Wiyaegü 85:8 - Tupanaarü Ore

⁸ Rü ñu̱xma rü tá icharüxĩnü i ngẽma nüxü̃ yaxuxü̃ ya Cori ya Tupana erü norü duü̃xü̃gü i naga ĩnüexü̃maxã tá nüxü̃ nixu nax marü namaxã inangüxmüxü̃. Natürü tama nanaxwa̱xe nax wena norü chixexü̃ca̱x nawoeguxü̃.

Wiyaegü 85:8 Referans Kwoze

Wiyaegü 29:11

Rü nüma ya Cori ya Tupana rü nanaporaexẽxẽ i norü duü̃xü̃gü. Rü nüxü̃ narüngü̃xẽxẽ nax tama daigu naxĩnüexü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Chacaría 9:10

Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Abacú 2:1

Nüma ga Abacú rü ñanagürü: —Choma rü tá íchaxuãxẽ, ñoma wüxi i dauxü̃taexü̃rüxü̃, nax ngẽmaãcü nüxü̃ chacuáxü̃ca̱x rü ta̱xacümaxã tá choxü̃ nangãxü̃ ya Tupana naxca̱x i ngẽma naxca̱x íchaca̱xaxü̃ —ñachagürü.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

Wiyaegü 130:4

Natürü i cumax rü toxü̃́ nüxü̃ icurüngüma i ngẽma torü chixexü̃gü i cupe̱xewa taxüxü̃ nax ngẽmaãcü cuxü̃ ticua̱xüü̃güxü̃ca̱x.

Naanearü ügüchiga 34:7

Rü yexguma Acóbu nanegü naanewa ne ĩxgu rü nüxü̃ nacuáchigagügu ga yema ngupetüxü̃, rü poraãcüma nanue. Yerü yema Chiquéü̃ Dínamaxã üxü̃ rü Iraéca̱x rü wüxi ga taxü̃ma ga dauxcüraü̃ nixĩ, rü ñu̱xũchi poraãcüma chu̱xuxü̃ nixĩ.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

2 Tesalonicenses 3:16

Rü chanaxwa̱xe i nümatama ya tóxrü Cori ya tóxrü ngüxmüxẽẽruxü̃ guxü̃guma i guxü̃wama pexna nanaxã i norü taãxẽ. Rü chanaxwa̱xe nax petanüwa nangẽxmaxü̃ i guxãma i pemax.

Efesios 2:17

Rü yexguma Cristu núma ũxgu, rü taxca̱x núma nanange ga ore i mexü̃ ga marü yigümaxã rü Tupanamaxã nax rüngüxmüexü̃. Rü yema ore rü toxca̱x nixĩ i toma i Yudíugü ga toxíra Tupanaxü̃ nax tacuáxü̃. Rü yema ore rü pexca̱x rü ta nixĩ ga woo tama Tupanaxü̃ nax pecua̱xgüxü̃ ga noxrix.

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Ngechuchuarü ngúexü̃gü ga yamugüxü̃arü puracüchiga 3:26

Rü yexguma Tupana wena namaxẽẽgu ga Nane ga Ngechuchu rü petanüwaxíra nanamu nax pexü̃ nangü̃xẽxẽxü̃ca̱x, erü nanaxwa̱xe i wüxichigü i pemax nax nüxü̃ perüxoexü̃ i pecümagü i chixexü̃ rü aixcüma peyaxõgüxü̃ —ñanagürü ga Pedru.

Ore i mexü̃ ga Cuáü̃ ümatüxü̃ 20:26

Rü 8 ga ngunexü̃guwena rü wenaxarü nangutaque̱xegü ga yema ngúexü̃gü ga wüxi ga ĩpatawa. Rü natanüwa nayexma ga Tumáchi ga yexguma. Rü woo nax nawãxtaxü̃ ga ĩã̱x, rü ngürüãchi yéma nango̱x ga Ngechuchu, rü norü ngãxü̃tanügu nachi. Rü nüxü̃ narümoxẽ, rü ñanagürü: —¡Petaãẽgü! —ñanagürü.

Ore i mexü̃ ga Cuáü̃ ümatüxü̃ 20:19

Rü yema yüxüarü ngunexü̃arü chütacü, rü nangutaque̱xegü ga Ngechuchuarü ngúexü̃gü. Rü nügü narüwãxtaü̃gü, yerü yema Yudíugüarü ãẽ̱xgacügüxü̃ namuü̃e. Rü Ngechuchu rü ngürüãchi yéma nango̱x, rü norü ngãxü̃tanügu nachi. Rü nüxü̃ narümoxẽ, rü ñanagürü: —¡Petaãẽgü! —ñanagürü.

Ore i mexü̃ ga Cuáü̃ ümatüxü̃ 8:11

Rü ngĩma rü ngĩgürügü nüxü̃: —Taxuxü̃ma Pa Corix —ngĩgürügü. Rü yexguma ga Ngechuchu rü ñanagürü ngĩxü̃: —Choma rü ta tama poxcu cumaxã chaxuegu. Rü ñu̱xma rü marü name i íquixũ rü tama wena pecadu cuxü —ñanagürü.

Ore i mexü̃ ga Cuáü̃ ümatüxü̃ 5:14

Natürü yixcama ga Ngechuchu rü Tupanapata ga taxü̃negu nüxü̃ nayangau ga gumá yatü, rü ñanagürü nüxü̃: —¡Dücax i ñu̱xma marü cuxca̱x nax yataanexü̃, rü taxũtáma wena chixexü̃ cuxü nax tama namaxã quida̱xawexü̃ca̱x i wüxi i da̱xawe i ngẽma marü cuxü̃ ngupetüxü̃arü yexera ixĩxü̃! —ñanagürü.

Aguéu 2:9

Rü ñu̱xma nax wena namexẽẽxü̃ ya daa chopata ya taxü̃ne rü yexguma noxri naxü̱xguarü yexera tá namexẽchi. Rü ngẽxguma rü tá ichayanaxoxẽxẽ i guxü̃ma i nu i ñaa nachicawa, rü nua tá petaãẽgü. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma —ñanagürü.

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Ucu̱xẽgüchiga 25:11

Ngẽma ore i meama norü oragu nüxü̃ ixuxü̃, rü ñoma wüxi i manzanachicüna̱xã i úirunaxca̱x i diẽrumümaxã nga̱xãẽxü̃rüxü̃ nangúchaü̃xü̃chi.

Wiyaegü 50:5

Rü ñanagürü nüxü̃: —¡Penangutaque̱xexẽxẽ i ngẽma duü̃xü̃gü ga chomaxã ixunetagüxü̃ ga yexguma norü ãmaregü cha̱u̱xca̱x yagugügu! —ñanagürü.

Ucu̱xẽgüchiga 27:22

Ngẽma duü̃xü̃ i tama naãẽxü̃ cuáxü̃, rü woo cunaxucu̱xẽgu rüe̱xna taxü̃ i guxchaxü̃ naxca̱x ínguxgu rü tagutáma naxüchicüxü i nacüma.

1 Chamué 25:25

¡Rü taxṹ i naga cuxĩnüxü̃ i Nabáx erü wüxi i yatü i chixexü̃ i nacümagü nüxü̃́ ngẽxmaxü̃ nixĩ! Rü ngẽma naégatama rü nüxü̃ nixu nax tama naãẽxü̃ nacuáxü̃. Choma i cuxü̃taxü̃ nax chixĩxü̃ rü tama nüxü̃ chadau ga yema curü duü̃xü̃gü ga yéma Nabáxü̃tawa cumugüxü̃.