Wiyaegü 9:6 - Tupanaarü Ore

⁶ Rü ngẽma chorü uanügü rü marü inayarüxo, rü yima norü ĩanegü rü nagu cupogü. Rü ngẽmaãcü i ñu̱xma rü taxúema nüxna tacua̱xãchi.

Wiyaegü 9:6 Referans Kwoze

Miquéa 7:8

Pa Chorü Uanüx ¡taxṹ i cutaãxẽxü̃ nax guxchaxü̃ choxü̃ ngupetüxü̃! Erü woo ichayanguxgu, natürü wena táxarü ícharüdaama. Rü woo ẽanexü̃wa changexmagu i ñu̱xmax, rü nümatama ya Cori ya Tupana rü chorü omü nixĩ.

Ínachoxü̃xü̃chiga 14:13

Rü yexguma ga Moiché rü nanangãxü̃ rü ñanagürü nüxü̃: —¡Taxuca̱xma pemuü̃e! ¡Rü mea iperüchomare rü naxca̱x perüdaunü nax ñuxãcü pexü̃ tá nax ínapoxü̃xü̃ ya Cori ya Tupana! Erü ngẽma Equítuanecüã̱xgü i ñu̱xma nüxü̃ pedauxü̃, rü tagutáma wena nüxü̃ pedaugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:2

Rü yema Tupanaarü orearü ngeruxü̃ rü yema coyaxü̃ niyaxu. Rü yematama coya nixĩ ga yema nũxcümaü̃xü̃ ga ãxtape ga ngo̱xo ga Chataná ixĩxü̃. Rü yema orearü ngeruxü̃ rü 1,000 ga taunecügüca̱x cadénamaxã nayana̱i̱x.

1 Corintios 15:26

Rü ngẽma nawa iyacuáxü̃ i norü uanü i tá nüxü̃ naporamaexü̃, rü yu nixĩ.

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.

Yeremía 51:25

Pa Babiróniax, choma rü cumaxã charüxuanü i cumax nax poraãcü chixexü̃ cuxüxü̃ nawa i guxü̃ma i nachixü̃anegü. Rü choma ya Cori ya Tupana nixĩ i ngẽma ñachaxü̃. Rü ñu̱xma rü tá aixcüma cuxü̃ chapoxcu. Rü woo ñoma wüxi i ma̱xpǘnerüxü̃ nax quixĩxü̃, rü choma rü tá ngéma cuxü̃ charüdixẽxẽ. Rü ñoma wüxi i ma̱xpǘne ya ixaxü̃nerüxü̃ tá cuxü̃ chixĩxẽxẽ.

Ichaía 37:26

¿Natürü tama e̱xna nüxü̃ cucua̱x, Pa Chenáquerix, nax choma yixĩxü̃ ga cuxna chanaxãxü̃ ga pora nax cunaxüxü̃ca̱x ga guxü̃ma ga yema? Rü nũxcümacürüwatama rü marü nagu charüxĩnü i ngẽma ñu̱xma chaxüxü̃. Rü yemaca̱x nixĩ ga cuyanaxoxẽẽgüxü̃ ga guma ĩanegü ga ípoxegugüne rü natüchigüxicatama cuyaxĩxgüxẽẽxü̃.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Wiyaegü 34:16

Natürü nüxü̃ naxo i ngẽma chixexü̃ ügüxü̃ rü inayanaxoxẽxẽ i ñoma i naanewa nax taxúema nüxna cua̱xãchixü̃ca̱x.

Wiyaegü 8:2

Rü ngẽma buxü̃gü rü woo ngẽma õxchanagü rü nüxü̃ curüngü̃xẽxẽ nax cuxü̃ yacua̱xüü̃güxü̃ca̱x nax ngẽmaãcü i curü uanügü rü yanangea̱xgüxü̃ca̱x rü cupe̱xewa naxãneexü̃ca̱x.

Wiyaegü 7:5

Natürü ngẽxguma chi chixexü̃ namaxã chaxü̱xgux, rü marü name nax chorü uanügü chowe yangẽxü̃tanüxü̃ rü waixü̃müanegu choxü̃ yatúgüxü̃ rü ngẽmaãcü choxü̃ naxãnexẽẽgüxü̃.

Norü taxre ga popera ga ãẽ̱xgacügüchiga 19:25

¿Natürü tama ẽ̱xna nüxü̃ cucua̱x, Pa Chenáquerix, nax choma ya Cori ya Tupana yixĩxü̃ i cuxna chanaxãxü̃ i pora nax cunaxüxü̃ca̱x i guxü̃ma i ngẽma? Rü nũxcümacürüwatama rü marü nagu charüxĩnü i ngẽma ñu̱xma chaxüxü̃. Rü ngẽmaca̱x nixĩ i cuyanaxoxẽẽgüxü̃ ya yima ĩanegü ya ípoxegugüne rü natüchigüxicatama cuyaxĩxgüxẽẽxü̃.

1 Chamué 31:7

Rü yexguma yema Iraétanüxü̃ ga natü ga Yudáü̃arü éstewaama maxẽxü̃ ga doxonexü̃arü tocutügu ãpatagüxü̃ nüxü̃ daugügu ga nax yabuxmüxü̃ ga Iraétanüxü̃arü churaragü, rü Chaú rü ñu̱xũchi nanegü rü nax nayuexü̃, rü norü ĩanegüna nibuxmü rü naxĩgü. Rü yexguma ga nüma ga Firitéugü rü yéma nangugü, rü yexma naxãchiü̃gü nagu ga guma ĩanegü.

1 Chamué 30:1

Rü norü tomaepü̱x ga ngunexü̃gu rü nüma ga Dabí rü ñu̱xũchi yema norü churaragü rü ĩane ga Chicáxca̱x nawoegu. Natürü yexguma yéma nangugügu rü nüxü̃ nayangaugü nax marü Négueanegu nachocuxü̃ ga Amaréxtanüxü̃ rü naxca̱x íyaxüãchixü̃ rü yagugüãxü̃ ga guma ĩane ga Chicáx.

Ínachoxü̃xü̃chiga 15:16

Pa Cori Pa Tupanax, ¡ínaba̱i̱xgüe rü muü̃ nawa nanguxẽxẽ! ¡Rü curü poramaxã ñoma nutagürüxü̃ yaxĩgüxẽxẽ ñu̱xmatáta nachopetü i ngẽma Iraétanüxü̃ i curü duü̃xü̃güxü̃ cudexü̃!

Yox 18:17

Rü nachiga rü tá inayarüxo i ñoma i naanewa, rü tagutáma ñuxgu texé nüxna tacua̱xãchi i naéga.

Wiyaegü 34:17

Rü yíxema ixaixcümagüxe rü Cori ya Tupanaarü ngü̃xẽẽca̱x ítacagü, rü nüma rü nüxü̃ naxĩnü i tümaarü yumüxẽ rü guxü̃ma i tümaarü oegaãẽgüwa tüxü̃ ínanguxü̃xẽxẽ.

Ichaía 26:14

Rü ngẽma togü i nachixü̃anegüarü ãẽ̱xgacügü rü marü nayue, rü taxũtáma wena namaxẽ. Rü ñoma naxchipetagürüü̃mare nixĩ rü taxũtáma wena ínarüdagü. Rü cuma rü marü cunapoxcue rü ñu̱xũchi cunadai. Rü ñu̱xma rü taxúema nüxna tacua̱xãchigü.