Wiyaegü 92:5 - Tupanaarü Ore

⁵ Pa Corix, namexẽchi i ngẽma cuxüxü̃. Rü curü ĩnü rü taxumaama nawüxigu.

Wiyaegü 92:5 Referans Kwoze

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Wiyaegü 139:17

Pa Tupanax, ngẽma nagu curüxĩnüxü̃ rü chorü cua̱x rü tama nawa nangu. Erü ngẽma curü ĩnügü rü taguma inayagu̱x.

1 Corintios 2:10

Rü ngẽma nixĩ ya Tupana i Naãxẽ ya Üünexü̃arü ngü̃xẽẽmaxã tüxü̃ nüxü̃ cua̱xẽẽxü̃. Rü ngẽma Naãxẽ ya Üünexü̃ rü guxü̃xü̃ma nacua̱x, rü aixrüxü̃ i ngẽma Tupanaxicatama nüxü̃ cuáxü̃ rü nüxü̃ nacua̱x.

Wiyaegü 111:2

Rü guxü̃ma i ngẽma Cori ya Tupana üxü̃ rü nataxüchi. Rü yíxema aixcüma namaxã taãẽxe i ngẽma Tupana üxü̃ rü nawa tangu̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Ichaía 28:29

Rü guxü̃ma i ngẽma cua̱x rü Cori ya Tupana ya Guxü̃étüwa Ngẽxmacüwa nixĩ i ne naxũxü̃. Nüma ya Cori ya Tupana rü mexü̃ i ĩnügü nüxü̃́ nangẽxma, rü norü cua̱xmaxã nayanguxẽxẽ i ngẽma nagu naxĩnüxü̃.

Wiyaegü 104:24

Rü namuxũchi i ngẽma cuxüxü̃, Pa Corix. Rü guxü̃ma i ngẽma cuxüxü̃ rü namexẽchi erü cumatama curü cua̱xmaxã cunaxü. Rü guxü̃ma i ngẽma cuxüxü̃ rü namaxã nanapá i ñoma i naane.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Yeremía 23:20

Rü ngẽma norü nu ya Cori ya Tupana rü taxũtáma ínayachaxãchi ñu̱xmata yanguxẽẽã i ngẽma nagu naxĩnüxü̃. Rü tá ínangugü i ngunexü̃gü i nagu tá aixcüma nagu perüxĩnüexü̃ i ngẽma pexü̃ ngupetüxü̃, rü tá aixcüma nüxü̃ pecua̱x nax ta̱xacüchiga yixĩxü̃ i ngẽma pexü̃ ngupetüxü̃.

Ngu̱xẽẽtaeruü̃arü ore 7:24

Rü tama nüxü̃ chacua̱xéga i guxü̃ma i ngẽma ñu̱xma ngẽxmaxü̃. Rü naguxchaxüchi, rü taxúema nüxü̃ tacua̱x nax ñuxãcü nangóexü̃.

Wiyaegü 36:6

Rü ngẽma nax mea guxü̃maxã icucuáxü̃ rü guxü̃guma name, ñoma ma̱xpǘnegü ya taxü̃negürüxü̃. Rü ngẽma curü mugü rü guxü̃guca̱x nixĩ ñoma már i taxü̃rüxü̃. Rü cumax, Pa Cori Pa Tupanax, rü mea nüxna cudau i duü̃xü̃gü rü naeü̃gü.

Wiyaegü 64:6

Rü nagu narüxĩnüe nax chixexü̃ naxügüxü̃, rü ñanagürügü: —Meama nagu tarüxĩnüe nax ñuxãcü tá tanaxü i ngẽma taxüxchaü̃xü̃ —ñanagürügü. Rü ngẽma nagü naxĩnüexü̃ i ngéma duü̃xü̃gü rü taxuwama name.