Wiyaegü 96:9 - Tupanaarü Ore

⁹ ¡Rü nüxü̃ picua̱xüxü̃gü nawa ya yima napata ya mexẽchine! Rü name nixĩ nax guxü̃ma i duü̃xü̃gü i ñoma i naanewa maxẽxü̃ rü nape̱xegu nacaxã́pü̱xügü.

Wiyaegü 96:9 Referans Kwoze

Wiyaegü 29:2

¡Rü nüxü̃ picua̱xüü̃gü i ngẽma naéga i üünexü̃! ¡Rü yima napata ya mexẽchínewa rü penatachigaxẽxẽ!

Wiyaegü 114:7

Rü cumax, Pa Ñoma i Naanex ¡rü Acóbuarü Tupanape̱xewa curü muü̃maxã idu̱xrux!

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.

Wiyaegü 33:8

Pa Guxü̃ma i Ta̱xacü i Ñoma i Naanewa Ngẽxmagüxü̃x ¡rü Tupanaxü̃ picua̱xüü̃gü! Rü guxãma i pemax, Pa Ñoma i Naanecüã̱x i Duü̃xü̃güx ¡rü nüxü̃ picua̱xüü̃gü!

Echequié 7:20

Rü nümagü rü norü ngã̱xãẽruü̃gümaxã nügü nicua̱xüü̃gü rü yemawa nixĩ ga naxügüãxü̃ ga norü tupananetachicüna̱xãgü ga poraãcü ichixexü̃. Rü ngẽmaca̱x i choma rü tá guxchirexü̃ chayanguxuchixẽxẽ i ngẽma norü ngã̱xãẽruü̃gü.

Wiyaegü 76:11

¡Rü Tupanamaxã ipexunetagü, natürü aixcüma peyangu̱xẽxẽ i ngẽma perü uneta! Rü guxãma i pema ya yimá Ãũcümacüarü duü̃xü̃gü pixĩgüxü̃ rü ¡ẽcü nüxna penana i perü ãmaregü!

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Wiyaegü 76:7

Erü cuma rü cuxãũcümaxü̃chi. ¿Rü texé tapora nax cupe̱xewa itachiamaxü̃ i ngẽxguma cuma tümamaxã cunuxgu?

Norü taxre ga to ga popera ga ãẽ̱xgacügüchiga ümatüxü̃ 29:28

Rü guxü̃ma ga yema duü̃xü̃gü rü yexma nacaxã́pü̱xügü rü yemaacü Tupanaxü̃ nicua̱xüü̃gü. Rü yexgumayane ga yema Lebítanüxü̃ rü nawiyaegü rü nüma ga yema chacherdótegü rü nagu nicuegü ga cornétagü ñu̱xmata nagú ga yema ãmare nax yaxãxü̃.

Norü taxre ga to ga popera ga ãẽ̱xgacügüchiga ümatüxü̃ 29:29

Rü yexguma nagu̱xgu ga yema ãmare nax yaxãxü̃, rü nüma ga ãẽ̱xgacü rü guxü̃ma ga namücügü ga yéma yexmagüxü̃ rü nacaxã́pü̱xügü rü Tupanaxü̃ nicua̱xüü̃gü.

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.

Wiyaegü 99:1

Nüma ya Cori rü ãẽ̱xgacü nixĩ. Rü norü tochicaxü̃ rü ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nangẽxma. Rü nape̱xewa rü norü muü̃maxã nidu̱xrue i guxü̃ma i nachixü̃anecüã̱xgü rü woo i ñoma i naane rü nidu̱xru.