Wiyaegü 92:3 - Tupanaarü Ore

³ ¡Ngĩxã Tupanaca̱x tawiyaegü ãcúnüxü̃ i paxetaruü̃maxã tüxü̃ napaxpe̱xegüãcüma!

Wiyaegü 92:3 Referans Kwoze

Wiyaegü 33:2

¡Rü moxẽ nüxna pexãgü ya Cori ya Tupana! ¡Rü árpaxacümaxã rü árpa i 10 cunaxü̃maxã naxca̱x pewiyaegü rü nüxü̃ picua̱xüü̃gü!

Wiyaegü 68:25

Rü ngẽma wiyaegüxü̃ rü nape̱xegu naxãgü, rü ngẽma paxetagüxü̃ rü wixweama naxãgü, rü ngẽma paxü̃gü i paü̃déru pagüxü̃ rü ngãxü̃tanügu naxãgü.

Neemía 12:27

Rü yexguma nawa nanguxgu ga yema ngunexü̃ ga Yerucharéü̃arü poxeguxü̃ nagu yaxãxü̃chigüxü̃, rü guxü̃nema ga guma ĩanegü ga Lebítanüxü̃ nawa maxẽnegu Lebítanüxü̃ca̱x nayadaugü. Rü ñu̱xũchi Yerucharéü̃wa nanagagü nax yemaacü taãẽãcü Tupanaxü̃ yacua̱xüü̃güxü̃ca̱x wiyaegümaxã rü norü platíyugümaxã rü árpagümaxã rü árpaxacügümaxã nax naxüchigagüãxü̃ca̱x ga yema Yerucharéü̃arü poxeguruü̃arü ãxü̃chichiga.

Norü taxre ga to ga popera ga ãẽ̱xgacügüchiga ümatüxü̃ 23:5

Rü ngẽma totücumü rü ãẽ̱xgacüpatawa tá nadauxü̃taegü. Rü ngẽma totücumü rü tá nadauxü̃taegü i ngẽma Tupanapata ya taxü̃nea̱xtüarü ĩã̱x i Chimiẽ́tugu ãégaxü̃wa. Rü yoxni i guxü̃ma i duü̃xü̃gü rü tá Tupanapata ya taxü̃nea̱xtügügu nangutaque̱xegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:8

Rü nüma ga Dabí rü guxü̃ma ga Iraétanüxü̃maxã Cori ya Tupanape̱xegu naxĩ. Rü guxü̃ma i norü taãẽmaxã nawiyaegü, rü íniyüxü. Rü paxetaruü̃gü ga árpagümaxã rü árpa i íxraxü̃gümaxã rü paü̃derugümaxã rü platíyugümaxã rü cornétagümaxã nipaxetatanü.

Wiyaegü 9:16

Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.

1 Chamué 10:5

Rü ngẽmawena rü tá Guibeá ya Tupanaarü Ma̱xpǘnegu ãéganewa cungu i Firitéugüarü dauxü̃taechica íngẽxmaxü̃wa. Rü ngẽxguma yima ĩanegu cuxücuxgux, rü ngẽxma tá nüxü̃ cungau i ñuxre i Tupanaarü orearü uruü̃gü i Tupanaãxẽ ya Üünecü namaxã icuáxü̃ i Tupanaarü cua̱xüü̃wa ne ĩxü̃. Rü ngẽmape̱xegu tá naxĩ i duü̃xü̃gü i paxetatanüxü̃ i norü árpamaxã, rü árpaxacümaxã, rü paü̃derumaxã rü wowerumaxã.

Wiyaegü 149:3

Rü pemax, Pa Iraétanüxü̃x ¡rü Tupanaégagu ípiyüxe rü ngẽmaãcü nüxü̃ picua̱xüxü̃gü! ¡Rü perü árpagümaxã rü perü paü̃derugümaxã pepaxetagüãcüma naxca̱x pewiyaegü!

Wiyaegü 57:8

Rü pa̱xmama tá ícharüda naxca̱x i chorü paxetaruü̃gü i árpa rü árpaxacü. Rü ngẽmaãcü tá íchanabaixgü i ngẽma ngexwacaxü̃xü̃ i ngunexü̃.

Norü taxre ga to ga popera ga ãẽ̱xgacügüchiga ümatüxü̃ 29:25

Rü nüma ga Echequía rü guma Tupanapata ga taxü̃negu nanamugü ga Lebítanüxü̃ ga platíyugümaxã rü árpagümaxã rü árpaxacügümaxã paxetagüxü̃. Rü yemaacü nixĩ ga Dabímaxã rü Tupanaarü orearü uruü̃gü ga Gáxmaxã rü Natáü̃maxã nüxü̃ yaxuxü̃ ga Cori ya Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:6

Rü nanatü ga Emáü̃ nixĩ ga namaxã icuáxü̃ ga yema nanegü ga yexguma platíyugümaxã rü árpaxacügümaxã rü árpagü ga taxü̃maxã napaxetagüãcüma Tupanapata ga taxü̃newa nawiyaegügu. Rü nüma ga Achá rü Yedutúü̃ rü Emáü̃ rü ãẽ̱xgacü ga Dabíarü muwa nayexmagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:16

Rü ñu̱xũchi nüma ga Dabí rü yema Lebítanüxü̃maxã icua̱xgüxü̃xü̃ namu nax nüxü̃ naxunetagüxü̃ca̱x ga wiyaetanüxü̃ rü paxetatanüxü̃ nax taãẽãcüma norü ngúchaü̃maxã napaxgüãxü̃ca̱x ga paxetaruü̃gü ga árpagü ga ixíraxü̃, rü árpagü ga ítáxü̃, rü platíyugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:30

Rü nümagü ga Lebítanüxü̃ rü nanaxwa̱xe nax guxü̃ma ga pa̱xmama rü yáuanecü Tupanapata ga taxü̃newa nayexmagüxü̃ nax Cori ya Tupanana moxẽ naxãgüxü̃ca̱x rü nüxü̃ yacua̱xüü̃güxü̃ca̱x,

Norü taxre ga to ga popera ga ãẽ̱xgacügüchiga ümatüxü̃ 20:28

Rü yexguma Yerucharéü̃wa nangugügu rü Tupanapata ga taxü̃newa naxĩ, rü árpagü rü árpaxacügü rü cornétagümaxã nipaxetatanü.

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.