Wiyaegü 80:7 - Tupanaarü Ore

⁷ Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe i toxü̃ cungechaü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Wiyaegü 80:7 Referans Kwoze

Ichaía 64:5

Rü cuma rü tüxü̃ cuyaxu ya yíxema tümaarü taãẽmaxã mexü̃ üxe rü nüxna cua̱xãchixe nax tanaxüxü̃ i ngẽma cuma cunaxwa̱xexü̃. Natürü i ñu̱xma rü tomaxã cunu erü cupe̱xewa chixexü̃ taxügü rü nũxcümacürüwatama tama cuga taxĩnüe.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Wiyaegü 80:19

Pa Torü Tupana ya Guxãétüwa Ngẽxmacüx ¡toxü̃ rüngü̃xẽxẽ nax noxrirüü̃tama wüxi i nachixü̃ane i poraxü̃ tixĩgüxü̃ca̱x! ¡Rü toxü̃ nangechaxü̃ nax ngẽmaãcü torü uanügüme̱xẽwa ítanguxü̃xü̃ca̱x!

Wiyaegü 80:3

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe nax toxü̃ cungechaxü̃xü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Ore i mexü̃ ga Luca ümatüxü̃ 1:16

Rü nüma rü tá norü Cori ya Tupanaca̱x nanawoeguxẽxẽ i muxü̃ma i Iraétanüxü̃.

Ichaía 30:15

Rü yimá Cori ya Iraétanüxü̃arü Tupana ya Üünecü rü ñanagürü: —¡Cha̱u̱xca̱x pewoegu rü chauga pexĩnüe rü ngẽmaãcü taxũtáma pexü̃ nangupetü! Rü ngẽxguma mea perüchogu rü chauga pexĩnüegu rü ngẽmaãcü tá nixĩ i pexü̃́ nangẽxmaxü̃ i perü pora —ñanagürü. Natürü i pema rü tama chauga pexĩnüechaü̃, rü ñaperügügüama: —Tomagü rü cowarugu tá tibuxmüama —ñaperügügü. Rü aixcüma tá nixĩ i ngẽmaãcü perü uanügücha̱xwa pibuxmüxü̃. Rü pema rü ñaperügügüama: —Cowarugü i poraexüchixü̃gu tá tibuxmüama —ñaperügügüama. Natürü perü uanügü i pewe ngẽgüxü̃ rü tá pexü̃ narüporamaegüama.

Neemía 2:19

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü, rü Yechéü̃ ga Arábiaanecüã̱x ixĩxü̃ nüxü̃ cuáchigagu ga yema puracü rü toxü̃ nacugüe rü togu nidauxcüraxü̃gü. Rü toxna naca rü ñanagürügü toxü̃: —¿Ta̱xacü ípexüe? ¿Ẽ̱xna nagu perüxĩnüe nax tama ãẽ̱xgacüga pexĩnüexü̃? —ñanagürügü.