Wiyaegü 80:1 - Tupanaarü Ore

^1-2 Pa Cori Pa Tupana Pa Iraétanüxü̃arü Dauruxü̃x, rü cuma nixĩ i carnérugürüü̃ãcü Yúchetanüxü̃maxã icucuáxü̃. Rü cuma nax ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nax curütoxü̃ ¡rü nüxü̃ naxĩnü i torü yumüxẽ! ¡Rü toxü̃ nangechaxü̃ãcüma mea nüxü̃ nadawenü ya Efraíü̃tanüxü̃ rü Bẽyamíü̃tanüxü̃ rü Manachétanüxü̃! ¡Rü inachi, rü nua naxũ nax curü poramaxã toxü̃ ícunguxü̃xẽẽxü̃ca̱x!

Wiyaegü 80:1 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Wiyaegü 77:20

Rü cunamu ga Moiché rü Aróü̃ nax yagagüãxü̃ca̱x ga curü duü̃xü̃gü ñoma carnérugü igagüxü̃rüxü̃.

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Wiyaegü 99:1

Nüma ya Cori rü ãẽ̱xgacü nixĩ. Rü norü tochicaxü̃ rü ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nangẽxma. Rü nape̱xewa rü norü muü̃maxã nidu̱xrue i guxü̃ma i nachixü̃anecüã̱xgü rü woo i ñoma i naane rü nidu̱xru.

Nüxíraxü̃xü̃ ga popera ga Pedru ümatüxü̃ 2:25

Rü pema ga ü̃pa rü ñoma carnérugü i irütauxexü̃rüxü̃ pixĩgü. Natürü i ñu̱xma rü marü Cristuca̱x pewoegu. Rü nüma nixĩ i perü dauruxü̃ yixĩxü̃, rü nüma nixĩ i pexna nadauxü̃.

Echequié 34:23

Rü choma rü tá chanamu i chorü duü̃ ya Dabí nax wenaxarü chorü carnérugümaxã inacuáxü̃ca̱x. Rü nüma tá nüxna nadau, rü norü dauruxü̃ tá nixĩ.

2 Chamué 6:2

Rü guxü̃ma ga yema churaragümaxã Yudáanewa yexmane ga ĩane ga Baaráwa naxĩ nax Yerucharéü̃wa nangegüãxü̃ca̱x ga yema baú ga Tupanaarü mugü nawa yexmaxü̃. Rü yema baúxü̃tawa nixĩ ga namaxã yadexagüxü̃ ga Cori ya Tupana ya Guxü̃étüwa Nangexmacü ya querubíü̃güarü ngãxü̃tanüwa rütocü.

1 Chamué 4:4

Rü yemaca̱x ga Iraéanecüã̱xgü rü ñuxre ga churaragü Chilówa namugü. Rü yéma nayayauxgü ga yema baú ga nawa nayexmaxü̃ ga norü mugü ga Cori ya Tupana ya Guxü̃étüwa Ngẽxmacü. Rü Oní rü Fineéx ga yema taxre ga Erí nanegü rü yema baú ga Cori ya Tupanaarü mugü nawa yexmaxü̃xü̃ta nixĩxü̃tanü.

Popera ga Yudíugü ga yaxõgüxü̃ca̱x ümatüxü̃ 13:20

Rü ñu̱xma chanaxwa̱xe i pexü̃ narüngü̃xẽxẽ ya Tupana ya tórü taãẽxẽẽruxü̃ rü tórü ngüxmüxẽẽruxü̃ ixĩcü. Rü nüma nixĩ ga yuwa ínadaxẽẽãxü̃ ga tórü Cori ya Ngechuchu ya Cristu ya yaxõgüxü̃arü dauruxü̃ ya guxãarü yexera ixĩcü. Rü yexguma curuchawa yapotagu rü nagü ibaxgu rü nayanguxẽxẽ ga norü uneta i taguma iyarüxoxü̃ i maxü̃ tüxna ãxü̃. Rü chanaxwa̱xe nax nüma ya Tupana pexü̃ nangü̃xẽẽxü̃ nax guxü̃wama pemexü̃ca̱x rü mea naga pexĩnüexü̃ca̱x. Rü ngẽxgumarüxü̃ ta tanaxwa̱xe nax Ngechuchu ya Cristugagu Tupana toxü̃ rüngü̃xẽẽxü̃ nax nüma nanaxwa̱xexü̃ãcüma tixĩgüxü̃ca̱x. Rü tanaxwa̱xe i guxü̃guma Cristuxü̃ ticua̱xüü̃gü. Rü ngẽmaãcü yixĩ.

Echequié 10:4

Rü yexguma ga yema Tupanaarü üüne rü yema querubíü̃güétüwa nayachü̱xüxãchi rü guma Tupanapata ga taxü̃neca̱x íxücuxü̃waama naxũ. Rü yema caixanexü̃maxã nayapa ga guma Tupanapata. Rü yema naa̱xtü ga guma Tupanapata ga taxü̃ne rü Cori ya Tupanaarü üünemaxã nangóone.

Ichaía 63:11

Rü nümagü rü nüxna nacua̱xãchie ga yema nũxcüma Moiché üxü̃ ga yexguma Iraétanüxü̃xü̃ ínanguxü̃xẽẽgu. Rü yemaca̱x nügüna nacagüe rü ñanangürügü: —¿Ngexcü nixĩ ya yimá Tupana ga ñoma wüxi ga carnéruarü dauruü̃rüxü̃ Iraétanüxü̃xü̃gümaxã icuácü ga yexguma márwa yachoü̃gu? ¿Rü ñu̱xmax, rü ngextá nixĩ i nangẽxmaxü̃ ya yimá Tupana ga Moichéna namucü ga Naãxẽ ya Üünecü?

Ichaía 60:1

¡Íperüdagü, Pa Yerucharéü̃cüã̱xgüx! Erü wena ngóonexü̃wa pengẽxmagü. Rü Tupanaarü pora rü petanüwa nangẽxma.

Wiyaegü 80:7

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe i toxü̃ cungechaü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Wiyaegü 80:3

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe nax toxü̃ cungechaxü̃xü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Nüxíraxü̃xü̃ ga popera ga Pedru ümatüxü̃ 5:4

Rü ngẽxguma wena núma naxũxgu ya tórü Dauruü̃xü̃chi ya Cristu, rü pema rü tá penayauxgü i perü ãmare i nga̱xcueruxü̃ i mexẽchixü̃ i taguma ngauxü̃.

Ore i mexü̃ ga Cuáü̃ ümatüxü̃ 10:14

Choma nixĩ i carnérugüarü dauruxü̃ ya mecü chixĩxü̃. Rü ngẽxgumarüxü̃ ya Chaunatü nax choxü̃ nacuáxü̃ rü choma rü Chaunatüxü̃ nax chacuáxü̃, rü ngẽxgumarüxü̃ ta nüxü̃ chacua̱x i chorü carnérugü, rü nümagü rü choxü̃ nacua̱xgü. Rü choma rü naxca̱x chayu i chorü carnérugü.

Danié 9:17

Pa Torü Tupanax, choma rü curü duü̃xü̃ chixĩ. ¡Rü nüxü̃ naxĩnü i chorü yumüxẽ i nawa cuxü̃ chaca̱a̱xü̃xü̃! Rü cugüégagu cuxna chaca nax nüxü̃ cungechaü̃ãcüma nüxü̃ cudauxü̃ nax ñuxãcü poraãcü nachixexü̃ ya yima cupata ya taxü̃ne.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Echequié 1:13

Rü yema ãgümücü ga querubíü̃gü rü ñoma ã́xwe ya ina̱i̱xgücürüxü̃ nixĩgü rü ñoma omügü i ínaixgüxü̃rüxü̃ nixĩgü. Rü yéma nayexma ga üxüemagü ga norü ngãxü̃tanüwa nu ne naxĩxü̃ rü yexma nayarübaxixü̃tanü. Rü yemaca̱x nangóonexüchi rü yema ínangóonexü̃wa ne naxũ nax yaba̱i̱xbeanexü̃.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Wiyaegü 94:1

¡Rü cugü inawe̱x, Pa Cori Pa Tupanax! Erü cuxme̱xwa nixĩ i nangẽxmaxü̃ nax poxcu namaxã cuxueguxü̃ i ngẽma chixexü̃ ügüxü̃.

Wiyaegü 80:19

Pa Torü Tupana ya Guxãétüwa Ngẽxmacüx ¡toxü̃ rüngü̃xẽxẽ nax noxrirüü̃tama wüxi i nachixü̃ane i poraxü̃ tixĩgüxü̃ca̱x! ¡Rü toxü̃ nangechaxü̃ nax ngẽmaãcü torü uanügüme̱xẽwa ítanguxü̃xü̃ca̱x!

Wiyaegü 78:67

Rü tama nanaxwa̱xe nax Yúche nane ga Efraíü̃tanüxü̃wa ne naxĩxü̃ ga Iraéanecüã̱xgüarü ãẽ̱xgacügü.

Wiyaegü 78:52

Rü Equítuanewa Iraétanüxü̃xü̃ ínagaxü̃ ñoma carnérugü naxpüü̃wa ígaxü̃xü̃rüxü̃. Rü chianexü̃wa nanagagü ga yema norü duü̃xü̃gü ga Iraétanüxü̃.

Wiyaegü 69:1

¡Choxü̃ rüngü̃xẽxẽ, Pa Chorü Tupanax! Erü ngẽmatama nagu changu i taxü̃ i guxchaxü̃.

Wiyaegü 60:1

Pa Tupanax, cuma rü curü numaxã toxna quixũgachi rü toxü̃ cuwoone. Rü tanaxwa̱xe i wenaxarü toxca̱x cutaegu nax noxrirüxü̃ taporaexü̃ca̱x.

Wiyaegü 55:1

Pa chorü Tupanax ¡nüxü̃ naxĩnü i chorü yumüxẽ rü taxṹ i nüxü̃ cuxüpetümarexü̃ i ngẽma cuxna naxca̱x chacaxü̃!

Wiyaegü 45:1

Chauãxẽwa nangu i mexü̃ i dexagü, rü chorü conü rü ñoma wüxi i ümatüxü̃ruü̃rüxü̃ nixĩ. Rü ñaa chorü ore i chaxümatüxü̃ rü ãẽ̱xgacüpe̱xewa tá nüxü̃ chixu.

Wiyaegü 5:1

Pa Corix, Pa Chorü Ãẽ̱xgacüx, Pa Chorü Tupanax ¡choxü̃́ nüxü̃ naxĩnü i ñaa chorü dexa i cumaxã nüxü̃ chixuxü̃! ¡Rü choxü̃́ nayaxu i ñaa chorü yumüxẽ i auxãcüma cumaxã nüxü̃ chixuxü̃! ¡Rü nüxü̃ naxĩnü i ngẽma cuxna naxca̱x chaca̱xaxü̃! Erü cumaxã nixĩ i chidexaxü̃ i chorü yumüxẽwa.

Yox 10:3

¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Norü taxre ga popera ga ãẽ̱xgacügüchiga 19:15

Rü ñaãcü yéma nayayumüxẽ rü ñanagürü: —Pa Corix, Pa Iraétanüxü̃arü Tupana i Nua Daa Cupataarü Aixepewa i Nachica i Üünexü̃wa Ngẽxmaxex, rü cuxicatama nixĩ ya Tupana i norü yora quixĩxü̃ i guxü̃ma i nachixü̃anegü i ñoma i naanewa ngẽxmagüxü̃. Rü cumatama cunaxü ga daxũguxü̃ ga naane rü ñoma ga naane.

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Wiyaegü 50:1

Nüma ya Cori ya Tupana ya Guxãétüwa Ngẽxmacü rü nidexa, rü naxca̱x nangema i guxü̃ma i duü̃xü̃gü i guxü̃wama ñoma i naanewa ngẽxmagüxü̃.