Wiyaegü 92:6 - Tupanaarü Ore

⁶ Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.

Wiyaegü 92:6 Referans Kwoze

Wiyaegü 73:22

Yerü wüxi ga ngeãẽmarexü̃ chixĩ ga yexguma rü tama chauãẽxü̃ chacua̱x. Rü cupe̱xewa, Pa Tupanax, rü ñoma wüxi ga naeü̃rüü̃mare chixĩ.

Wiyaegü 94:8

Pa Duü̃xü̃gü i Ngeãxẽmaregüxü̃ rü Tama Peãxẽxü̃ Icuáxe ¿rü ñuxguxüratáta i peãẽxü̃ pecuáxü̃?

Ucu̱xẽgüchiga 1:22

Rü ngẽma cua̱x rü ñanagürü: —Pa Ngextü̱xücügü i Ngearü Cua̱xã́xü̃ rü Dauxcüraxü̃wa̱xegüxü̃ rü Naechitamare Maxẽxü̃x, rü ¿ñuxguratáta nüxü̃ perüxoexü̃ i pecüma i chixexü̃? Erü pema rü namaxã petaãxẽ i ngẽma chixexü̃ i nagu pemaxẽxü̃, rü nüxü̃ pexoe i ngẽma cua̱x i aixcüma mexü̃.

Wiyaegü 49:10

Nüxü̃ tadau nax guxü̃ma i duü̃xü̃gü yuexü̃ woo i ngẽma nüxü̃ cua̱xüchigüxü̃ rü nayue, rü woo i ngẽma naechitamare maxẽxü̃ rü nayue. Guxü̃ma nayue rü ngẽma norü ngẽmaxü̃gü rü togüca̱x ngéma nawogü.

1 Corintios 2:14

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.

Yeremía 10:14

Rü guxü̃ma i duü̃xü̃gü rü taxuxü̃ma nacua̱x rü naechitamare namaxẽ. Rü ngẽma naxchicüna̱xãgü rü tama tüxü̃ narüngü̃xẽxẽ ya yíxema naxügüxe. Rü ngẽma naxchicüna̱xãgü rü womüxẽẽruü̃mare nixĩgü, erü ningearü maxü̃ã̱x.

Ucu̱xẽgüchiga 24:7

Ngẽma naechitamare maxü̃xü̃ rü tama nüxü̃ nacua̱x nax nügü ínapoxü̃xü̃ nape̱xewa i ngẽma ãẽ̱xgacü i nüxna ca̱xaxü̃, erü cua̱x nüxü̃́ nataxu. -23-

Ore i mexü̃ ga Luca ümatüxü̃ 12:20

Natürü Tupana rü ñanagürü nüxü̃: “Pa Yatüx, cungeãẽmare i cumax erü ñoma i chütaxü̃gu tátama cuyu. Rü ngẽma curü ngẽmaxü̃gü i namaxã cunguxü̃xü̃, rü ¿texéarü tá nixĩ i ngẽxguma?” ñanagürü ga Tupana.

Ichaía 1:3

Rü ngẽma woca rü norü yoraxü̃ nacua̱x, rü ngẽma búru rü nüxü̃ nacua̱x i norü chibüchica i norü yora naxca̱x üxü̃, natürü ngẽma chorü duü̃xü̃gü i Iraétanüxü̃ rü tama choxü̃ nacua̱xgü rü tama naãẽxü̃ nicua̱x —ñanagürü ya Tupana.

Ucu̱xẽgüchiga 30:2

Norü orewa rü ñanagürü: —Pemaxã nüxü̃ chixu rü choma rü guxü̃ i duü̃xü̃güarü yexera taxuxü̃ma cuáxe chixĩ i Tupanachiga. Rü choma nax duü̃xü̃mare chixĩxü̃ rü chowa nataxuma i ngẽma cua̱x.

Wiyaegü 32:9

Rü tama name nax ñoma cowarurüxü̃ rüe̱xna ñoma mularüxü̃ quixĩxü̃ nax tama cuãẽxü̃ cucuáxü̃, rü ñu̱xmata ütü̱xünaguca̱x cuwáxü̃ nax mea namagu quixũxü̃ca̱x —ñacugürü choxü̃.

Wiyaegü 14:1

Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.

Wiyaegü 75:4

Rü choma ya Tupana rü ñachagürü nüxü̃ i ngẽma nügü icua̱xüü̃güxü̃ rü ngẽma chixexü̃ ügüxü̃: —¡Taxṹ i pegü íperütagüxü̃ rü pegü picua̱xüü̃güxü̃!

Wiyaegü 104:24

Rü namuxũchi i ngẽma cuxüxü̃, Pa Corix. Rü guxü̃ma i ngẽma cuxüxü̃ rü namexẽchi erü cumatama curü cua̱xmaxã cunaxü. Rü guxü̃ma i ngẽma cuxüxü̃ rü namaxã nanapá i ñoma i naane.

Wiyaegü 139:14

Rü ngẽmaca̱x cuxü̃ chicua̱xüxü̃ naxca̱x nax ñuxãcü choxü̃ cuxüxü̃, erü curü ü rü namexẽchi. Rü ngẽma rü meama nüxü̃ chacua̱x.

Ichaía 28:29

Rü guxü̃ma i ngẽma cua̱x rü Cori ya Tupana ya Guxü̃étüwa Ngẽxmacüwa nixĩ i ne naxũxü̃. Nüma ya Cori ya Tupana rü mexü̃ i ĩnügü nüxü̃́ nangẽxma, rü norü cua̱xmaxã nayanguxẽxẽ i ngẽma nagu naxĩnüxü̃.

Ichaía 55:9

Rü ngẽxgumarüxü̃ i daxũguxü̃ i naane rü ñoma i naaneétüwa nax nangẽxmaxü̃, rü ngẽxgumarüxü̃ ta nixĩ i ngẽma chorü ĩnü rü perü ĩnüétüwa nangẽxma rü ngẽma chaxüxü̃ rü ngẽma pexüxü̃étüwa nangẽxma.

Yeremía 32:19

Rü ngẽma nagu curüxĩnüxü̃ rü nataxüchi, rü ngẽma cuxüxü̃ rü namexẽchi. Rü cuma nüxü̃ cudau i guxü̃ma i ngẽma naxügüxü̃ i duü̃xü̃gü. Rü cuma rü wüxichigüna cunaxã i ngẽma nüxna üxü̃. Rü mexü̃maxã nüxü̃́ cunaxütanü i ngẽma mexü̃ ügüxü̃. Rü cunapoxcu i ngẽma chixexü̃ ügüxü̃.