Yeremía 1:12 - Tupanaarü Ore

¹² Rü nüma ya Cori ya Tupana rü choxü̃ ñanagürü: —Aixcüma nixĩ i ngẽma nüxü̃ cudauxü̃. Rü tá chaxuãxẽ nax paxa yanguxü̃ca̱x i ngẽma chorü ore —ñanagürü.

Yeremía 1:12 Referans Kwoze

Echequié 12:28

Rü ngẽmaca̱x namaxã nüxü̃ ixu i ñaa ore i ñaxü̃: “Cori ya Tupana rü ñanagürü: ‘Rü ngẽma chorü ore i nüxü̃ chixuxü̃ rü paxatáma ningu, rü aixcüma ngẽma nüxü̃ chixuxü̃ rü ningu tá’. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ga Cori ya Tupana.

Echequié 12:25

Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Ore i mexü̃ ga Luca ümatüxü̃ 10:28

Rü yexguma ga Ngechuchu rü ñanagürü nüxü̃: —Ngẽma ore i choxü̃ namaxã cungãxü̃xü̃ rü marü name. Rü ngẽxguma ngẽma ore quinguxẽẽ̱xgu, rü tá cunayaxu i maxü̃ i taguma gúxü̃ —ñanagürü.

Wenaxarü naxümatü ga Tupanaarü mugü 5:28

Rü yexguma chomaxã pidexagügu, rü nüma ga Cori ya Tupana rü nüxü̃ naxĩnü ga yema chomaxã nüxü̃ pixuxü̃. Rü yemaca̱x choxü̃ ñanagürü: “Marü nüxü̃ chaxĩnü i guxü̃ma i ngẽma nüxü̃ yaxugüxü̃ i ñaa duü̃xü̃gü, rü cha̱u̱xca̱x rü name i ngẽma.

Wenaxarü naxümatü ga Tupanaarü mugü 18:17

Rü yexguma ga Cori ya Tupana rü ñanagürü choxü̃: “Marü name i ngẽma nüxü̃ yaxugüxü̃.

Ore i mexü̃ ga Luca ümatüxü̃ 20:39

Rü yexguma ga ñuxre ga ngúexẽẽruü̃gü ga Moichéarü mugüwa ngu̱xẽẽtaegüxü̃ rü ñanagürügü: —Aixcüma meama nüxü̃ quixu, Pa Ngúexẽxẽruxü̃ —ñanagürügü.

Yeremía 31:28

Rü choma rü noxri íchame nax pexü̃ íchawoxü̃xü̃, rü nagu chapogüxü̃ ga perü ĩanegü, rü chayawa̱xgüxẽẽxü̃ ga perü ĩanegüarü poxeguxü̃gü, rü chayanaxoxẽẽxü̃ ga yema pexü̃́ yexmagüxü̃, rü guxchaxü̃ pexca̱x íchanguxẽẽxü̃. Natürü i ñu̱xma i choma rü íchamemare nax wena tá pexü̃ charüngü̃xẽxẽxü̃ nax pixüpatagüxü̃ca̱x rü petoegüxü̃ca̱x. Rü choma ya Cori ya Tupana nixĩ i ngẽma ñachaxü̃.

Yeremía 1:13

Rü nüma ga Cori rü wena chomaxã nidexa rü choxna naca rü ñanagürü: —¿Ta̱xacü nixĩ i nüxü̃ cudauxü̃? —ñanagürü. Rü choma rü chanangãxü̃ rü ñachagürü: —Nüxü̃ chadau ya wüxi ya buetare ya idocacü ya nórtewa ngẽxmacü rü súrguama baãcuchaü̃cü i Yudáarü naanewa —ñachagürü.

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.

Yeremía 24:3

Rü nüma ga Cori ya Tupana rü choxna naca rü ñanagürü: —Pa Yeremíax ¿ta̱xacü yixĩxü̃ i ngẽma nüxü̃ cudauxü̃? —ñanagürü. Rü choma rü chanangãxü̃ rü ñachagürü: —Nüxü̃ chadau i ori̱x i igu i mexẽchixü̃ rü togü i chixexü̃chixü̃ i taxuacüma ingṍxü̃ —ñachagürü.