Wiyaegü 9:12 - Tupanaarü Ore

¹² Rü nüma ya Tupana rü tümaca̱x nanu ya yíxema togü chixri tümamaxã icua̱xgüxe. Rü tama nüxü̃ inarüngüma i ngẽma tümaarü axu ya yíxema ngúxü̃ ingegüxe.

Wiyaegü 9:12 Referans Kwoze

Ínachoxü̃xü̃chiga 3:7

Natürü nüma ga Cori ya Tupana rü ñanagürüama nüxü̃: —Meaxü̃chima nüxü̃ chadau nax ñuxãcü ngúxü̃ yangegüxü̃ i ngẽma chorü duü̃xü̃gü i Equítuanewa ngẽxmagüxü̃. Rü norü yumüxẽwa nüxü̃ chaxĩnü nax ñuxãcü norü dauruü̃güxü̃ nax ínaxuaxü̃güxü̃. Rü ngẽmaãcü meama nüxü̃ chacua̱x nax ñuxãcü ngúxü̃ yangegüxü̃.

Wiyaegü 34:6

Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6

Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Naanearü ügüchiga 9:5

Rü tá nüxna chaca i ngẽma duü̃xü̃ i wüxíexü̃ imáxü̃ rü tá nayu. Rü ngẽma naexü̃ i duü̃xẽxü̃ imáxü̃ rü norü maxü̃maxã tátama tüxü̃ naxütanü. Rü wüxichigü i duü̃xü̃ rü tá nüxna chaca naxca̱x i namücüarü maxü̃. Rü ngẽxguma texé wüxi ya duẽxẽxü̃ ima̱xgu, rü tá to i duü̃xü̃ tüxü̃ nima̱x erü tüxü̃ tima̱x ya yíxema Tupana nügüraxü̃ãcü tüxü̃ üxe.

Ichaía 26:21

Erü nüma ya Cori ya Tupana rü napatawa tá ínaxũxũ nax ñoma i naanecüã̱x i duü̃xü̃güxü̃ napoxcuexü̃ca̱x nagagu i norü pecadugü i nape̱xewa naxügüxü̃. Rü ñu̱xũchi ñoma i naane rü taxũtáma tüxü̃ nicu̱xgü ya yíxema nagu tüxü̃ nadaixe. Rü tá nango̱x i ngẽma máetagü ga ñoma ga naanewa naxügüxü̃.

Wiyaegü 22:24

Erü nüma ya Cori ya Tupana rü taguma tüxü̃ inarüngüma ya yíxema ngearü diẽruã̱xgüxe ya ngúxü̃ ingegüxe rü taguma tümacha̱xwa inicu̱x. Rü nüma ya Tupana rü tüxü̃ naxĩnü ega nüxna ica̱xgu, rü tüxü̃ narüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

Wiyaegü 10:17

Pa Corix, cuma rü nüxü̃ cuxĩnü i tümaarü yumüxẽ ya yíxema tama tügü icua̱xüxü̃güxe. Rü cuma rü tüxü̃ cutaãẽgüxẽxẽ rü tüxü̃ curüngü̃xẽxẽ.

Wiyaegü 10:14

Pa Corix, cumatama marü nüxü̃ cudau i ngẽma taxü̃ i chixexü̃ i naxügüxü̃, rü name i cunapoxcu naxca̱x i ngẽma ngúxü̃ nax duü̃xẽgüxü̃ yangexẽẽgüxü̃. Rü yíxema turaexe rü curü ngü̃xẽẽca̱x nixĩ i tadaugüxü̃, erü cuma nixĩ i tümaarü poxü̃ruxü̃ quixĩxü̃. Rü cuma nixĩ i tüxü̃ curüngü̃xẽẽxü̃ ya yíxema taxcutagü.

Ínachoxü̃xü̃chiga 3:9

Rü dücax, rü marü nüxü̃ chaxĩnü nax ñuxãcü ngẽma Equítuanecüã̱xgüxü̃ ínaxuaxü̃güxü̃ i ngẽma Iraétanüxü̃, rü nüxü̃ chadau nax ñuxãcü poraãcü chixri namaxã nachopetüxü̃.

Ore i mexü̃ ga Matéu ümatüxü̃ 23:35

Rü ngẽmaca̱x Tupana tá pexü̃ napoxcue naxca̱x i guxü̃ma ga norü duü̃xü̃gü ga imexü̃gü ga perü o̱xigü daixü̃. Rü Abéwa nixĩ ga inaxügüãxü̃ ga nax nadaiaxü̃. Rü Chacaría ga Berequía nane ga Tupanapatape̱xegu ga ãmarearü guruü̃xü̃tagu peyama̱xgücügu nixĩ ga iyacuáxü̃.

Wiyaegü 68:17

Rü nüma ya Tupana rü guxü̃nema ya naweü̃maxã Chinaíarü ma̱xpǘnewa ínaxũxũ nax napata ya Chióü̃wa ngẽxmanewa naxũxü̃ca̱x.

Wiyaegü 74:2

¡Rü nüxna nacua̱xãchi i curü duü̃xü̃gü ga woetama nũxcüma cudexü̃! Rü yemagü nixĩ ga norü uanügüme̱xẽwa ícunguxü̃xẽẽxü̃ nax curü duü̃xü̃gü yixĩgüxü̃ca̱x. ¡Rü nüxna nacua̱xãchi ya yima ma̱xpǘne ya Chióü̃ ga nagu cuxãchixü̃ne!

Wiyaegü 76:3

Rü yéma nixĩ ga nagu nabügüxü̃ ga tórü uanügüarü chuxchigü ga ãũcümane, rü norü poxü̃ruü̃gü, rü norü taragü, rü naxnegü.

Wiyaegü 132:13

Rü nüma ga Cori rü nüxü̃ naxuneta ga yima ma̱xpǘne ga Chióü̃ nax yimagu naxãchiü̃xü̃ca̱x.

Ichaía 8:18

Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.