

² Rü yexguma Amóx nane ga Yochía rü marü 13 ga taunecü ãẽ̱xgacü yixĩxgu ga Yudáanewa, rü nüma ga Tupana rü Yeremíamaxã nidexa.

Yeremía 1:2 Referans Kwoze

Miquéa 1:1

Rü yexguma Yudáanearü ãẽ̱xgacügü yixĩgügu ga Yotáü̃ rü Acháx rü Echequía, rü yexguma nixĩ ga Cori ya Tupana ga Miquéa ga Moréchecüã̱xü̃ nawéaxü̃ ga yema guxchaxü̃gü ga ĩane ga Chamáriaca̱x tá ínguxü̃ rü ĩane ga Yerucharéü̃ca̱x tá ínguxü̃.

Yoná 1:1

Nüma ga Cori ya Tupana rü Amitái nane ga Yonámaxã nidexa rü ñanagürü:

Ochéa 1:1

Ñaa nixĩ ga ore ga Cori ya Tupana nüxü̃ ixuxü̃ namaxã ga Ochéa ga Beerí nane ga yexguma Yudáanewa ãẽ̱xgacügü yixĩgügu ga Uchía rü Yotáü̃ rü Acháx rü Echequía. Rü Iraéanewa rü Yeruboáü̃ ga Yoá nane nixĩ ga norü ãẽ̱xgacü ixĩxü̃.

Yeremía 1:11

Rü nüma ya Cori ya Tupana rü choxna naca rü ñanagürü: —Pa Yeremíax ¿ta̱xacü nixĩ i nüxü̃ cudauxü̃? —ñanagürü. Rü choma chanangãxü̃ rü ñachagürü: —Nüxü̃ chadau i wüxi i arméndrachacüxü i paxa dauxü̃ i norü o —ñachagürü.

Yeremía 1:4

Nüma ga Cori ya Tupana rü chomaxã nidexa rü ñanagürü choxü̃:

Nüxíraxü̃xü̃ ga popera ga ãẽ̱xgacügüchiga 13:20

Rü yexguma nügümaxã mechawa natogügu ga guma taxre rü nüma ga Cori ya Tupana rü guma yacü ga orearü uruü̃maxã nidexa.

Yeremía 36:2

—¡Ẽcü nayaxu i wüxi i popera i dixpütaxü̃ rü ngẽmagu naxümatü i guxü̃ma i ngẽma ore i cumaxã nüxü̃ chixuxü̃ i Iraéanecüã̱xgüchiga, rü Yudáanecüã̱xgüchiga, rü ngẽma togü i nachixü̃anecüã̱xgüchiga! ¡Rü ngẽxma naxümatü ga yema ore ga cumaxã nüxü̃ chixuxü̃ ga yexguma Yochía ãẽ̱xgacü ixĩxgu rü ñu̱xmata nawa nangu i ngẽma ore i ñu̱xma cumaxã nüxü̃ chixuxü̃!

Yeremía 25:3

—Yexguma marü 13 ga taunecü Yudáanewa ãẽ̱xgacü yaxĩxgu ga Yochía ga Amóü̃ nane, ñu̱xmata ñaa ngunexü̃wa nangu rü 23 ga taunecü nixĩ nax Cori ya Tupana chomaxã yadexaxü̃ rü choma rü pemaxã nüxü̃ chixuechaxü̃ ga yema norü ore. Natürü ga pema rü tama chauga pexĩnüechaü̃.

Norü taxre ga popera ga ãẽ̱xgacügüchiga 21:24

Natürü ga duü̃xü̃gü ga guma ĩanecüã̱xgü rü nanadai ga yema churaragüerugü ga ãẽ̱xgacü ga Amóü̃xü̃ ima̱xgüxü̃. Rü Amóü̃chicüxü nane ga Yochíaxü̃ nimucuchigü nax ãẽ̱xgacü yixĩxü̃ca̱x.

Nüxíraxü̃xü̃ ga popera ga ãẽ̱xgacügüchiga 13:2

Rü Cori ya Tupana namuxü̃ãcüma tagaãcü yema ãmaregüarü guruü̃chiga nidexa rü ñanagürü: —Pa Ãmaregüarü Guruxü̃x, Pa Ãmaregüarü Guruxü̃x, rü Cori ya Tupana rü ñanagürü: “Dabítanüxü̃wa tá nabu i wüxi i õxchana rü Yochía tá nixĩ i naéga. Rü nüma tá nixĩ i cuwa ínaguaxü̃ i ngẽma tupananetachicüna̱xãgüarü chacherdótegü i ñu̱xma cuwa pumarate̱xe ígugüxü̃. Rü ngẽmaãcü duü̃xü̃güchina̱xã tá cuétüwa ínagu” —ñanagürü.

Norü taxre ga popera ga ãẽ̱xgacügüchiga 21:18

Rü yexguma nayu̱xgu ga Manaché, rü ãẽ̱xgacüpataã̱xtü ga Uchágu nanata̱xgü. Rü yemawena rü nane ga Amóü̃ rü nachicüxü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 22:3

Rü yexguma marü 18 ga taunecü ãẽ̱xgacü yixĩxgu ga Yochía, rü nüma rü Tupanapata ga taxü̃newa nanamu ga norü poperaarü ümatüruxü̃ ga Chapáü̃ ga Acharía nane ga Mechuráü̃ nataxa. Rü ñanagürü nüxü̃:

Yeremía 3:6

Rü yexguma Yochía ãẽ̱xgacü ixĩxgu ga Yudáanewa rü yexguma nixĩ ga Cori ya Tupana ga choxü̃ ñaxü̃: —¿Nüxü̃ cudauxü̃ i ngẽma naxügüxü̃ i ngẽma Iraéanecüã̱xgü i tama ixĩnüechaü̃xü̃? Rü nümagü rü guxü̃nema ya ma̱xpǘnegüwa, rü guxü̃ma i nai i imeetaxü̃tüü̃wa rü tupanachicüna̱xãxgüxü̃ nicua̱xüü̃gü. Rü ngẽmaãcü choxna nixĩgachi ñoma wüxi i nge i ngĩtena ngeãẽcürüxü̃.

Yeremía 28:12

Rü nawena ga ñuxre ga ngunexü̃ nax Yeremíanaxãwa Ananía nayaxuxü̃ rü nagu nabügüxü̃ ga yema toxcunaxãruxü̃, rü nüma ya Cori ya Tupana rü Yeremíamaxã nidexa, rü ñanagürü nüxü̃:

Joel 1:1

Ñaa nixĩ ga Cori ya Tupanaarü ore ga Petué nane ga Yoémaxã nüxü̃ yaxuxü̃.

Chofonía 1:1

Ñaa nixĩ ga ore ga Cori ya Tupana Chofoníamaxã nüxü̃ ixuxü̃ ga yexguma Yochía ga Amóü̃ nane ãẽ̱xgacü ixĩxgu ga Yudáanewa. Rü nüma ga Chofonía rü Cúchi nane nixĩ, rü Cúchi rü Guedaría nane nixĩ, rü Guedaría rü Amaría nane nixĩ, rü Amaría rü Echequía nane nixĩ.