Wiyaegü 83:9 - Tupanaarü Ore

^9-10 Pa Tupanax ¡ẽcü ngẽma torü uanügüxü̃ nadai yexgumarüxü̃ nax cunada̱i̱xü̃ ga yema Madiáü̃tanüxü̃ rü ãẽ̱xgacü ga Chíchara rü ãẽ̱xgacü ga Yabíü̃ ga Quichóü̃arü natügu yuxü̃ ga Endóxarü ĩanewa! Rü nümagü rü ñu̱xma rü wamüanexü̃ ga waixü̃mü nixĩgü.

Wiyaegü 83:9 Referans Kwoze

Ichaía 9:4

Yerü yema Madiáü̃anearü ãẽ̱xgacüme̱xẽwa toxü̃ ícunguxü̃xẽẽgurüxü̃ rü cuma rü toxü̃ ícunguxü̃xẽxẽ nawa ga yema ngúxü̃ ga tingegüxü̃ rü toxü̃ yaxĩ̱xãchitanüãẽxẽẽxü̃ ga yexguma naxme̱xwa tayexmagügu ga yema ãẽ̱xgacü ga chixri tomaxã icuáxü̃.

Ichaía 10:26

Rü Cori ya Tupana ya Guxãétüwa Ngẽxmacü rü tá nanapoxcue i Achíriaanecüã̱xgü, yexguma Madiáü̃anecüã̱xgüxü̃ rü nuta ga Orégu nadaixgurüxü̃. Rü Achíriaanecüã̱xgüxü̃ tá nanawe̱x i norü pora, yexguma Equítuanecüã̱xgüxü̃ nawe̱xãgurüxü̃.

Ãẽ̱xgacügü ga guxchaxü̃güarü mexẽxẽruü̃gü 4:7

Rü choma rü tá nüxna chaxĩnü i Chíchara ya Yabíü̃arü churaragüarü ãẽ̱xgacü nax Quichóü̃arü doxonexü̃wa naxũxü̃ca̱x nax ngẽmaãcü norü churaragümaxã rü naweü̃gümaxã cuxca̱x nax íyaxü̃ãchixü̃ca̱x. Natürü i choma ya Cori ya Tupana rü tá cuxü̃́ chanatauxchaxẽxẽ nax cunada̱i̱xü̃ca̱x”, ñanagürü cuxü̃ ya Tupana —ngĩgürügü.

Naanearü ügüchiga 19:37

Rü yema rüyamaecü rü iyatüne, rü Moágu inaxüéga ga ngĩne. Rü gumáwa nixĩ ga ne naxĩxü̃ i ngẽma ñu̱xmax Moátanüxü̃ ixĩgüxü̃.

Naanearü ügüchiga 19:38

Rü yexgumarüxü̃ ta ga yema rübumaecü rü ta iyatüne rü Ben-amígu inaxüéga ga ngĩne. Rü gumáwa nixĩ ga ne naxĩxü̃ i ngẽma ñu̱xmax Amóü̃tanüxü̃ ixĩgüxü̃.