Wiyaegü 83:4 - Tupanaarü Ore

⁴ Rü nagu narüxĩnüe nax ñuxãcü nua toxü̃tawa naxĩxü̃ nax toxü̃ nada̱i̱xü̃ca̱x nax ngẽmaãcü itayarüxoxochixü̃ca̱x rü taxúema nüxü̃ cuáxü̃ca̱x i ngẽma tochixü̃aneéga i Iraé.

Wiyaegü 83:4 Referans Kwoze

Yeremía 11:19

Rü noxri ga choma rü taxuguma charüxĩnü ñoma wüxi i carnéruxacü i norü ma̱xchicawa nagagüxü̃rüxü̃ rü tama nüxü̃ chacua̱x nax wüxi i chixexü̃ cha̱u̱xca̱x ínamexẽẽgüxü̃. Rü yema uanügü rü chauchiga nidexagü rü nügümaxã ñanagürügü: —Ngĩxã tayadaxüchi i ngẽma nai i nanetü i baxcaxüchixü̃, rü wüxicana tayanaxoxẽxẽ natanüwa i ngẽma ñoma i naanewa maxẽxü̃ nax ngẽmaãcü taxúema nüxna cua̱xãchixü̃ca̱x —ñanagürügü.

Yeremía 48:2

Rü ngẽma Moáane ga noxri mexẽchixü̃ rü ñu̱xma rü marü nataxuma. Rü ĩane ya Ebóü̃wa rü ngẽma norü uanügü rü nagu narüxĩnüe nax iyanaxoxẽẽgüaxü̃ i ngẽma nachixü̃ane i Moá. Rü yima ĩane ya Maxméü̃ rü tá ta nagu napogüe. Rü guxü̃wama nangẽxma i dai rü tama ínayachaxãchi nax naxãxũnetaexü̃

Wiyaegü 74:8

Rü ngẽma torü uanügü rü nagu narüxĩnüe nax noxtacüma toxü̃ nadaixüchixü̃. Rü torü ĩanegüwa rü ínanagu ga torü ngutaque̱xepataü̃gü ga nawa cuxü̃ ticua̱xüü̃güne.

Danié 7:25

Ngẽma ãẽ̱xgacü rü tá Tupana ya Guxãétüwa Ngẽxmacümaxã naguxchiga. Rü tá chixri tümamaxã inacua̱x ya yíxema Tupanaarü duü̃xẽgü. Rü tá naxca̱x nadau nax ñuxãcü nanatoraxü̃xẽẽxü̃ i Tupanaarü mugü, rü tá nüxü̃ naxoo̱x i ngẽma Tupana ueguxü̃ i petagü. Rü yíxema Tupanaarü duü̃xẽgü rü tomaepü̱x ya taunecüarü ngãxü̃ tá naxme̱xwa tangexmagü.

Ínachoxü̃xü̃chiga 1:10

¡Rü ngẽmaca̱x, ngĩxã naxca̱x tadaugü nax ñuxãcü íyachaxãchixẽẽxü̃ nax yamuxü̃! Erü ngẽxguma chi ngürüãchi to i nachixü̃ane tamaxã nügü daixgu, rü nüma i Iraétanüxü̃ rü tá tórü uanügütanügu naxãgü nax tüxü̃ nada̱i̱xü̃ca̱x rü ñu̱xũchi ngẽmaãcü nayoxniegü nax tüxna naxĩgüxü̃ —ñanagürü.

Yeremía 31:36

—Ngẽxguma chi wüxi i ngunexü̃ ngẽma Iraétanüxü̃ tama naga naxĩnüegu i ngẽma mugü ga nüxna chaxãxü̃, rü ngẽma ngunexü̃gu rü marü taxũtáma chorü duü̃xü̃gü nixĩgü. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ucu̱xẽgüchiga 1:12

Nüetama ega woo duü̃xü̃gü i mexü̃ yixĩgügu rü tá tanadai, rü ñoma wüxi i duü̃xü̃ i yuxü̃ i waixü̃mü íga̱xaxü̃rüxü̃ tá namaxã tixĩgü.

Ngechuchuarü ngúexü̃gü ga yamugüxü̃arü puracüchiga 4:17

Natürü ngẽma nax tama yexeraãcü duü̃xü̃gütanüwa nanguchigaxü̃ca̱x i ngẽma ngupetüxü̃, ¡rü ngĩxã tanaxãxũnegü nax ñu̱xmawena rü taxúemaama ngẽma Ngechuchuégagu yadexagüxü̃ca̱x! —ñanagürügü.

Yochué 9:2

Rü yexguma ga guxü̃ma ga yema ãẽ̱xgacügü rü nügümaxã nagu narüxĩnüe nax nügü nangü̃xẽẽgüxü̃ca̱x, rü Yochuémaxã rü Iraétanüxü̃maxã nügü nada̱i̱xü̃ca̱x.

Neemía 4:2

Rü ñanagürü nape̱xewa ga namücügü ga Chamáriacüã̱x ga churaragüarü ãẽ̱xgacügü: —¿Ta̱xacügu narüxĩnüe i ngẽma Yudíugü i taiyamaxã yuechaü̃xü̃? ¿Rü nüma nagu naxĩnüegu rü chi wena nüxü̃ tanaxüxẽxẽ nax naxü̃na norü Tupanaca̱x nada̱i̱xü̃ rü ínaguxü̃? ¿Ẽ̱xna nagu naxĩnüegu rü wüxi i ngunexü̃gu tátama nüxü̃́ nagu̱x i ngẽma puracü i naxügüxü̃? ¿Ẽ̱xna ngẽma naxtapü̱x i ngẽxma ãũxchitaxü̃ i marü ixaexü̃wa tátama nadeaxü̃ ya ngexwaca̱xü̃cü ya nutagü? —ñanagürü.

Echequié 38:10

Rü Choma ya Cori ya Tupana rü cumaxã nüxü̃ chixu: “Rü ngẽma ngunexü̃gu rü chixexü̃ i ĩnü tá cuwa nangu.