Wiyaegü 9:13 - Tupanaarü Ore

¹³ Pa Corix, ¡cuxü̃́ changechaü̃tümüxü̃! ¡Rü dücax, nüxü̃ nadau i ñuxãcü chanaxĩ̱xãchiãẽxü̃ erü choxü̃ nima̱xgüchaü̃ i ngẽma chauxchi aiexü̃! ¡Rü nawa choxü̃ ínanguxuchixẽxẽ i ngẽma yu!

Wiyaegü 9:13 Referans Kwoze

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Wiyaegü 30:3

Rü nawa choxü̃ ícunguxuchixẽxẽ i ngẽma yu rü choxü̃ cumaxẽxẽ. Rü ngẽmaca̱x tama chayu.

Auxexü̃chiga 1:11

Rü guxü̃ma i duü̃xü̃gü i Yerucharéü̃cüã̱x rü naxauxe. Rü nuxica ne nanaxĩ nax õnaca̱x nadaugüxü̃. Rü norü õnaca̱x inanaxãgü i norü ngẽmaxü̃gü nax ngẽmaãcü tama nayuexü̃ca̱x. Rü yima ĩane ya Yerucharéü̃ rü ñanagürü: “¡Dücax, Pa Corix, choxü̃ nadau nax taxü̃ i guxchaxü̃wa changexmaxü̃! ¡Rü chomaxã ixauxãchi nax ngúxü̃ chingexü̃!

Auxexü̃chiga 1:9

Rü daa ĩanecüã̱x rü chixexü̃na nügü naxãgü rü tama nagu narüxĩnüe nax yixcüra ya Tupana rü tá ngẽma norü chixexü̃ca̱x napoxcuexü̃. Rü wüxi i taxü̃ i ngechaü̃ nixĩ nax ñuxãcü poraãcü chixexü̃gu nayixü̃. Rü nataxuma i texé nax nataãẽxẽẽxü̃. Rü ñu̱xma ya daa ĩanecüã̱x rü Tupanaxü̃ ñanagürügü: “Dücax, Pa Corix, nax poraãcü toxü̃ nacugüexü̃ i ngẽma torü uanügü i nügü írütagüxü̃”, ñanagürügü.

Ichaía 38:10

—Choma rü chaugümaxã ñachagürü: “Taxũtáma nawa nanguyane nax yaxguã̱x chixĩxü̃ rü Tupana chomaxã nanaxuegu nax chayuxü̃ rü ngẽmaãcü yuexü̃tanüwa chayanguxẽẽxü̃ca̱x ya yimá naigü ya taunecü ya choxü̃́ íyaxügücü”, ñachagürü.

Wiyaegü 142:6

¡Rü naxca̱x irüxĩnü i chauga nax aita chaxüxü̃! Erü marü nataxuma i chorü pora. ¡Rü nüxna choxü̃ ínanguxuchixẽxẽ i ngẽma chowe ingẽxü̃tanüxü̃! Erü nüma rü choxü̃ narüporamaegü.

Wiyaegü 119:153

¡Rü nüxü̃ nadau nax ñuxãcü chanaxĩ̱xãchiãẽxü̃ rü nawa choxü̃ ínanguxuchixẽxẽ! Erü taguma nüxü̃ icharüngüma i ngẽma curü ucu̱xẽ.

Wiyaegü 119:132

¡Rü choxü̃ nadawenü rü cuxü̃́ changechaü̃tümüxü̃, ngẽma cuxü̃ ngechaü̃güxü̃ca̱x cuxüxü̃rüxü̃!

Wiyaegü 56:13

Erü cuma rü chorü guxchaxü̃wa choxü̃ ícunguxuchixẽxẽ nax tama chayuxü̃ca̱x. Rü choxü̃ ícupoxü̃ nax curü ngóonexü̃wa chamaxü̃xü̃ca̱x.

Wiyaegü 51:1

Pa Tupanax, ¡cuxü̃́ changechaü̃tümüxü̃, erü cuma rü cungechaü̃wa̱xe! ¡Rü curü ngechaü̃gagu choxü̃́ nüxü̃ irüngüma i chorü pecadugü!

Wiyaegü 38:19

Rü ngẽma chorü uanügü rü nimuetanü, rü namuxũchi i ngẽma natüca̱xma chauxchi aiexü̃.

Wiyaegü 25:19

¡Rü dücax i ñuxre i chorü uanügü i chauxchi aiexü̃ rü choxü̃ ima̱xgüchaü̃xü̃!

Wiyaegü 13:3

Pa Cori Pa Chorü Tupanax ¡choxü̃ nadawenü rü choxü̃ nangãxü̃ rü cua̱x choxna naxã! Erü tama chanaxwa̱xe nax nagu changuxü̃ i ngẽma yu.

Neemía 9:32

Rü ngẽmaca̱x, ¡Pa Torü Tupanax! cuma nax tacü, rü poracü, rü ãũcümacü nax quixĩxü̃ rü taguma nüxü̃ icuyarüngüma i ngẽma curü uneta rü curü ngechaü̃ toxca̱x. Rü ñu̱xma rü tama tanaxwa̱xe nax cunangupetüxẽẽmarexü̃ ga guxü̃ma ga yema ngúxü̃gü ga yangegüxü̃ ga torü ãẽ̱xgacügü, rü yema ĩanemaxã icua̱xgüxü̃, rü chacherdótegü, rü orearü uruü̃gü, rü torü o̱xigü, rü guxü̃ma ga curü duü̃xü̃gü. Yerü yexguma Achíriaanearü ãẽ̱xgacügüme̱xẽwa tayexmagügucurüwa ngúxü̃ tingegü ñu̱xmata ñaa i ngunexü̃wa nangu.

Ore i mexü̃ ga Cuáü̃ ümatüxü̃ 2:6

Rü yéma iyexma ga 6 ga tü̃xü̃ ga nutagü ngĩxca̱x. Rü wüxichigü ga yema tü̃xü̃wa rü yexma name ga 50 rüe̱xna 70 litrugü ga dexá. Rü yema tü̃xü̃gü iyixĩ ga yema Yudíugü ngĩxü̃ ixügüãcugücü ga yexguma dexámaxã nügü yaya̱u̱xme̱xgüchaü̃gu nax Tupanaca̱x nügü yamexẽẽgüxü̃ca̱x.

Naanearü ügüchiga 4:9

Rü yexguma ga Cori ya Tupana rü Caíü̃na naca rü ñanagürü: —¿Ngecü nixĩ ya cuenexẽ ya Abé? —ñanagürü. Rü Caíü̃ nanangãxü̃ rü ñanagürü: —Tama nüxü̃ chacua̱x nax ngextá nangẽxmaxü̃. ¿Ẽ̱xna cuma nagu curüxĩnügu rü chauenexẽarü dauruxü̃ chixĩ? —ñanagürü.

Naanearü ügüchiga 4:10

Natürü nüma ga Cori ya Tupana rü ñanagürü nüxü̃: —¿Tü̱xcüü̃ cueneexü̃ quima̱x? Erü yimá nagü ya waixü̃mügu bacü rü ñoma nümatama ya cuenexẽ choxna cagüxü̃rüü̃tama nixĩ i choxna nacagüxü̃ nax cuxü̃ ínaxuaxü̃xü̃ nax cuxü̃ chapoxcuxü̃ca̱x.

Nüxíraxü̃xü̃ ga popera ga ãẽ̱xgacügüchiga 21:19

Rü ñacurügü tá nüxü̃: “Pa Acáx, rü Cori ya Tupana rü ñanagürü cuxü̃: ‘Ñu̱xma nax cuyamáxü̃ ya Nabú rü nüxna nax cuyapuxü̃ i ngẽma noxrütama ixĩxü̃, rü ngẽmaca̱x i ñu̱xma i cumax rü tá ta cugü nadexgü i airugü ngẽmatama nachica ga Nabúgü nawa nadexgüãxü̃wa’ ” —ñanagürü. Rü nüma ga Ería rü yéma Acáxü̃tawa naxũ nax namaxã nüxü̃ yanaxuxü̃ca̱x.

Norü taxre ga popera ga ãẽ̱xgacügüchiga 9:26

Yerü yexguma ga Tupana rü Acáxü̃ ñanagürü: “Ĩnex nüxü̃ chadau nax norü naaneca̱x Nabúxü̃ rü nanegüxü̃ cuda̱i̱xü̃. Rü cumaxã nüxü̃ chixu rü ngẽmatama naanewa tá cunayaxu i curü poxcu. Rü choma ya Cori ya Tupana rü ngẽma ñachagürü”, ñanagürü ga Tupana. Rü ngẽmaca̱x i ñu̱xma, rü nayaxu i Yoráü̃xü̃ne rü Nabúanewa yata̱x. Rü ngẽmaãcü tá ningu i ngẽma Tupana Acáxmaxã ueguxü̃ —ñanagürü ga Yeú.

Norü taxre ga to ga popera ga ãẽ̱xgacügüchiga ümatüxü̃ 24:22

Rü nüma ga ãẽ̱xgacü ga Yoá rü nüxü̃ inarüngüma nax ñuxãcü Chacaría nanatü ga Yoiadá poraãcü nüxü̃ rüngü̃xẽẽxü̃. Natürü woo yemaacü nax nüxü̃ nangü̃xẽẽxü̃, rü nüma ga Yoá rü Yoiadá nane ga Chacaríaxü̃ nima̱x. Rü nüma ga Chacaría rü yexguma nayu̱xgu rü tagaãcü ñanagürü: —¡Nüxü̃ nadau, Pa Cori Pa Tupanax i ñaa naxüexü̃ i duü̃xü̃gü! Rü cuma tá nixĩ i nüxna cucaxü̃ naxca̱x nax choxü̃ yama̱xgüxü̃ —ñanagürü.

Wiyaegü 10:12

¡Inachi Pa Cori Pa Tupanax, rü napoxcu i ngẽma chixexü̃ üxü̃! ¡Rü taxṹ i tüxü̃ curüngü̃maxü̃ ya yíxema naxĩ̱xãchiãẽgüxe!

Wiyaegü 12:6

Rü ngẽma Cori ya Tupanaarü ore rü aixcüma nixĩ. Rü norü unetagü rü ñoma diẽrumü i 7 e̱xpü̱xcüna ornuwa iguxü̃rüxü̃ nixĩ nax nataxuxü̃ma i norü ãũãchixü̃.