Wiyaegü 80:9 - Tupanaarü Ore

⁹ Rü cunamexẽxẽ ga yema naane naxca̱x ga yema úba. Rü yema úba rü mea narüxü rü naxãxchuma̱xã rü guxü̃wama ga yema nachixü̃anewa rü nimu.

Wiyaegü 80:9 Referans Kwoze

Yochué 24:12

Rü tama pema nixĩ ga perü taragümaxã rü perü würagümaxã nüxü̃ perüporamaexü̃ ga yema taxre ga ãẽ̱xgacügü ga Amoréutanüxü̃arü. Natürü choma nixĩ ga muü̃ naxca̱x íchanguxẽẽxü̃ nax pecha̱xwa yabuxmüxü̃ca̱x naxü̃pa nax yéma pengugüxü̃.

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Yeremía 12:2

Cuma rü wüxi i nanetürüxü̃ icunatogü, rü nümagü rü narüxügüchúma̱xã, rü ñu̱xũchi nayae rü nixo̱x. Rü nümagü rü naã̱xmaxã cuxü̃ nicua̱xüü̃gü, natürü naãẽwa rü yáxü̃wama cuxü̃ nangẽxmagü.

Ichaía 37:31

Rü ngẽma Yudáanewa íyaxügüxü̃ i duü̃xü̃gü rü tá nimu ñoma nanetügü i ãxchúmaxãxü̃ rü ixoxü̃rüxü̃.

Wiyaegü 105:44

Rü togü ga duü̃xü̃güarü naane nüxna naxã. Rü nabü ga togüarü puracüwa ne ũxü̃maxã nanachibüexẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:5

Rü nüma ga Yoá rü Dabímaxã nüxü̃ nixu nax ñuxre yixĩxü̃ ga norü mu ga yema yatügü ga marü churarawa imexü̃. Rü Iraéanewa rü 1’100,000 wa nangu ga yema yatügü ga marü nagu imexü̃ nax churara yixĩgüxü̃, rü Yudáanewa rü 470,000 nixĩ.

Nüxíraxü̃xü̃ ga popera ga ãẽ̱xgacügüchiga 4:25

Rü yexguma Charomóü̃ maxü̃gu rü ga Yudáanecüã̱xgü rü yema togü ga Iraéanecüã̱xgü rü nügü nangechaü̃gü rü taãẽãcü ínamaxẽ. Rü nórtewaama rü ĩane ga Dáü̃wa inaxügü ñu̱xmata ĩane ga Bechébawa nangu ga súrwaama rü wüxichigü taãẽãcü namaxẽ natüxü̃wa ga nanetügü ga igueragü ga napataxü̃ tüpechitaxü̃.

Nüxíraxü̃xü̃ ga popera ga ãẽ̱xgacügüchiga 4:20

Rü Yudáanewa rü Iraéanewa rü namuxũchima ga norü duü̃xü̃gü ñoma naxnecüte̱xe i márpechinüwa ngẽxmacürüxü̃. Rü taguma nataxu ga õna rü axexü̃, rü ga duü̃xü̃gü rü nataãẽgü.

2 Chamué 7:10

Rü ñu̱xũchi wüxi ga naane naxca̱x chamexẽxẽ ga yema chorü duü̃xü̃gü i Iraétanüxü̃. Rü yéma chanangugüxẽxẽ nax noxrütama naanewa namaxẽxü̃ca̱x i ngextá taxúema nachixeãẽgüxü̃wa rü woo chixexü̃ i duü̃xü̃gü tama nagu idauxcüraxü̃güxü̃wa ga noxrirüxü̃ ga yexguma nüxü̃ chaxunetagu ga ãẽ̱xgacügü ga guxchaxü̃arü mexẽẽruü̃gü. Rü tá cumaxã ichanangüxmüexẽxẽ i guxü̃ma i ngẽma curü uanügü nax tama cuxoegaãẽxü̃ca̱x. Rü tá cuxü̃́ nangẽxma i cutaagü.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Ichaía 5:2

Rü nanaxaiegumüane rü inananugü ga nutagü rü yema rümemaexü̃ ga úba yexma natogü. Rü yemanecügu nanaxü ga wüxi ga dauxü̃taechica rü wüxi ga nachica ga bínu nawa naxüxü̃. Rü nüma ga chomücü rü nagu narüxĩnü nax yema úba rü chi yamaixcuraxü̃ ga norü o, natürü ga yema úbagü rü ningúchia̱x ga norü o.

Ichaía 27:2

Rü ngẽma ngunexü̃gu rü Cori ya Tupana rü ñanagürü tá: —Nachiga pewiyaegü i Iraétanüxü̃ i ñoma úbanecü i mexẽchixü̃rüxü̃ ixĩxü̃.

Yeremía 2:21

Choma rü ñoma úbachire ya mexẽchínerüxü̃ pexü̃ ichato nax úba i baxcaxü̃ rü mexẽchixü̃rüxü̃ pixĩgüxü̃ca̱x. Natürü i pema rü ñoma úbachicürüxü̃ pegü pixĩgüxẽxẽ, rü ngẽmaca̱x i ñu̱xma rü marü tama pexü̃ chacua̱x.