Wiyaegü 90:3 - Tupanaarü Ore

³ Rü cuma rü cuxü̃́ natauxcha nax wena waixü̃müxü̃ cuyaxĩxẽxẽ ya duü̃xü̃ i ngẽxguma tomaxã cunaxuegu̱xgu nax tayuexü̃ rü ñacuxgu: —¡Pa Duü̃xü̃güx, wena waixü̃müxü̃ pixĩgü! —ñacuxgu.

Wiyaegü 90:3 Referans Kwoze

Naanearü ügüchiga 3:19

Rü poraãcü tá cupuracü rü cuxaiya nax cuxü̃́ nangẽxmaxü̃ca̱x i cuwemü ñu̱xmatáta cuyu̱x rü ngẽmaãcü wena tá waixü̃müca̱x cutaegu, yerü yemawa cuxü̃ chaxü ga noxrix, rü waixü̃mü quixĩ rü wena táxarü ngẽmaxü̃ quixĩ —ñanagürü ga Tupana.

Ngu̱xẽẽtaeruü̃arü ore 12:7

Rü nawena nax cuyuxü̃ rü cuxune rü tá wenaxarü noxrirüxü̃ waixü̃mü nixĩ. Rü cuãxẽ rü tá Tupanaca̱x nataegu yerü nüma nixĩ ga cuxna naxããxü̃.

Wiyaegü 146:4

Rü ngẽxguma nayuegu i ngẽma duü̃xü̃gü rü wenaxarü waixü̃müxü̃ nixĩgü. Rü ngẽma ngunexü̃gutama inayarüxo i guxü̃ma i ta̱xacü i nagu naxĩnüexü̃.

Wiyaegü 104:29

Natürü ngẽxguma ícunawogügu rü nümagü rü nanaxĩ̱xãchiãẽgü. Rü ngẽxguma nüxna cunayaxu̱xgu ya buanecü rü nayue rü wenaxarü waixü̃müxü̃ nixĩgü.

Yox 12:10

Rü naxme̱xwa nixĩ i nangẽxmaxü̃ i guxü̃ma i ta̱xacü i maxẽxü̃arü maxü̃.

Iraétanüxü̃arü muxchiga 14:35

Rü choma i Cori, rü pemaxã chanaxuegu rü ngẽmaãcü tá namaxã chanaxü i ngẽma duü̃xü̃gü i wüxigu nügümaxã tama chauga ĩnüexü̃. Rü nuxã ñaa chianexü̃gu rü tá nayagu i norü maxü̃ i wüxichigü rü ngẽxma tá nixĩ i nayuexü̃ —ñanagürü.