Wiyaegü 80:3 - Tupanaarü Ore

³ Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe nax toxü̃ cungechaxü̃xü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Wiyaegü 80:3 Referans Kwoze

Auxexü̃chiga 5:21

¡Pa Corix, cugüca̱x toxü̃ nawoeguxẽxẽ! Rü toma rü tá cuxca̱x tawoegu. ¡Rü toxca̱x nataeguxẽxẽ ga yema taãxẽ ga ü̃pa toxü̃́ yexmaxü̃!

Wiyaegü 85:4

Pa Tupana ya Torü Maxẽxẽxẽruxü̃, rü ñu̱xma rü tanaxwa̱xe i wenaxarü toétüwa cuchogü. Rü tama name i tomaxã cunuecha.

Wiyaegü 80:19

Pa Torü Tupana ya Guxãétüwa Ngẽxmacüx ¡toxü̃ rüngü̃xẽxẽ nax noxrirüü̃tama wüxi i nachixü̃ane i poraxü̃ tixĩgüxü̃ca̱x! ¡Rü toxü̃ nangechaxü̃ nax ngẽmaãcü torü uanügüme̱xẽwa ítanguxü̃xü̃ca̱x!

Wiyaegü 80:7

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe i toxü̃ cungechaü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Wiyaegü 4:6

Rü muxü̃ma i duü̃xü̃gü rü ñanagürügü: —¿Texé tá tüxü̃ tarüngü̃xẽxẽ? —ñanagürügü. Pa Corix ¡cuxü̃́ tangechaxü̃tümüxü̃gü rü toxü̃ rüngü̃xẽxẽ!

Nüxíraxü̃xü̃ ga popera ga ãẽ̱xgacügüchiga 18:37

¡Choxü̃ nangãxü̃, Pa Corix, choxü̃ nangãxü̃ nax ngẽmaãcü i ñaa duü̃xü̃gü nüxü̃ cua̱xgüxü̃ca̱x nax cuma quixĩxü̃ ya Tupana rü nüxna cuxuxü̃ nax wena cuxca̱x nawoeguxü̃ca̱x! —ñanagürü.

Wiyaegü 119:135

Rü ñu̱xma nax curü duü̃xü̃ chixĩxü̃ ¡rü cuxü̃́ changechaü̃tümüxü̃! ¡Rü choxü̃ nangu̱xẽxẽ i curü mugü!

Wiyaegü 80:1

Pa Cori Pa Tupana Pa Iraétanüxü̃arü Dauruxü̃x, rü cuma nixĩ i carnérugürüü̃ãcü Yúchetanüxü̃maxã icucuáxü̃. Rü cuma nax ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nax curütoxü̃ ¡rü nüxü̃ naxĩnü i torü yumüxẽ! ¡Rü toxü̃ nangechaxü̃ãcüma mea nüxü̃ nadawenü ya Efraíü̃tanüxü̃ rü Bẽyamíü̃tanüxü̃ rü Manachétanüxü̃! ¡Rü inachi, rü nua naxũ nax curü poramaxã toxü̃ ícunguxü̃xẽẽxü̃ca̱x!

Wiyaegü 67:1

Pa Tupanax ¡cuxü̃́ tangechaxü̃tümüxü̃gü rü toxü̃ rüngü̃xẽxẽ! ¡Rü taãẽãcü toxü̃ nadawenü nax ngẽmaãcü guxü̃ i nachixü̃anecüã̱xgü cuxü̃ cua̱xgüxü̃ca̱x, nax curü ngúchaü̃ yixĩxü̃ nax cunamaxẽxẽxẽxü̃ i duü̃xü̃gü!

Wiyaegü 60:1

Pa Tupanax, cuma rü curü numaxã toxna quixũgachi rü toxü̃ cuwoone. Rü tanaxwa̱xe i wenaxarü toxca̱x cutaegu nax noxrirüxü̃ taporaexü̃ca̱x.