Wiyaegü 9:7 - Tupanaarü Ore

⁷ Natürü nüma ya Cori ya Tupana rü guxü̃gutáma ãẽ̱xgacü nixĩ. Rü nüma rü norü tochicaxü̃wa mea nanangugü i wüxichigü i duü̃xü̃güarü maxü̃.

Wiyaegü 9:7 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Norü taxre ga popera ga Pedru ümatüxü̃ 3:8

Rü ñu̱xmax, Pa Chauenexẽgü ya Pexü̃ Changechaü̃güxex, tama chanaxwa̱xe i nüxü̃ ipeyarüngümae nax wüxitama i ngunexü̃ rü tórü Corica̱x rü 1,000 ya taunecürüxü̃ yixĩxü̃. Rü ngẽxgumarüxü̃ ta, 1,000 ya taunecü rü tórü Corica̱x rü wüxitama i ngunexü̃rüxü̃ yixĩxü̃.

Popera ga Yudíugü ga yaxõgüxü̃ca̱x ümatüxü̃ 13:8

Rü nüma ya Ngechuchu ya Cristu rü ĩnex rü ñu̱xmax rü guxü̃guma nanaxaixrüguma rü taguma naxüchicüxü.

Wiyaegü 103:19

Rü nüma ya Cori ya Tupana rü daxũguxü̃ i naanewa nanangẽxmaxẽxẽ i norü tochicaxü̃ rü ngéma namaxã inacua̱x i guxü̃ma.

Wiyaegü 102:12

Natürü i cumax, Pa Corix, rü guxü̃guma ãẽ̱xgacü quixĩ. Rü ngẽma cuéga rü guxü̃gutáma nüxna nacua̱xãchie.

Wiyaegü 89:14

Rü ngẽxguma curü tochicaxü̃wa curütoxgux nax cunangugüxü̃ca̱x i wüxichigü i duü̃xü̃arü maxü̃, rü guxü̃ma wüxiguraxü̃ãcüma cunangugü rü aixcüma nawe̱xgu i ngẽma namaxã cuxueguxü̃ i wüxichigü. Rü cuma rü aixcüma ngechaü̃wa̱xecü rü ixaixcümacü quixĩ.

Wiyaegü 90:2

Rü nũxcümaxü̃chima naxü̃pa nax cunaxüxü̃ ga ñoma ga naane rü norü ma̱xpǘnegü rü woetama marü Tupana quixĩ. Rü cuma rü guxü̃gutáma cungexmaecha.