Wiyaegü 99:4 - Tupanaarü Ore

⁴ Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Wiyaegü 99:4 Referans Kwoze

Wiyaegü 11:7

Rü nüma ya Cori ya Tupana rü ixaixcümacü nixĩ, rü nüxü̃ nangechaü̃ i ngẽma aixcüma ixĩxü̃. Rü ngẽmaca̱x ya yíxema ixaixcümagüxe rü tá Tupanachiwexü̃ tadaugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:16

Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.

Yeremía 23:5

Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Yox 37:23

Rü tama nüxü̃ tacua̱x i norü ĩnü ya yimá Guxü̃étüwa Ngẽxmacü ya Tupana. Erü nüma rü guxü̃arü yexera naporaxüchi rü nixaixcüma. Rü norü ĩnü rü meama niwe̱x, rü taguma chixri texémaxã inacua̱x.

Wenaxarü naxümatü ga Tupanaarü mugü 10:18

Rü nüma rü tüxna nadau ya yíxema ta̱xcuxe rü yutexe. Rü tüxü̃ nangechaxü̃ ya yíxema to i nachixü̃anecüã̱x ya petanüwa ngẽxmaxe, rü tüxü̃ naxüwemü rü tüxü̃ naxüxchiru.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.

Ichaía 61:11

Rü ñoma naxchiregü waixü̃müwa rüxügünerüxü̃ rü ñoma wüxi i naanewa nanetü rüxügüxü̃rüxü̃ rü Tupana rü ngẽxgumarüxü̃ tá ta nanango̱xẽxẽ i nacüma i aixcüma mexü̃ nax guxü̃ma i nachixü̃anegüwa nüxü̃ yacua̱xüü̃güxü̃ca̱x.

Ichaía 42:4

Rü nüma rü tagutáma inarüngü̃. Rü tagutáma nüxü̃ narüchau ñu̱xmatáta ñoma i naanewa maxẽxü̃ i duü̃xü̃gü mea nügümaxã inacuáxe. Rü woo ngẽma nachixü̃anegü i yáxü̃wa ngẽxmagüxü̃ i már arü tocutüwa rü tá mea nanayauxgü i norü ngu̱xẽẽtae —ñanagürü.