Wiyaegü 86:8 - Tupanaarü Ore

⁸ Rü nataxuma i to i tupana i cumaxã wüxiguxü̃, Pa Corix. Rü taxúema tanaxü i ngẽma taxü̃ i mexü̃gü i cuma cuxüxü̃.

Wiyaegü 86:8 Referans Kwoze

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Wiyaegü 89:6

Rü nataxuma i ta̱xacü i woo i daxũguxü̃ i naanewa i cumaxã wüxiguxü̃, Pa Cori Pa Tupanax.

Danié 3:29

Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.

Wiyaegü 89:8

Pa Cori Pa Tupana ya Guxãétüwa Ngẽxmacüx, rü guxü̃ma i pora rü guxü̃ma i ore i aixcüma ixĩxü̃ rü cuwa ne naxũ. Rü nataxuma i ta̱xacü i cumaxã wüxiguxü̃.

Yeremía 10:16

Natürü nüma ya yima Acóbuarü Tupana ya naxücü i guxü̃ma i ñu̱xma ngẽxmagüxü̃ rü namaxü̃. Rü ngẽmaãcü tama namaxã nawüxigu i ngẽma naxchicüna̱xãgümare. Rü nüma ya Cori ya Tupana nixĩ i Iraétanüxü̃xü̃ naxunetaxü̃ nax norü duü̃xü̃gü yixĩgüxü̃ca̱x.

Ichaía 40:25

Rü yimá Tupana ya Üünecü rü ínaca rü ñanagürü: —¿Ta̱xacügu tá i choxü̃ penguxü̃ i pemax? ¿Rü texé tixĩ ya chomaxã wüxiguxe? —ñanagürü.

Wenaxarü naxümatü ga Tupanaarü mugü 4:34

¿Rü nangẽxmaxü̃ i ta̱xacürü tupana i guxü̃ i nachixü̃anegütanüwa ínanguxü̃xẽxẽxü̃ i wüxitücumü i duü̃xü̃gü nax norü duü̃xü̃gü yaxĩgüxü̃ca̱x? Natürü nüma ga Cori ya perü Tupana rü Equítuanewa pexü̃ ínagaxü̃ naétüwa ga muxü̃ma ga guxchaxü̃gü. Rü inanawe̱x ga norü pora ga yexguma inawéãgu ga cua̱xruü̃gü rü taxü̃ ga mexü̃gü rü ãũcümaxü̃gü rü daigü ga pepe̱xewa Equítuanewa pexca̱x naxüxü̃.

Ichaía 40:18

¿Rü ta̱xacügu tá penangu ya Tupana? ¿Rü ñuxãcü tá penaxüxchicüna̱xã?

Wiyaegü 136:4

Rü nüxicatama nixĩ i naxüaxü̃ i taxü̃ i mexü̃gü. Erü ngẽma norü ngechaü̃ rü taguma inayagu̱x.

Ínachoxü̃xü̃chiga 8:6

Rü yexguma ga Aróü̃ rü Equítuanewa yexmagüxü̃ ga dexáchiüétügügu namaxã nawe̱xchacüxü ga guma norü naixmena̱xã. Rü guxü̃ma ga Equítuane rü yema cururugü ga dexáwa íchoxü̃xü̃maxã nanapá.

Norü taxre ga to ga popera ga ãẽ̱xgacügüchiga ümatüxü̃ 2:4

Rü dücax, choma rü tá chanaxü ya wüxi ya chorü Cori ya Tupanapata ya taxü̃ne. Rü tá nüxna chanaxã ya yima napata nax nüma nawa nangẽxmaxü̃ca̱x rü ngéma naxca̱x ítanaguxü̃ca̱x i pumarate̱xegü, rü guxü̃guma nape̱xegu tananuxü̃ca̱x i paũ i üünexü̃, rü ngéma naxca̱x ítanaguxü̃ca̱x i torü ãmaregü i guxü̃ i ngunexü̃gu i pa̱xmama rü yáuanecü. Rü ngẽxgumarüxü̃ ta ngéma tá naxca̱x ítanagu i torü ãmaregü i ngẽxguma ngü̃xchigaarü ngunexü̃wa nanguxgu, rü ngẽxguma ngexwacaxü̃cü ya tauemacüarü petachigawa nanguxgu rü ngẽxguma nawa nanguxgu i toamachigü i peta ya Tupana naxwa̱xexü̃ i toma i Iraétanüxü̃ nax tanaxüchigaxü̃.

Wiyaegü 89:7

Erü cuma rü Tupana ya poracü rü ãũcümacü quixĩ. Rü curü orearü ngeruü̃gü i dauxü̃cüã̱x rü cuxü̃ ínachomaeguãchi.

Wiyaegü 95:3

Erü nüma ya Cori ya Tupana rü naporaxüchi rü naétüwa naxü i guxü̃ma i ngẽma tupanagüneta ixĩgüxü̃.

Wiyaegü 135:5

Rü choma rü meama nüxü̃ chacua̱x rü nüma ya Cori ya tórü Tupana rü guxü̃ma i ngẽma duü̃xü̃gü namaxã tupanaã́xü̃étüwa naxü.