Wiyaegü 82:5 - Tupanaarü Ore

⁵ Natürü i pemax, Pa Ãẽ̱xgacügüx, rü tama peãẽxü̃ pecua̱x rü peechitamare pemaxẽ. Rü ngẽmaca̱x nangẽxma i taxü̃ i chixexü̃ i petanüwa rü ngẽma duü̃xü̃gü i namaxã pecuáxü̃ rü pemaxã nanue.

Wiyaegü 82:5 Referans Kwoze

Wiyaegü 11:3

Rü ngẽxguma chi nüma ya ãẽ̱xgacü marü chixexü̃gu nanguxgu ¿rü ñuxãcü tá nügü ínapoxü̃ ya yimá mecü ya duü̃?

Miquéa 3:1

Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Nüxíraxü̃xü̃ ga popera ga Cuáü̃ ümatüxü̃ 2:11

Natürü yíxema tümaenexẽchi aixe, rü ẽanexü̃watama tangexma, rü ẽanexü̃gu tixũ. Rü tama nüxü̃ tacua̱x nax ngextá taxũxü̃, erü ngẽma ẽanexü̃ rü tüxü̃ nixoxetüxẽxẽ.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ucu̱xẽgüchiga 1:29

Erü pema rü nüxü̃ pixo i chorü ucu̱xẽgü, rü tama nüxü̃ pengechaü̃ ya Cori ya Tupana.

Wiyaegü 14:4

Rü tama naãẽxü̃ nicua̱x i ngẽma chixexü̃ ügüxü̃. Rü norü chixexü̃maxã nanagu̱xẽxẽ i chorü duü̃xü̃gü ñoma paũ ingṍxü̃rüxü̃. Rü taguma Cori ya Tupanaca̱x nadaugü.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Ore i mexü̃ ga Cuáü̃ ümatüxü̃ 3:19

Rü yíxema tama nüxü̃́ yaxõgüxe, rü Tupana rü marü poxcu tümamaxã naxuegu, yerü yexguma ñoma ga naanewa nanguxgu ga Nane ya duü̃xü̃güarü nangóonexẽẽruxü̃, rü tama nüxü̃́ tayaxõgüchaxü̃. Natürü yexera tümaarü me nixĩ nax ẽanexü̃wa tayexmagüxü̃ rü chixexü̃ taxügüxü̃.

Ichaía 59:9

Rü tórü chixexü̃gagu Tupana tama paxa tórü uanügüme̱xẽwa tüxü̃ ínanguxü̃xẽxẽ. Rü yixema nagu tarüxĩnüe nax paxa chi íinguxü̃xü̃, natürü tórü uanügüme̱xẽwa tangexmagüama. Nagu tarüxĩnüe nax paxa ngóonexü̃wa tá imaxẽxü̃ natürü ẽanexü̃wa tangexmagüama.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Wiyaegü 53:4

Rü ngẽma chixexü̃ ügüxü̃ rü nangeãẽgümare rü paxãma nanachixexẽxẽ i chorü duü̃xü̃gü. Rü ngẽma tama Tupanaga ĩnüexü̃ rü chorü duü̃xü̃güxü̃ inarüxoxẽẽgü ñoma paũ ingõ̱xgurüxü̃. Rü ngẽma duü̃xü̃gü rü taguma nayumüxẽgü nax Tupanaarü ngü̃xẽẽca̱x nadaugüxü̃ca̱x.

Ngu̱xẽẽtaeruü̃arü ore 3:16

Rü ngẽma to i nüxü̃ chadauxü̃ nixĩ nax nangẽxmaxü̃ i taxü̃ i chixexü̃ rü ãẽ̱xgacügü diẽruca̱x chixri duü̃xü̃gümaxã inacua̱xgü. Rü ngẽmaãcü nangupetü nawa i ñoma i naane i ngextá chi mea nügümaxã inacua̱xgüxü̃wa i duü̃xü̃gü rü mexü̃gu nügümaxã ínaxĩnüexü̃wa.

Ngu̱xẽẽtaeruü̃arü ore 2:14

Rü yíxema tümaãẽxü̃ cuáxe rü mea tanangugü ega ta̱xacü taxü̱xgu, natürü ngẽma naechitamare maxü̃xü̃ rü tama mea nagu naxĩnüãcüma ta̱xacü naxü. Natürü chanangugü rü yíxema tümaãẽxü̃ cuáxe rü ngẽma naechitamare maxü̃xü̃ rü ngẽmatátama nixĩ i norü gu̱x.

Ucu̱xẽgüchiga 4:19

Natürü ngẽma nacüma i nagu naxĩxü̃ i ngẽma duü̃xü̃gü i chixexü̃gu maxẽxü̃, rü wüxi i ẽanexü̃ nixĩ, rü ngẽmaca̱x tama nüxü̃ nacua̱xgü nax ta̱xacügu yanapucutügüxü̃.

Wiyaegü 75:3

Rü ngẽxguma naxĩã̱xãchigu i ñaa naane guxü̃ma i norü duü̃xü̃gümaxã, rü chomatama nixĩ i namaxã ichacuáxü̃ nax tama yaxũgachixü̃ca̱x i namaxü̃wa —ñanagürü.

Yox 8:9

Yixema rü ngexwaca̱xtama tabue rü ngẽxguma mea nagu rüxĩnüegu rü taxuxü̃ma tacua̱x. Rü ngẽma tórü ngunexü̃gü i ñoma i naanewa rü ñoma naxchipeta i üpetümarexü̃rüxü̃ nixĩ.

Wiyaegü 99:1

Nüma ya Cori rü ãẽ̱xgacü nixĩ. Rü norü tochicaxü̃ rü ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nangẽxma. Rü nape̱xewa rü norü muü̃maxã nidu̱xrue i guxü̃ma i nachixü̃anecüã̱xgü rü woo i ñoma i naane rü nidu̱xru.