Wiyaegü 81:10 - Tupanaarü Ore

¹⁰ Rü choma nixĩ i perü Cori ya Tupana chixĩxü̃ ga Equítuanewa pexü̃ íchanguxü̃xẽẽxü̃. Rü ngẽxguma ta̱xacü pexü̃́ taxu̱xgux ¡rü choxna peca! Rü choma rü tá pexna chanaxã.

Wiyaegü 81:10 Referans Kwoze

Ore i mexü̃ ga Cuáü̃ ümatüxü̃ 15:7

Rü ngẽxguma chowa peyaxũ̱xgüechagu rü taguma nüxü̃ ipeyarüngümaegu i ngẽma ore i pexü̃ changúexẽẽxü̃, rü marü name i naxca̱x ípeca i ta̱xacü i penaxwa̱xexü̃, rü choma rü tá pexna chanaxã.

Wiyaegü 107:9

Erü nüma rü tüxü̃ naxaxexẽxẽ ya yíxema ita̱xawaxe rü taxü̃ i õna tüxna naxã ya yíxema taiyaxe.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Ore i mexü̃ ga Cuáü̃ ümatüxü̃ 7:37

Rü yema nawa iyacuáxü̃ ga petaarü ngunexü̃ nixĩ ga guxü̃ ga togü ga ngunexü̃arü yexera rümemaexü̃. Rü yema ngunexü̃gu nixĩ ga inachixü̃ ga Ngechuchu rü tagaãcü ñaxü̃: —Ngẽxguma texé ita̱xawaxgu rü ¡nua chauxü̃tawa taxũ rü tayaxaxe!

Yema Cuáü̃ nüxü̃ dauxü̃ i yixcüra tá ngupetüxü̃chiga 21:6

Rü yemawena rü ñanagürü choxü̃: “Ñu̱xma rü marü ningu i guxü̃ma. Choma nixĩ i norü ügü i guxü̃ma, rü chowa nixĩ i yacuáxü̃ erü nataxuma i ta̱xacü i choweama üxü̃. Rü yíxema ita̱xawaxe, rü choma rü tá ngetanüãcüma tüxü̃ chaxaxexẽxẽ nawa i ngẽma dexáarü chuxchuxü̃arü dexá i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

Ore i mexü̃ ga Cuáü̃ ümatüxü̃ 16:23

Rü ngẽxguma tá ínanguxgu i ngẽma ngunexü̃ nax yanguxü̃ i ñaa pemaxã nüxü̃ chixuxü̃, rü taxuca̱xtama ta̱xacüca̱x choxna pecagü, erü Chaunatü tá pexna nanaxã i guxü̃ma i chauégagu nüxna naxca̱x pecaxü̃.

Yeremía 11:4

Rü yexguma Equítuanewa nayexmagügu ga nũxcümaü̃güxü̃ ga norü o̱xigü rü poraãcü ngúxü̃ ningegü. Yerü yema nachixü̃anecüã̱x rü ñoma wüxi ya üxü i fieruarü dexexü̃ruü̃rüxü̃ nixĩ naxca̱x ga yema duü̃xü̃gü. Rü yexguma yema naanewa íchanagaxü̃gu rü ñaãcü namaxã ichaxuneta rü ñachagürü nüxü̃: “¡Chauga pexĩnüe, rü penaxü̱x i guxü̃ma i ngẽma choma pexü̃ chamuxü̃! Rü ngẽxguma i pema rü chorü duü̃xü̃gü tá pixĩgü rü choma rü tá perü Tupana chixĩ.

Ínachoxü̃xü̃chiga 20:3

Rü ñu̱xma nax curü Tupana chixĩxü̃, rü tama chanaxwa̱xe i chope̱xewa ta̱xacürü uxcaxü̃maxã cutupanaã̱x.

Wenaxarü naxümatü ga Tupanaarü mugü 5:7

Rü choma nixĩ i curü Tupana chixĩxü̃, rü tama chanaxwa̱xe i chope̱xewa ta̱xacürü tomaxã cutupanaã̱x.

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Yochué 24:23

Rü yexguma ga nüma ga Yochué rü ñanagürü: —¡Ẽcü ípenawogü i ngẽma tupananetachicüna̱xãgü i petanüwa ngẽxmagüxü̃, rü aixcüma naxca̱x pewoegu ya yimá Cori ya tórü Tupana ya yixema i Iraétanüxü̃! —ñanagürü.

Ochéa 8:3

Natürü nüma i ngẽma Iraéanecüã̱xgü rü nüxü̃ naxoe i ngẽma mexü̃. Rü ngẽmaca̱x i norü uanügü rü tá nawe ningẽxü̃tanügü.