Wiyaegü 85:4 - Tupanaarü Ore

⁴ Pa Tupana ya Torü Maxẽxẽxẽruxü̃, rü ñu̱xma rü tanaxwa̱xe i wenaxarü toétüwa cuchogü. Rü tama name i tomaxã cunuecha.

Wiyaegü 85:4 Referans Kwoze

Wiyaegü 80:3

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe nax toxü̃ cungechaxü̃xü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Wiyaegü 80:7

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe i toxü̃ cungechaü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

Auxexü̃chiga 5:21

¡Pa Corix, cugüca̱x toxü̃ nawoeguxẽxẽ! Rü toma rü tá cuxca̱x tawoegu. ¡Rü toxca̱x nataeguxẽxẽ ga yema taãxẽ ga ü̃pa toxü̃́ yexmaxü̃!

Maraquía 4:6

Rü nüma ya Ería rü duü̃xü̃gümaxã tá nüxü̃ nixu i chorü ore nax papagü rü nanegümaxã nangüxmüexü̃ca̱x, rü nüma i nanegü rü nanatügümaxã nangüxmüexü̃ca̱x. Erü ngẽxguma tama nügümaxã nangümüegu rü chixexü̃ naxüeamagu rü choma rü tá ngéma chaxũ rü noxtacüma tá chanapoxcue i ngẽma duü̃xü̃gü, rü noxtacüma tá chayanaxoxẽxẽ i ngẽma nachixü̃ane —ñanagürü ya Cori ya Tupana.

Wiyaegü 80:19

Pa Torü Tupana ya Guxãétüwa Ngẽxmacüx ¡toxü̃ rüngü̃xẽxẽ nax noxrirüü̃tama wüxi i nachixü̃ane i poraxü̃ tixĩgüxü̃ca̱x! ¡Rü toxü̃ nangechaxü̃ nax ngẽmaãcü torü uanügüme̱xẽwa ítanguxü̃xü̃ca̱x!

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Wiyaegü 25:2

Pa Chorü Tupanax, cuxü̃́ chayaxõ. ¡Rü taxṹ i cunaxüchicaxü̃ i chorü uanügü nax ãne choxü̃ yangexẽxẽgüxü̃ca̱x rü choxü̃ nacugüexü̃ca̱x!

Danié 9:16

Pa Cori Pa Tupanax, nüxü̃ tacua̱x rü cuma rü cumecümaxü̃chi. Rü ngẽmaca̱x cuxna taca nax namaxã icurüngüxmüxü̃ca̱x ya yima ĩane ya Yerucharéü̃cüã̱xgü. Erü yima ĩane rü cuxrü nixĩ, rü ngéma nangẽxma ya curü ma̱xpǘne ya üünene. Rü ñu̱xma rü guxü̃ma i ngẽma togü i nachixü̃anecüã̱xgü i duü̃xü̃gü rü nüxü̃ nacugüe i ngẽma curü duü̃xü̃gü rü nüxü̃ nacugüe ya yima Yerucharéü̃ nagagu i ngẽma chixexü̃gü i toma taxügüxü̃ rü torü o̱xigü ügüxü̃.

Yeremía 31:18

Rü Cori ya Tupana rü ñanagürü: —Marü nüxü̃ chaxĩnü nax auxeãcü chomaxã yadexagüxü̃ i Efraíü̃tanüxü̃ rü ñanagürügü: “Toma rü ñoma wüxi i wocaxacü i tama íyapuxü̃rüxü̃ tixĩgü. Natürü i cuma rü marü toxü̃ ícuyapuexẽxẽ. ¡Rü cugüca̱x toxü̃ nawoeguxẽxẽ! Erü cuma nixĩ i torü Cori ya Tupana quixĩxü̃.

Ichaía 10:25

Erü marü noxretama i ngunexü̃ nataxu nax naxca̱x íchananguxẽẽxü̃ i norü poxcu, rü ngẽma chorü numaxã tá chanadai.

Wiyaegü 78:38

Natürü woo nax yemaacü nax yixĩgüxü̃, rü nüma ga Tupana rü nüxü̃́ nangechaxü̃tümüxü̃güama. Rü nüxü̃́ nüxü̃ inarüngüma ga norü chixexü̃gü rü tama guxü̃xü̃ nadai. Rü mue̱xpü̱xcüna ga yexguma namaxã nanuxgu rü yáxna namaxã naxĩnü rü tama naga naxĩnü ga norü nu.

Yochué 7:26

Rü yemawena rü nutagü naétüwa nanawogü. Rü gumá nutagü rü ñu̱xma rü ta ngẽxma naxãũxchita. Rü ngẽmaca̱x i ñu̱xmax i ngẽma nachica rü Acóxarü doxonexü̃gu naxãéga. Rü yemaacü Iraétanüxü̃maxã narüngüxmü ga Cori ya Tupana.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Ochéa 11:9

Rü marü taxũtáma wena pemaxã chanu, Pa Efraíü̃tanüxü̃x, rü taxũtáma wena pexü̃ chadai, erü choma rü tama duü̃xü̃mare chixĩ. Rü choma ya Tupana ya Üünecü nax chixĩxü̃ rü petanüwa chamaxü̃. Rü tama perü daiwa nixĩ i nua chaxũxü̃.