Wiyaegü 99:7 - Tupanaarü Ore

⁷ Rü nüma ga Tupana rü yema caixanexü̃wa Moichémaxã rü Aróü̃maxã nidexa rü nümagü rü meama nayanguxẽxẽ ga norü mugü ga nüxna naxãxü̃.

Wiyaegü 99:7 Referans Kwoze

Ínachoxü̃xü̃chiga 33:9

Rü yexguma Moiché nagu üxcugu ga guma tügümüne rü norü ĩã̱xgu ínarüxĩẽma ga yema caixanexü̃. Rü yéma nayachaxãchiema ga yexguma Tupana rü Moichémaxã íyadexayane.

Iraétanüxü̃arü muxchiga 12:5

Rü yexguma ga nüma ga Cori ya Tupana rü caixanexü̃gu ínarüxĩ napataarü ĩã̱xgu, rü Aróü̃ca̱x rü Maríaca̱x naca. Rü nümagü rü nape̱xewa naxĩ.

Wenaxarü naxümatü ga Tupanaarü mugü 4:5

Choma rü marü pexü̃ changúexẽxẽ ga guxü̃ma ga yema mugü ga Cori ya chorü Tupana chomaxã nüxü̃ ixuxü̃ nax ngẽmaãcü aixcüma nagu pemaxẽxü̃ca̱x nawa i ngẽma naane i nagu tá pechocuxü̃.

Popera ga Yudíugü ga yaxõgüxü̃ca̱x ümatüxü̃ 3:2

Rü Tupana rü marü Ngechuchuxü̃ naxuneta nax naxüaxü̃ca̱x ga yema puracü ga Tupana nüxna ãxü̃. Rü nüma ga Ngechuchu rü aixcüma Nanatüga naxĩnü rü nayanguxẽxẽ ga yema puracü yexgumarüxü̃ ga Moiché meama nax naxüxü̃ ga yema puracü ga Tupana nüxna ãxü̃ nax nüxna nadauxü̃ca̱x ga Tupanaarü duü̃xü̃gü ga Yudíugü.

Ucu̱xẽgüchiga 28:9

Yíxema tama naga ĩnüxe i Tupanaarü mugü, rü nüma ya Tupana rü taxũtáma tüxü̃́ nüxü̃ naxĩnü i tümaarü yumüxẽ.

Wiyaegü 105:28

Rü nüma ga Tupana rü guxü̃wama ga Equítuanewa ínananguxẽxẽ ga ẽanexü̃. Natürü yema Equítuanecüã̱xgü rü tama naga naxĩnüe.

Wenaxarü naxümatü ga Tupanaarü mugü 33:9

Rü ngẽma Lebítanüxü̃ rü nanatüxü̃ rü naéxü̃ nangechaxü̃güarü yexera cuga naxĩnüe rü nayanguxẽxẽ i curü uneta. Rü naenexẽgüxü̃ rü naxacügüxü̃ nangechaxü̃güarü yexera cuga naxĩnüe rü nayanguxẽxẽ i curü uneta.

Ínachoxü̃xü̃chiga 40:16

Rü nüma ga Moiché rü nanaxü ga guxü̃ma ga yema Tupana namaxã nüxü̃ ixuxü̃ãcü.

Ínachoxü̃xü̃chiga 19:9

Rü nüma ga Cori ya Tupana rü ñanagürü Moichéxü̃: —Dücax, cumaxã nüxü̃ chixu, rü wüxi i caixanexü̃ i pamüemaxü̃wa tá chaugü cuxü̃ chawe̱x nax ngẽmaãcü i ngẽma duü̃xü̃gü rü choxü̃ nax naxĩnüexü̃ca̱x nax cumaxã chidexaxü̃ rü ngẽmaãcü guxü̃guma cuxü̃́ yaxõgüãxü̃ca̱x —ñanagürü. Rü yemawena rü nüma ga Moiché rü wenaxarü Cori ya Tupanamaxã nüxü̃ nixu ga yema duü̃xü̃güarü ore.

Iraétanüxü̃arü muxchiga 16:15

Rü yexguma ga Moiché rü poraãcü nanu, rü Cori ya Tupanaxü̃ ñanagürü: —Tama chanaxwa̱xe i nüxü̃́ cunayaxu i ngẽma duü̃xü̃güarü ãmaregü. Erü choma rü taguma ñuxgu wüxi i norü búru nüxna chayaxu, rü bai i ñuxgu wüxíemaxã chixexü̃ chaxü —ñanagürü.