Wiyaegü 92:12 - Tupanaarü Ore

¹² Rü ngẽma mea maxẽxü̃ i duü̃xü̃gü rü ñoma tema ya baxcacürüxü̃ tá nixĩgü. Rü tá nimexẽchi yima ocayiwa ya Líbanuwa ngẽxmagünerüxü̃.

Wiyaegü 92:12 Referans Kwoze

Wiyaegü 1:3

Rü yíxema duü̃xẽ rü ñoma wüxi i nanetü i natücutü toxü̃ i guxü̃guma oxü̃ rü taguma rüñẽ̱xátüxü̃rüxü̃ tixĩ. Rü guxü̃ma i ta̱xacü i taxüxü̃wa rü mea tüxü̃́ ínanguxuchi.

Yeremía 17:8

Rü yíxema duü̃xẽ ya choxna rüyoexe rü ñoma wüxi i nanetü i natücutüwa rüxüxü̃ rü dexáwa nadagüchúmaxãxü̃rüxü̃ tixĩ. Rü ngẽma nanetü rü tagutáma nagüátü i ngẽxguma yapaanegu. Rü natanü rü guxü̃gutáma nabaca rü guxü̃gutáma naxoecha.

Wiyaegü 104:16

Rü ngẽma naigü rü ngẽma dexáwa naxaxegü. Rü woo ya yima ocayiwagü ya taxü̃ne ya Cori ya Tupana Líbanuanegu togüne rü ngẽma dexáwa naxaxegü.

Wiyaegü 52:8

Natürü i choma rü ñoma wüxi i oribu i baxcaxü̃ i Tupanapataa̱xtügu toxü̃rüxü̃ chixĩ. Rü ngẽmaca̱x guxü̃gutáma norü ngechaü̃gu chayaxõ.

Iraétanüxü̃arü muxchiga 24:6

Rü pepatagü rü ñoma cucugü i máxchimüxü̃xü̃rüxü̃ nixĩgü. Rü ngẽma ípepegüxü̃wa rü ñoma ori̱xnecü i natüpechinügu togüxü̃rüxü̃ nixĩgü. Rü pema rü ñoma naigü i mexẽchixü̃ i Tupanatama itogüxü̃rüxü̃ pixĩgü, rü ñoma ocayiwagü i natüpechinüwa rüxügüxü̃rüxü̃ pixĩgü.

Amúx 2:9

Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.

Ichaía 65:22

Rü taxũtáma texé taxüpata nax togue nawa maxü̃xü̃ca̱x. Rü taxũtáma texé tatoxe nax togue nangṍxü̃ca̱x. Rü ngẽma chorü duü̃xü̃gü rü tá mucü ya taunecü namaxẽ ñoma wüxi i nairüxü̃. Rü tá nanangõ̱xgü i ngẽma nümatama naxca̱x napuracüexü̃.

Wiyaegü 72:7

Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Nüxíraxü̃xü̃ ga popera ga ãẽ̱xgacügüchiga 6:29

Rü guxü̃ma ga norü aixepetapü̱xwa rü düxétütapü̱xwa ga Tupanapata ga taxü̃ne rü nanaxüxüchigü ga orearü ngeruxü̃ i dauxü̃cüã̱xgüchicüna̱xãgü, rü palmerachicüna̱xãgü, rü putürachicüna̱xãgü. Rü yemaacü nananga̱xãẽtapü̱xgü.

Wiyaegü 92:7

Rü ngẽma duü̃xü̃gü i chixexü̃gu rüxĩnüexü̃ rü chixexü̃ ügüxü̃ rü nimu ñoma maxẽ i baxcaxü̃rüxü̃, natürü yixcüra rü tá narüxoxochi.

Nüxíraxü̃xü̃ ga popera ga ãẽ̱xgacügüchiga 4:33

Rü naigüchiga nidexa rü nanetüchiga. Rü guma ocayiwa ga taxü̃ne ga Líbanuarü naixnecüwa yexmanechiga nidexa rü ñu̱xmata yema natüane ga íxraxü̃ ga ĩxtapü̱xwa rüxügüxü̃chiga nidexa. Rü ñu̱xũchi nachiga nidexa ga naeü̃gü, rü werigü, rü naeü̃gü i naxtanecamaxã itúgüxü̃ rü choxnigü.

Wiyaegü 148:9

Rü pemax ya ma̱xpǘnegü, rü máxpü̱xanegü, rü guxü̃ma i naigü i taxü̃ne, rü nanetügü, rü naxü̃nagü, rü naeü̃gü, rü werigü, rü guxü̃ma i ta̱xacü i naxtanecamaxã ixĩxü̃, rü name nixĩ i nüxü̃ picua̱xüü̃gü.

Ester 9:5

Rü nüma ga Yudíugü rü taramaxã norü uanügüxü̃ nadai, ñu̱xmata nayue ga guxü̃ma ga norü uanügü. Rü nüma nanaxwa̱xegüxü̃ norü uanügümaxã naxügü.

Wiyaegü 37:34

Rü cumax, Pa Duü̃xü̃x ¡Cori ya Tupanaaxü̃́ yaxõ rü naga naxĩnü! Rü nüma rü tá cuxü̃ nicua̱xüxü̃ rü tá cuxna nanaxã i ñaa nachixü̃ane nax cuxrü yixĩxü̃ca̱x. Rü cuxetümaxã tá nüxü̃ cudau nax ñuxãcü yanaxoxü̃ i ngẽma chixexü̃ ügüxü̃.

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.