Wiyaegü 84:2 - Tupanaarü Ore

² Rü poraãcü choxü̃́ nangúchaü̃ nax cupataã̱xtügu chaxücuxü̃. Rü guxü̃ma i chorü taãẽmaxã cuxca̱x chawiyaechaü̃ Pa Tupana ya Guxü̃guma Maxü̃cüx.

Wiyaegü 84:2 Referans Kwoze

Ichaía 26:9

Chütacü rü guxü̃ma i chorü ngúchaü̃maxã cugu charüxĩnü. Rü aixcüma chorü maxü̃nemaxã cuxca̱x chadau. Rü ngẽxguma cuma ñoma i naanewa cuxũxgu nax nüxna cucaxü̃ca̱x i duü̃xü̃gü naxca̱x i norü maxü̃, rü ngẽxguma tá nixĩ i aixcüma nüxü̃ nacua̱xgüxü̃ i ta̱xacü nixĩ i ngẽma cupe̱xewa mexü̃.

Wiyaegü 119:81

Rü poraãcü cuxü̃ íchanangu̱xẽxẽ nax choxü̃ ícupoxü̃xü̃ca̱x erü nüxü̃́ chayaxõ i curü ore.

Wiyaegü 143:6

Rü ngẽma nax chacuxwa̱xexüchixü̃ ñoma waixü̃mü i paxü̃ i dexá naxwa̱xexüchixü̃rüxü̃, rü cuxca̱x chaxunagüme̱xẽ chayumüxẽ.

Wiyaegü 73:26

Rü ñoma i naanewa rü ñaa chaxune rü chauãxẽ rü naturae. Natürü i cumax, Pa Tupanax, rü cunaporaxẽxẽ i chorü maxü̃ne. Rü guxü̃gutáma chorü Tupana quixĩ.

Wiyaegü 119:20

Rü wüxichigü i oragu rü chaxoegaãxẽ naxca̱x nax nüxü̃ chacuáxchaü̃xü̃ i curü mugü.

Charumóü̃arü wiyae 5:8

Pa Ngecügü i Yerucharéü̃cüã̱xgü, ega nüxü̃ ipeyangauxgu ya chaute ya choxü̃́ ngúchaü̃cü, rü namaxã nüxü̃ pixu nax tama marü yáxna chaxĩnüxü̃ nax naxca̱x changechaü̃xü̃.

Yox 23:3

Rü chierüx nüxü̃ chacua̱xgu nax ngexta Tupanaxü̃ ichayangauxü̃ nax naxü̃tawa changuxü̃ca̱x, rü namaxã ngéma chayarüdexaxü̃ca̱x, rü namaxã nüxü̃ chixuxü̃ca̱x i ngẽma choxü̃ ngupetüxü̃. Erü choxü̃́ nangẽxma i muxü̃ma i ta̱xacü i namaxã nüxü̃ chixuxü̃ nax ngẽmamaxã chaugü íchapoxü̃xü̃ca̱x.

Ichaía 64:1

¡Ẽcü ínangegü i ngẽma caixanexü̃ i dauxü̃wa ngẽxmaxü̃, Pa Tupanax, rü ngéma írüxĩ! Rü yima ma̱xpǘnegü rü tá naxĩã̱xãchitanü i ngẽxguma cungo̱xgu.

Iraétanüxü̃arü muxchiga 24:5

Rü pemax, Pa Acóbutanüxü̃x rü nimexẽchi ya pepatagü. Rü pemax, Pa Iraétanüxü̃x, rü namexẽchi i ngẽma ípengexmagüxü̃wa.