Wiyaegü 86:3 - Tupanaarü Ore

³ ¡Pa Cori Pa Tupanax, cuxü̃́ changechaü̃tümüxü̃! Erü guxü̃ma i oragu rü chorü yumüxẽwa rü cuxna chacaecha.

Wiyaegü 86:3 Referans Kwoze

Wiyaegü 57:1

¡Cuxü̃́ changechaü̃tümüxü̃, Pa Chorü Tupanax, cuxü̃́ changechaü̃tümüxü̃! Erü cuxca̱x chiña nax choxü̃ ícupoxü̃xü̃ca̱x. Rü cuxpe̱xatütüü̃gu chaugü chicúxchaü̃ ñu̱xmatáta nangupetü i ngẽma ãũcümaxü̃.

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Wiyaegü 88:9

Rü ngẽma nax poraãcü chaxauxechaxü̃gagu rü düxwa chixoxetü. Rü guxü̃ma i ngunexü̃gu rü cuxca̱x chaxunagüme̱xẽãcüma cuxna chaca, Pa Corix, rü auxãcüma cumaxã nüxü̃ chixu i chorü guxchaxü̃.

Wiyaegü 25:5

¡Rü chomaxã inacua̱x rü choxü̃ nangu̱xẽxẽ i ngẽma curü ore i aixcüma ixĩxü̃! Erü cuma nixĩ i chorü Tupana rü chorü maxẽẽruxü̃ quixĩxü̃. Rü guxü̃ma i oragu rü cuxü̃́ chayaxõ.

Ore i mexü̃ ga Luca ümatüxü̃ 2:37

Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.

Wiyaegü 56:1

Pa Chorü Tupanax ¡cuxü̃́ changechaü̃tümüxü̃! Erü guxü̃guma nangẽxma i uanügü i chowe ingẽxü̃tanüxü̃ rü cha̱u̱xca̱x íyaxüãchixü̃ rü choxü̃ naxĩ̱xãchiãẽgüxẽẽxü̃.

Wiyaegü 55:17

Rü ẽxü̃wa rü tocuchigu rü chütacü rü Tupanaxü̃ chaca̱a̱xü̃, rü nüma rü choxü̃ naxĩnü rü choxü̃ nangãxü̃.

Wiyaegü 4:1

Pa Chorü Poxü̃ruxü̃, Pa Tupanax, ¡choxü̃ nangãxü̃ ega cuxna chacaxgu! Rü ngẽxguma ngúxü̃ chingexgu, rü cuma nixĩ i choxü̃ cutaãẽxẽẽxü̃. Rü cuxü̃́ changechaü̃tümüxü̃ rü ¡choxü̃́ nüxü̃ naxĩnü i chorü yumüxẽ!

Ore i mexü̃ ga Luca ümatüxü̃ 18:7

¿Taux ẽ̱xna ya Tupana rü paxa tüxü̃ ínapoxü̃xü̃ ya yíxema duü̃xẽ ya tüxü̃ nayaxúxe i ngẽxguma chütacü rü ngunecü rü norü ngü̃xẽẽca̱x nüxna tacaxgu i tümaarü yumüxẽwa?

Wiyaegü 41:5

Natürü ngẽma chorü uanügü rü ñanagürügü: —Chierüna paxa nayu̱xgu nax ngẽxma yanaxoxü̃ca̱x i naéga —ñanagürügü.

Wiyaegü 88:2

¡Rü choxü̃́ nüxü̃ naxĩnü i chorü yumüxẽ, rü choxna naxã i ngẽma cuxna naxca̱x chaca̱xaxü̃!

Wiyaegü 88:10

¿Rü ta̱xacüwa i choxü̃́ namexü̃ i ngẽma taxü̃ i mexü̃gü i curü poramaxã cuxüxü̃ ega marü chayu̱xgu? ¿Rü ñuxãcü i wüxi i yuxü̃ rü moxẽ cuxna naxã?