Wiyaegü 9:2 - Tupanaarü Ore

² Pa Cori ya Tupana ya Guxãétüwa Ngẽxmacüx, rü chorü taãẽmaxã tá poraãcü cuxü̃ chicua̱xüxü̃. Rü chorü wiyaemaxã tá cuxü̃ chatachigaxẽxẽ.

Wiyaegü 9:2 Referans Kwoze

Wiyaegü 83:18

Rü ngẽmaãcü tá nüxü̃ nacua̱xgü nax cuxicatama yixĩxü̃ i Cori ya Tupana quixĩxü̃, rü cuxicatama yixĩxü̃ i Guxãétüwa Cungexmaxü̃ i ñoma i naanewa.

Wiyaegü 5:11

Natürü name nixĩ nax tataãẽgüxü̃ ya guxãma ya yíxema ya curü ngü̃xẽẽca̱x daugüxe. Rü guxü̃gutáma taãẽãcüma tawiyaegü, erü cuma nixĩ i tüxü̃ ícupoxü̃xü̃. Rü guxãma ya yíxema cuxü̃ ngechaü̃güxe rü tá cugagu tataãẽgü.

Wiyaegü 7:17

Natürü i chomax rü Cori ya Tupanaxü̃ tá chicua̱xüxü̃ erü nüma rü aixcümacü nixĩ. Rü choma rü chorü wiyaemaxã tá nüxü̃ chicua̱xüxü̃ ya yimá Cori ya Tupana ya Guxãétüwa Ngẽxmacü.

Wiyaegü 97:9

Erü cumax, Pa Cori ya Guxãétüwa Ngẽxmaxex, rü namaxã icucua̱x i guxü̃ma i ñaa naane. Rü cuma rü guxü̃ma i ngẽma tupananetagüétüwa cungexma.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Wiyaegü 97:12

Pa Duü̃xü̃gü i Mea Maxẽxü̃x ¡namaxã petaãẽgü ya Cori, rü nüxü̃ picua̱xüü̃gü i naéga i üünexü̃!

Wiyaegü 92:1

Pa Corix ya Guxãétüwa Ngẽxmacüx, name nixĩ nax moxẽ cuxna taxãgüxü̃ rü torü wiyaemaxã cuxü̃ ticua̱xüü̃güxü̃.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Wiyaegü 92:4

Pa Corix, cuma rü ngẽma cha̱u̱xca̱x cuxüxü̃maxã choxü̃ cutaãẽxẽxẽ. Rü ngẽma mexü̃ i cuxüxü̃ rü taãxẽ choxna naxã.

Wiyaegü 43:4

Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

Wiyaegü 27:6

Rü ngéma rü taxuxü̃táma i chorü uanü choxna nangu. Rü ngẽxguma rü tá choxü̃́ natauxcha nax Cori ya Tupanaca̱x chayaguxü̃ i ãmaregü i napatawa. Rü taãẽãcüma tá naxca̱x chawiyae rü nüxü̃ chicua̱xüxü̃.

Wiyaegü 86:12

Pa Cori Pa Chorü Tupanax, rü guxü̃ma i chorü maxü̃maxã tá cuxü̃ chicua̱xüxü̃. Rü guxü̃gutáma chanataxẽxẽ i cuéga.

Wiyaegü 96:3

¡Rü guxü̃ma i nachixü̃anecüã̱xmaxã nüxü̃ pixuchiga nax nüma rü naxüünexü̃ rü naxüaxü̃ i muxü̃ma i mexü̃gü i norü poramaxã naxüxü̃!

Wiyaegü 138:1

Rü guxü̃ma i chorü maxü̃maxã tá moxẽ cuxna chaxã, Pa Cori Pa Tupanax. Rü ngẽma togü i nachixü̃anegüarü ãẽ̱xgacügü i tama cuxü̃ cua̱xgüxü̃pe̱xewa tá cuxca̱x chawiyae.