Wiyaegü 82:3 - Tupanaarü Ore

³ Rü dücax, rü name nixĩ i nüxü̃ perüngü̃xẽẽgüxü̃ i ngẽma duü̃xü̃gü i taxucürüwa nügü ípoxü̃güxü̃ rü ngẽma taxcutagü. ¡Rü ẽcü nüxü̃ perüngü̃xẽxẽ i ngẽma ngearü diẽruã̱xgüxü̃ rü ngẽma nüxü̃́ nataxuxü̃ i norü ngẽmaxü̃gü!

Wiyaegü 82:3 Referans Kwoze

Wiyaegü 10:18

¡Rü ẽcü tümaétüwa nachogü ya yíxema taxcutagü rü yíxema togüme̱xẽwa ngẽxmagüxe rü chixri tümamaxã inacua̱xgüxe! Rü ngẽma yatü i waixü̃müwa cuxüxü̃, rü tama tanaxwa̱xe nax wena muü̃ ínanguxẽẽxü̃.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Yeremía 22:16

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.

Yeremía 22:3

¡Rü mea duü̃xü̃gümaxã inacua̱x rü mexü̃ i nacümagu pemaxẽ i ñaa nachicawa! ¡Rü ngẽma diẽruã̱xgüxü̃me̱xẽwa tüxü̃ ínanguxü̃xẽxẽ ya yíxema duü̃xẽgü i chixri tümamaxã inacua̱xgüxe! ¡Rü taxṹ i chixri namaxã pixĩgüxü̃ i ngẽma to i nachixü̃anecüã̱xgü, rü yíxema taxcutagü, rü ñu̱xũchi yíxema yutegüxe! ¡Rü taxṹ i ñaa nachicagu tüxü̃ pimáxü̃ ya yíxema duü̃xẽ ya taxuxü̃ma i chixexü̃ üxe!

Wenaxarü naxümatü ga Tupanaarü mugü 24:17

¡Rü taxũtáma chixri tümamaxã pechopetü ya yíxema to i nachixü̃anecüã̱x i petanüwa ngẽxmagüxe, rü bai ya yíxema taxcutagü! ¡Rü yíxema yutegüe rü taxũtáma tümachiruca̱x tüxna peca ega pexü̃tawa diẽruca̱x ítacaxgu nax yixcüama pexü̃́ tanatáeguxẽẽxü̃ca̱x!

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ichaía 1:17

¡Rü naxca̱x pengúe nax mexü̃ pexügüxü̃! ¡Rü pora pexüe nax mexü̃ i nacümagu pemaxẽxü̃ca̱x! ¡Rü tüxü̃ perüngü̃xẽxẽ ya yíxema duü̃xẽgü ya togü chixri tümamaxã icua̱xgüxe! ¡Rü naétüwa pechogü i taxcutagü rü yutegüxü̃!

Wenaxarü naxümatü ga Tupanaarü mugü 10:18

Rü nüma rü tüxna nadau ya yíxema ta̱xcuxe rü yutexe. Rü tüxü̃ nangechaxü̃ ya yíxema to i nachixü̃anecüã̱x ya petanüwa ngẽxmaxe, rü tüxü̃ naxüwemü rü tüxü̃ naxüxchiru.

Ínachoxü̃xü̃chiga 23:3

Rü bai tá naétüwa quidexa i ngẽma duü̃xü̃ i ngearü diẽruã́xü̃ i ngẽxguma womüxẽẽãcü ãẽ̱xgacüxü̃tawa ta̱xacüca̱x ínaca̱xgu.

Ínachoxü̃xü̃chiga 23:6

Rü ngẽxguma wüxi i duü̃xü̃ i ngearü diẽruã́xü̃ ãẽ̱xgacüpe̱xewa guxchaxü̃ cumaxã mexẽẽgu, rü tama name i cunangexrü i ngẽma guxchaxü̃.

Yox 29:12

Yerü choma rü tüxü̃ charüngü̃xẽẽxü̃ ga taxcutagü rü duü̃xẽgü ga ingearü diẽruã̱xgüe rü ñu̱xũchi duü̃xẽgü ga taxúema texé tüxü̃ rüngü̃xẽẽgüxe.

Yox 31:21

Rü woochire̱x ãẽ̱xgacügü ga guxchaxü̃arü mexẽẽruü̃gümaxã nax chaxãmücüxü̃ rü taguma nape̱xewa tümagu chidauxcüraü̃ ga wüxi ga taxcuta.

Ucu̱xẽgüchiga 31:9

¡Rü tümaétüwa idexa rü tüxü̃ ínapoxü̃ ya yíxema ngearü diẽruã̱xgüxe, rü yíxema tama nüxü̃ cuáxe nax tügüétüwa tidexagüxü̃!