Wiyaegü 99:2 - Tupanaarü Ore

² Rü nüma ya Cori ya ma̱xpǘne ya Chióü̃gu ãchiü̃cü rü guxü̃étüwa nangẽxma. Rü nüma nixĩ i guxü̃ma i nachixü̃anecüã̱x i duü̃xü̃gümaxã inacuáxü̃.

Wiyaegü 99:2 Referans Kwoze

Wiyaegü 97:9

Erü cumax, Pa Cori ya Guxãétüwa Ngẽxmaxex, rü namaxã icucua̱x i guxü̃ma i ñaa naane. Rü cuma rü guxü̃ma i ngẽma tupananetagüétüwa cungexma.

Ichaía 14:32

¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Wiyaegü 113:4

Rü nüma ya Cori ya Tupana rü guxü̃ma i nachixü̃anegümaxã inacua̱x. Rü norü pora rü daxũguxü̃ i naaneétüwa nangu.

Wiyaegü 66:7

Rü nüma ya Tupana rü guxü̃guma norü poramaxã ñoma i naanemaxã inacua̱x. Rü nüma rü naxetümaxã nüxü̃ nadau i guxü̃ma i nachixü̃anegü. Rü ngẽma tama naga ĩnüexü̃, rü tama name nax namaxã nanuexü̃.

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Iraétanüxü̃arü muxchiga 23:21

Rü nüma ya Tupana rü tama nagu narüxĩnü i norü chixexü̃ i ngẽma duü̃xü̃gü i Iraétanüxü̃ i Acóbuarü duü̃xü̃gü ixĩgüxü̃. Rü nüma ya Cori ya norü Tupana rü natanüwa nangẽxma, rü tama chixexü̃ namaxã naxüxchaü̃. Rü nümagü rü norü ãẽ̱xgacüãcü nüxü̃ nacua̱xgü.

Wiyaegü 47:3

Rü nüma rü taxme̱xwa nanangexmagüxẽxẽ i guxü̃ma i nachixü̃anegü nax namaxã icuáxü̃ca̱x.

Wiyaegü 47:8

Rü ngẽma yatügü i tachigaxü̃ i guxü̃ i nachixü̃anegüwa ngẽxmagüxü̃ rü namaxã nangutaque̱xe i ngẽma duü̃xü̃gü i Abraáü̃arü Tupanaaxü̃́ yaxõgüxü̃. Rü nüma ya Tupana rü norü tochicaxü̃ i üünexü̃wa narüto rü guxü̃ma i nachixü̃anegüarü ãẽ̱xgacügümaxã inacua̱x. Rü nüma rü guxü̃étüwa nangẽxma.