Wiyaegü 9:16 - Tupanaarü Ore

¹⁶ Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.

Wiyaegü 9:16 Referans Kwoze

Ínachoxü̃xü̃chiga 7:5

Rü ngẽxguma Equítuanecüã̱xgüxü̃ chanawe̱xgu i chorü pora rü marü íchanagaxü̃gu i Iraétanüxü̃, rü ñu̱xũchi nüma i Equítuanecüã̱xgü rü tá nüxü̃ nicua̱xãchitanü nax aixcüma choma yixĩxü̃ ya Cori ya Tupana —ñanagürü.

Ichaía 8:15

Rü muxẽtama nagu tacuxgü rü tiiyi rü tayue. Rü muxẽtama nagu ítayauxü̃ rü marü taxucürüwatama tibuxmü —ñanagürü.

Ucu̱xẽgüchiga 12:13

Ngẽma duü̃xü̃ i chixexü̃gu maxü̃xü̃ rü norü doragutama nangu, natürü yimá yatü ya mexü̃gu rüxĩnücü, rü ngẽxguma guxchaxü̃ naxca̱x ínguxgu, rü na̱xcha̱xwa nixũgachi.

Ãẽ̱xgacügü ga guxchaxü̃güarü mexẽxẽruü̃gü 1:7

Rü yexguma nüma ga Adonichéde rü ñanagürü: —Tupana rü ñu̱xma chomaxã nanaxü ga yema chaxüxü̃ namaxã ga yema 70 ga ãẽ̱xgacügü ga yexguma íchanadaü̃gu ga guma norü tatareneme̱xẽgü rü guma norü tatarenecutügü. Rü nümagü rü chorü mechatüü̃gu ínawaatanünexü̃ naxca̱x ga yema chorü õnatüchi ga rüyixix —ñanagürü. Rü yemawena rü Adonichédexü̃ Yerucharéü̃wa nagagü. Rü yexma nixĩ ga nayuxü̃.

Ínachoxü̃xü̃chiga 14:4

Natürü i choma rü tá Faraóü̃xü̃ íchanataiãchiarü maxü̃ã̱xẽxẽ rü nüma rü tá pewe nangẽ. Rü ngẽxguma i choma rü Faraóü̃pe̱xewa rü guxü̃ma i norü churaragüpe̱xewa tá ichanawe̱x i chorü pora nax ngẽmaãcü nüxü̃ yacua̱xãchitanüxü̃ca̱x i ngẽma Equítuanecüã̱xgü nax choma rü aixcüma Cori ya Tupana chixĩxü̃ —ñanagürü.

Ucu̱xẽgüchiga 6:2

Rü ngẽxguma ngẽma cuxü̱xgu rü cugütama quitoxyepe̱xe, rü curü oregagutama nagu cungu i ngẽma guxchaxü̃.

Wiyaegü 48:11

Rü cuma, Pa Tupanax, aixcüma mexü̃ tomaxã cuxuegu. Rü ngẽmaca̱x nataãẽgü i Chióü̃cüã̱xgü rü Yudáanearü ĩanegücüã̱xgü.

Wiyaegü 19:14

Rü chanaxwa̱xe i cunayaxu i ñaa chorü ore rü chorü ĩnügü, Pa Cori Pa Tupana ya chorü poxü̃ruxü̃ rü chorü nguxuchixẽẽruxü̃ nax quixĩxü̃.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Wiyaegü 5:1

Pa Corix, Pa Chorü Ãẽ̱xgacüx, Pa Chorü Tupanax ¡choxü̃́ nüxü̃ naxĩnü i ñaa chorü dexa i cumaxã nüxü̃ chixuxü̃! ¡Rü choxü̃́ nayaxu i ñaa chorü yumüxẽ i auxãcüma cumaxã nüxü̃ chixuxü̃! ¡Rü nüxü̃ naxĩnü i ngẽma cuxna naxca̱x chaca̱xaxü̃! Erü cumaxã nixĩ i chidexaxü̃ i chorü yumüxẽwa.

Norü taxre ga popera ga ãẽ̱xgacügüchiga 19:19

Rü ñu̱xmax, Pa Corix, Pa Torü Tupanax, ¡rü ngẽma Achíriaanearü ãẽ̱xgacüme̱xẽwa toxü̃ ínanguxü̃xẽxẽ nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.

1 Chamué 17:46

Rü ñu̱xma ya Cori ya Tupana rü tá cho̱xme̱xgu cunangu̱xẽxẽ nax cuxü̃ chimáxü̃ca̱x. Rü tá cuxü̃ íchadaeeru rü ngẽma curü churaragü i yuexü̃ rü tá ngurucugüna rü ngo̱xogüna chanana. Rü ngẽmaãcü tá guxü̃ i naanewa nüxü̃ nacua̱xgü nax Iraéanewa nangẽxmaxü̃ ya Tupana.

Ínachoxü̃xü̃chiga 14:31

Rü nüma ga Iraétanüxü̃ rü yexguma nüxü̃ nadaugügu ga yema Cori ya Tupana norü poramaxã Equítuanecüã̱xgümaxã naxüxü̃, rü Cori ya Tupanaxü̃ nicua̱xüü̃gü rü aixcüma nüxü̃́ nayaxõgü. Rü yexgumarüxü̃ ta nüxü̃́ nayaxõgü ga guma Moiché ga Tupanaarü duü̃ ixĩcü.

Ínachoxü̃xü̃chiga 14:10

Rü yexguma yema Iraétanüxü̃ rü yáxü̃gu nüxü̃ nadaugügu ga Faraóü̃ rü norü churaragü, rü norü cowarugü ga yéma ne naxĩxü̃, rü poraãcü namuü̃e. Rü Cori ya Tupanana nacagü nax nüxü̃ nangü̃xẽẽxü̃ca̱x.

Ichaía 28:13

Rü ngẽmaca̱x ya Cori ya Tupana rü ñoma buxü̃gü i buexüchixü̃ i ngexwaca̱xtama ugütaexü̃ cua̱xgüxü̃ãcü tá pemaxã nidexa. Rü pema rü ngẽxguma ipexĩxgu rü buxü̃gü i ngexwaca ũxü̃ cua̱xgüxü̃rüxü̃ tá peca̱xwe̱xmaxã ipeyayi rü peyapíe, rü perü uanügü tá pexü̃ ínayaxuxü̃.

Wiyaegü 92:3

¡Ngĩxã Tupanaca̱x tawiyaegü ãcúnüxü̃ i paxetaruü̃maxã tüxü̃ napaxpe̱xegüãcüma!

Yox 18:9

Rü wüxi i bocuparaxü̃ tá nape̱xegu naxügü rü ngẽma naxme̱xtüü̃wa tá nawẽxãchi. Rü tagutáma ngéma ínanguxuchi.

Wiyaegü 7:16

Rü ngẽma chixexü̃ i togueca̱x naxüxü̃ rü ngẽma máeta i nagu naxĩnüxü̃, rü nagu tátama nangu.

Danié 6:25

Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.