Wiyaegü 85:11 - Tupanaarü Ore

¹¹ Rü duü̃xü̃gü rü tá nügümaxã nixaixcüma rü ngẽma rü guxü̃wama tá nango̱x ñoma wüxi i nanetü i waixü̃müwa ngóxü̃rüxü̃. Rü ngẽma nax mea namaxẽxü̃ i duü̃xü̃gü rü tá ta meama nango̱x ñoma üa̱xcü i caixanexü̃pechitawa ngóxü̃rüxü̃.

Wiyaegü 85:11 Referans Kwoze

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ichaía 45:8

Rü ñanagürü ga Tupana: —Choma rü dauxü̃wa tá ne chanamu i chorü ngü̃xẽxẽ, ñoma daxũwa rünguxü̃ i cherenarüxü̃ rü ñoma caixanexü̃wa ne ũcü ya pucürüxü̃. Rü ñoma i naanewa tá nangu i chorü ngü̃xẽxẽ nax ngẽmaãcü Iraétanüxü̃xü̃ íchanguxü̃xẽẽxü̃ca̱x nawa i norü guxchaxü̃gü —ñanagürü.

Efesios 1:6

Rü yemaacü nanaxü ga Tupana nax guxü̃guma nüxü̃ icua̱xüü̃güxü̃ca̱x naxca̱x i norü ngechaü̃ rü norü mecüma ga yexguma taxca̱x núma namuãxgu ga Nane ya nüxü̃ nangechaü̃xü̃chicü.

Ore i mexü̃ ga Luca ümatüxü̃ 2:14

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Ichaía 53:2

Rü nüma ya Cori ya Tupana rü nanaxwa̱xe ya yimá norü duü̃ rü ñoma wüxi i nanetü i ngexwaca rüxüxü̃ rü naxchúma̱xã i waixü̃mü i paanewa ixücuxü̃rüxü̃ nax yixĩxü̃. Rü nüma rü tama namechiwe rü ngẽmaca̱x taxúxeaxü̃́ nangúchaü̃.

Ichaía 42:21

Rü nüma ya Tupana rü wüxi ya Tupana ya ípoxü̃wa̱xecü nixĩ, rü ngẽmaca̱x nanatachigaxẽẽchaü̃ i norü ngu̱xẽẽtaegü i mexẽchixü̃.

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Wiyaegü 72:3

Rü chanaxwa̱xe nax namuarü oóxü̃ i ngẽma nanetügü i ma̱xpǘneanewa ngẽxmagüxü̃ nax ngẽmaãcü nataãẽgüxü̃ca̱x i duü̃xü̃gü rü nügü nangechaü̃güxü̃ca̱x.