Wiyaegü 96:8 - Tupanaarü Ore

⁸ ¡Rü nüxü̃ pengechaü̃güãcüma nüxü̃ picua̱xüxü̃gü! Erü nüma rü guxãétüwa nangẽxma. ¡Rü napataa̱xtügu pechocuxü̃ namaxã i perü ãmaregü!

Wiyaegü 96:8 Referans Kwoze

Wiyaegü 100:4

¡Rü nua naxü̃tawa pexĩ, rü napatagu pechocu, rü perü wiyaegümaxã nüxü̃ picua̱xüxü̃gü rü moxẽ nüxna pexãgü! ¡Rü nüxü̃ pixu nax aixcüma namexẽchixü̃ i nümax!

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Wiyaegü 45:12

Pa Pacü i Tírucüã̱x, ngẽma duü̃xü̃gü i curü ĩanewa poraãcü diẽruã̱xü̃chigüxü̃ rü mexẽchixü̃ i ãmare tá cuxna naxãgü nax ngẽmamaxã cuxü̃ íyapuxẽẽgüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Popera ga Yudíugü ga yaxõgüxü̃ca̱x ümatüxü̃ 13:13

Rü ngẽmaca̱x name nax nüxna ixĩgachixü̃ ga yema mugü ga nũxcüma nagu ixĩxü̃ rü ngĩxã Ngechuchuwe tarüxĩ rü naxrüxü̃ ãne tingegü.

Filipenses 4:18

Rü ñu̱xma rü marü choxü̃́ nangẽxma i guxü̃ma i ta̱xacü i chanaxwa̱xexü̃, rü aixcüma ngẽmaarü yexera choxü̃́ nangẽxma. Rü ñu̱xma nax Epaporudítu núma nangexü̃ i perü ãmare, rü taxuxü̃ma choxü̃́ nataxu. Rü ngẽma perü ãmare i cha̱u̱xca̱x núma pemuxü̃, rü Tupanape̱xewa rü ñoma wüxi i pumara i yixĩxü̃rüxü̃ nixĩ, rü nüma rü poraãcü namaxã nataãxẽ.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

Romanos 15:16

Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.

Wiyaegü 111:9

Rü nüma rü ínananguxü̃xẽxẽ ga norü duü̃xü̃gü naxme̱xwa ga norü uanügü. Rü yema norü uneta rü namaxã nüxü̃ nixu nax tagutáma iyanaxoxü̃. Erü nüma ya Tupana rü naxüüne rü naxãũcümaxü̃chi.

Wiyaegü 29:2

¡Rü nüxü̃ picua̱xüü̃gü i ngẽma naéga i üünexü̃! ¡Rü yima napata ya mexẽchínewa rü penatachigaxẽxẽ!

Echequié 46:3

Rü ngü̃xchigaarü ngunexü̃gu rü ngẽxguma nango̱xgu ya ngexwacaxü̃cü ya tauemacü rü nüma i duü̃xü̃gü rü ngẽmatama ĩã̱xpe̱xewa tá choxü̃ nicua̱xüü̃gü.