Wiyaegü 83:2 - Tupanaarü Ore

² ¡Dücax i ngẽma curü uanügü i cuxchi aiexü̃! Rü nümagü rü nananuexẽxẽ i duü̃xü̃gü nax tama cuga naxĩnüexü̃ca̱x.

Wiyaegü 83:2 Referans Kwoze

Wiyaegü 81:15

Rü ngẽma naxchi aiexü̃ ya Cori ya Tupana, rü norü muü̃maxã tá nape̱xegu nayayitanü. Rü guxü̃gutáma napocu.

Ore i mexü̃ ga Matéu ümatüxü̃ 27:24

Rü yexguma Pirátu nüxü̃ da̱u̱xgu ga marü taxucürüwama Ngechuchuxü̃ nax ínanguxuchixẽẽxü̃, yerü ga duü̃xü̃gü rü marü nanaxĩ̱xãchiãẽgüchaü̃, rü yemaca̱x wüxi ga norü duü̃xü̃xü̃ namu ga dexá naxü̃tawa nax tanangexü̃ca̱x. Rü nügü naya̱u̱xme̱x ga Pirátu nape̱xewa ga guxü̃ma ga yema duü̃xü̃gü. Rü ñanagürü: —Tama chaugagu tá nixĩ i nax nayuxü̃ i ñaa yatü i taxuxü̃ma i chixexü̃ üxü̃. Rü pegagu tátama nixĩ —ñanagürü.

Yeremía 1:19

Rü nümagü rü tá cumaxã nanueama, natürü taxũtáma cuxü̃ narüporamaegü. Erü choma rü tá chacuxü̃tagu rü cuxna chadau rü cuxü̃ íchapoxü̃. Rü chomatama ya Cori ya Tupana nixĩ i nüxü̃ chixuxü̃ i ñaa chorü ore —ñanagürü.

Ichaía 17:12

Rü dücax, nüxü̃ pexĩnüe i ngẽma churaragü i muxũchixü̃ i perü uanügü i ãũgatanüxü̃ ñoma már arü yuapegü ãũgaxü̃rüxü̃. Rü ngẽma nixĩ i naga nax wáita naxüexü̃ i nachixü̃anegü i perü uanügü ixĩgüxü̃. Rü naga rü ñoma dexá i yuapexü̃ i tama íyachaxãchixü̃garüxü̃ nixĩ.

Ãẽ̱xgacügü ga guxchaxü̃güarü mexẽxẽruü̃gü 8:28

Rü yemaacü ga Madiáü̃tanüxü̃ rü Iraétanüxü̃me̱xẽwa nayexmagü rü taguma wena daigu narüxĩnüe. Rü yexguma namaxü̃xgu ga Yedeóü̃, rü 40 ga taunecü taguma nügü nadai ga guxü̃ma ga yema naanewa.

Ngechuchuarü ngúexü̃gü ga yamugüxü̃arü puracüchiga 23:10

Rü yexeraãcü ninuetanü ga yema duü̃xü̃gü. Rü yemaca̱x naxoegaãxẽ ga gumá churaragüarü ãẽ̱xgacü nax Paurugu nagáugügüchaü̃xü̃. Rü norü churaragüxü̃ namu nax yéma duü̃xü̃gütanüwa Pauruxü̃ napugüxü̃ca̱x rü wena churaragüpatawa nax nagagüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 22:22

Rü yexguma Pauru yema ñaxgu rü yexma nayacua̱xẽẽgü nax mea nüxü̃́ inaxĩnüexü̃ ga yema duü̃xü̃gü. Rü yexguma aita naxüeãcüma ñanagürügü: —¡Noxtacüma yama̱x! Rü name nixĩ nax nayuxü̃ rü ngẽxma nax yanaxoxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 21:30

Rü guxü̃ma ga yema ĩanecüã̱xgü rü poraãcü nanue. Rü Tupanapata ga taxü̃neca̱x nibuxmü, rü Pauruxü̃ niyauxgü, rü Tupanapataarü ĩã̱xtüwa nanatúchigügü. Rü yexguma paxa nanawãxtagü ga gumá Tupanapataarü ĩã̱xgü.

Ngechuchuarü ngúexü̃gü ga yamugüxü̃arü puracüchiga 17:5

Rü yemaca̱x ga yema Yudíugü ga tama yaxõgüxü̃, rü nixãũxãchigü. Rü nanaxĩtaque̱xexẽxẽ ga ñuxre ga yatügü ga chixexü̃gu maxẽxü̃ ga oexü̃ ga ĩanearü namagüwa yexmagüxü̃. Rü yema Yudíugü rü yema oexü̃xü̃ naxucu̱xẽgü nax yema ĩanecüã̱x ga duü̃xü̃güxü̃ nanuexẽẽxü̃ca̱x. Rü Yachóü̃patawa nabuxmü ga yema duü̃xü̃gü nax Pauruca̱x rü Chíraca̱x nadaugüxü̃ca̱x, yerü yema muxü̃ma ga duü̃xü̃güpe̱xewa nanagagüchaü̃.

Ngechuchuarü ngúexü̃gü ga yamugüxü̃arü puracüchiga 16:22

Rü yexguma ga yema ĩanecüã̱x rü nanue, rü Pauruna rü Chírana nayu̱xgu. Rü yema ãẽ̱xgacügü nanamu nax ínacuxü̃ãxü̃ca̱x rü naixmena̱xãmaxã yacua̱i̱xgüãxü̃ca̱x.

Ichaía 37:29

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü cuã̱xwa tá chayaxǘcuchi i wüxi i curü chaxãchixẽxẽruxü̃. Rü ngẽma nama i nagu nua cuxũxü̃gu tátama cuxü̃ chataeguxẽxẽ” —ñanagürü ga Tupana.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Wiyaegü 93:3

Pa Corix, rü ngẽma taxtügü rü naxãũgaxüchixü̃gü rü nata i norü yuapegü.

Wiyaegü 74:23

¡Rü taxṹ i cunangexrüxü̃ i norü guchigagü i ngẽma curü uanügü! Erü wüxichigü i ngunexü̃gu rü niyexerachigü i ngẽma norü dexa i chixexü̃.

Wiyaegü 74:4

Rü ñu̱xma i ngẽma curü uanügü rü noxrütama wiyaegügu nawiyaegü nawa ya cupata erü marü narüporamaegü. Rü yimá norü woneragü rü ngéma nanawãĩxnagügü.

Norü taxre ga popera ga ãẽ̱xgacügüchiga 19:28

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü tá cuxü̃ chichotanagu. Rü ngẽma nama i nagu nua cuxũxü̃gu tátama cuxü̃ chataeguxẽxẽ”, ñanagürü ga Tupana —ñanagürü ga Ichaía,

Wiyaegü 109:1

Pa Tupanax ¡taxṹ i choxü̃́ nüxü̃ cuxoxü̃ i chorü yumüxẽ!